(ភ្នំពេញ)៖ មន្ទីរពេទ្យកុមារអង្គរ ចំណាយថវិកាប្រមាណ ៦លានដុល្លារអាមេរិកក្នុងមួយឆ្នាំ ដើម្បីផ្តល់សេវាពិនិត្យ និងព្យាបាលកុមារនៅកម្ពុជា។ នៅឆ្នាំ២០២៤ សម្តេចតេជោ ហ៊ុន សែន បានបរិច្ចាគថវិកាចំនួន ៥០ម៉ឺនដុល្លារអាមេរិក ដល់មន្ទីរពេទ្យ។ ទន្ទឹមនឹងនេះ កាកបាទក្រហមកម្ពុជា ក្រោមការដឹកនាំរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងបន្តដោយ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណេត ក៏បានឧបត្ថម្ភថវិកាចំនួន ៥ម៉ឺនដុល្លារអាមេរិកក្នុងមួយឆ្នាំ ផងដែរ។

ក្នុងរយៈពេល ២៧ឆ្នាំ កន្លងមក មន្ទីរពេទ្យកុមារអង្គរ បានផ្តល់ការព្យាបាលដល់កុមារជាង ៣លាននាក់ ដែលស្មើនឹងប្រមាណ ១៨% នៃប្រជាជនកម្ពុជា។ មន្ទីរពេទ្យបានផ្តល់សេវាព្យាបាលជំងឺជាច្រើន រួមមាន ជំងឺទូទៅ ជំងឺមហារីកបាតភ្នែក ជំងឺមហារីកគ្រាប់ឈាម ជំងឺឆ្កួតជ្រូក និងជំងឺធ្ងន់ធ្ងរផ្សេងៗទៀតសម្រាប់កុមារ។

ដើម្បីធានាឱ្យមន្ទីរពេទ្យកុមារអង្គរ អាចបន្តបេសកកម្មមនុស្សធម៌ប្រកបដោយនិរន្តរភាព ការចូលរួមបរិច្ចាគពីប្រជាពលរដ្ឋខ្មែរគ្រប់រូប ព្រមទាំងសប្បុរសជន និងដៃគូអភិវឌ្ឍន៍ គឺមានសារៈសំខាន់យ៉ាងខ្លាំង។

សូមទស្សនាកិច្ចសម្ភាសរវាង លោក សិរី មុនី និង លោក ងួន ច័ន្ទភក្ត្រា នាយកមន្ទីរពេទ្យកុមារអង្គរ ស្តីពី «មន្ទីរពេទ្យកុមារអង្គរ៖ ក្រោមក្រសែភ្នែកថ្នាក់ដឹកនាំ និងពលរដ្ឋខ្មែរ» ដោយរីករាយ៕