(បន្ទាយមានជ័យ)៖ នៅថ្ងៃទី២១ ខែកក្កដា ឆ្នាំ២០២៦ លោក ប្រាក់ ប៉ូលី អភិបាលរងខេត្តបន្ទាយមានជ័យ បានដឹកនាំក្រុមការងារចម្រុះខេត្ត ក្រោមការសម្របសម្រូលនីតិវិធីដោយលោក សំរិទ្ធ សុខុន ព្រះរាជអាជ្ញារង នៃអយ្យការអមសាលាដំបូងខេត្ត បានចុះត្រួតពិនិត្យរដ្ឋបាលនៅជួល១កន្លែង មាន៣បន្ទប់ ស្ថិតនៅភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត រកឃើញមានជនជាតិខ្មែរចំនួន ៤នាក់ស្រី២នាក់ និងសម្ភារៈសង្ស័យមួយចំនួនពាក់ព័ន្ធនឹងបទល្មើស Online Scams នោះទេ។

ប្រតិបត្តិការនេះក្រោមការដឹកនាំពីលោក អុំ រាត្រី អភិបាលខេត្តបន្ទាយមានជ័យ និងលោក កើត វណ្ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ។

*បន្ទប់ជួលលេខJE72 ពុំមានជនបរទេស មានជនជាតិខ្មែរ ៣នាក់ ស្រី២នាក់ មានទូរសព្ទចំនួន១៩គ្រឿង Laptop ចំនួន៣។

*បន្ទប់ជួលលេខA333 ពុំមានជនបរទេស មានជនជាតិខ្មែរ ១នាក់​ ប្រុស មានសម្ភារៈសង្ស័យមួយចំនួនរួមមាន ម៉ូនីទ័រចំនួន១១គ្រឿង ។

តាមការសាកសួរបឋមជនជាតិខ្មែរខាងលើ បានឱ្យដឹងថា សម្ភារៈដែលរកឃើញនៅបន្ទប់JE72 និងបន្ទប់A333 ជាសម្ភារៈដែលថៅកែជនជាតិម៉ាឡេស៊ី បានឱ្យមុនពេលត្រឡប់ទៅប្រទេសម៉ាឡេស៊ីវិញ។ ចំណាត់ការបញ្ជូនជនជាតិខ្មែរទាំង៤នាក់ ទៅសាកសួរនៅអធិការដ្ឋាននគរបាលក្រុង៕