(កោះកុង)៖ ឧបនាយករដ្ឋមន្ដ្រី ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានគូសបញ្ជាក់អំពីតម្លៃនៃសន្ដិភាព និងកាតព្វកិច្ចកសាងជាតិ ដោយបានអះអាងថា កសារបណ្ដុះស្មារតីជាតិ អ្វីដែលជាដួងព្រលឹង មោទនភាព និងឯកភាពជាតិមិនត្រូវចាំដល់ប្រទេសជាតិមានការឈ្លានពាននោះទេ។

ឧបនាយករដ្ឋមន្ដ្រី ហ៊ុន ម៉ានី លើកឡើងបែបនេះ ក្នុងឱកាសអញ្ជើញជាអធិបតី ពិធីប្រកាសទទួលស្គាល់ប្រធានកិត្តិយស និងប្រធានគណៈកម្មាធិការ សហភាពសហព័ន្ធយុវជនកម្ពុជា ខេត្តកោះកុង នាថ្ងៃទី២០ ខែកក្កដា ឆ្នាំ២០២៦។

ឧបនាយករដ្ឋមន្ដ្រី ហ៊ុន ម៉ានី មានមតិសំណេះសំណាលយ៉ាងស្និទ្ធស្នាលជាមួយថ្នាក់ដឹកនាំ និងសមាជិក សមាជិកា ស.ស.យ.ក. ខេត្តកោះកុង ដោយបានថ្លែងអំណរគុណ និងកោតសរសើរដោយស្មោះ ចំពោះកិច្ចខិតខំប្រឹងប្រែង និងការលះបង់កម្លាំងកាយចិត្តរបស់មន្ត្រីរាជការ ព្រមទាំងក្រុមការងារយុវជននាពេលកន្លងមក។

ក្នុងន័យនេះ លោកលើកទឹកចិត្ត និងអំពាវនាវដល់ថ្នាក់ដឹកនាំរចនាសម្ព័ន្ធថ្មី ព្រមទាំងសមាជិក សមាជិកា ឲ្យបន្តប្រកាន់ខ្ជាប់នូវស្មារតីទទួលខុសត្រូវខ្ពស់ បង្កើនសាមគ្គីភាពផ្ទៃក្នុង និងបន្តធ្វើជាគំរូដ៏ល្អ ក្នុងការបណ្តុះស្មារតីស្នេហាជាតិ ដើរទន្ទឹមគ្នានឹងការអភិវឌ្ឍសមត្ថភាពផ្ទាល់ខ្លួន ដើម្បីចូលរួមចំណែកដឹកនាំប្រទេសជាតិឲ្យកាន់តែរីកចម្រើន មិនចាំបាច់ទាល់តែមានការឈ្លានពាន ទើបយើងប្រឹងប្រែងបណ្ដុះឡើយ៕