(ភ្នំពេញ)៖ សាកលវិទ្យាល័យវេស្ទើន បានប្រកាសដាក់ឲ្យដំណើរការជាផ្លូវការនូវឆាណែលផ្តល់ព័ត៌មានរបស់ខ្លួននៅលើកម្មវិធី CoolApp ដែលជាវេទិកាទំនាក់ទំនងដ៏ពេញនិយមមួយ។ ការបង្កើតឆាណែលនេះ គឺដើម្បីឆ្លើយតបទៅនឹងតម្រូវការក្នុងការផ្តល់ព័ត៌មានបានឆាប់រហ័ស និងទូលំទូលាយដល់និស្សិត បុគ្គលិក ក៏ដូចជាសាធារណជនទូទៅ។

ចាប់ពីពេលនេះតទៅ លោកអ្នកអាចទទួលបានព័ត៌មានថ្មីៗ និងតាមដានរាល់សកម្មភាពសំខាន់ៗរបស់សាកលវិទ្យាល័យវេស្ទើនបានភ្លាមៗ តាមរយៈការចុចតែមួយបក់នៅលើ CoolApp។ ឆាណែលផ្លូវការនេះនឹងក្លាយជាបណ្តុំព័ត៌មានច្បាស់លាស់ ត្រឹមត្រូវ និងទាន់ហេតុការណ៍ ដែលរួមមានព័ត៌មានសិក្សាធិការ ព្រឹត្តិការណ៍នានា សេចក្តីប្រកាសសំខាន់ៗ និងសមិទ្ធផលនានារបស់សាកលវិទ្យាល័យ។

ការដាក់ឲ្យដំណើរការឆាណែលព័ត៌មាននេះ គឺជាជំហានមួយដ៏សំខាន់របស់សាកលវិទ្យាល័យវេស្ទើន ក្នុងការប្រើប្រាស់បច្ចេកវិទ្យាទំនើប ដើម្បីពង្រឹងការទំនាក់ទំនង និងផ្តល់ភាពងាយស្រួលដល់អ្នកប្រើប្រាស់។ វាបង្ហាញពីការប្តេជ្ញាចិត្តរបស់សាកលវិទ្យាល័យក្នុងការធ្វើទំនើបកម្ម និងធានាថា ព័ត៌មានសំខាន់ៗអាចទៅដល់ដៃអ្នកពាក់ព័ន្ធបានទាន់ពេលវេលា និងប្រកបដោយប្រសិទ្ធភាពខ្ពស់។ និស្សិត និងសាធារណជនត្រូវបានស្វាគមន៍យ៉ាងកក់ក្តៅ ក្នុងការតាមដានឆាណែលនេះ ដើម្បីទទួលបានបទពិសោធន៍ថ្មីក្នុងការទទួលព័ត៌មាន៕

Please follow us:
https://channel.coolapp.com.kh/@western_university