(រតនគិរី)៖ កម្លាំងការិយាល័យជំនាញព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តរតនគិរី ដោយមានការសម្របសម្រួលនីតិវិធីពីលោក ឡុង ហុកម៉េង ព្រះរាជអាជ្ញា នៃអយ្យការអមសាលាដំបូងខេត្តរតនគិរី នៅថ្ងៃទី២៣ ខែកក្កដា ឆ្នាំ២០២៦ បានធ្វើការឃាត់ខ្លួនជនសង្ស័យចំនួន ០១នាក់ ពាក់ព័ន្ធករណី កំហែងយក (ជម្រិតទារប្រាក់) នៅស្ថិតនៅភូមិអូរកន្តិល សង្កាត់បឹងកន្សែង ក្រុងបានលុង រតនគិរី កាលពីថ្ងៃទី២២ ខែកក្កដា ឆ្នាំ២០២៦កន្លងទៅ។

បើតាមមន្ត្រីនគរបាលព្រហ្មទណ្ឌកម្រិតស្រាលនៃស្នងការនគរបាលខេត្តរតនគិរីប្រាប់ឲ្យដឹងថា សង្ស័យមានឈ្មោះ ឈៀង តុងហាន ភេទប្រុស អាយុ ៥៣ឆ្នាំ ជនជាតិខ្មែរ រស់នៅភូមិ ថារ៉ងចង ឃុំអូរជុំ ស្រុក អូរជុំ ខេត្តរតនគិរី ។

ប្រភពដដែល បានបញ្ជាក់ទៀតថា អង្គហេតុកាលពីថ្ងៃទី២២ ខែកក្កដា ឆ្នាំ២០២៦ ជនរងគ្រោះបានដឹកឈីចំនួន ៩កន្ទុយដើម្បីយកមកធ្វើទូនៅជិតសាលាឡាបានសៀក ដល់ផ្លូវបត់ចូលផ្ទះជាង ក៏បានឃើញម៉ូតូឈ្មោះ ឈៀង តុងហាន បានជិះម៉ូតូដេញតាម ហើយបានស្រែកឲ្យជនរងគ្រោះឈប់ម៉ូតូ តែជនរងគ្រោះ ក៏បានជិះម៉ូតូរត់។

លុះដល់ចំណុចក្រោយមន្ទីរបរិស្ថាន ក៏បានឈប់ម៉ូតូ ហើយឈ្មោះ ឈៀង តុងហាន បាននិយាយថាឱ្យជនរងគ្រោះបង់ប្រាក់ចំនួន ៤ខែ ហើយថ្លៃដឹកឈើ ក្នុងមួយខែចំនួន ១៥០.០០០រៀល សរុបទាំងអស់ចំនួន ៦០០.០០០រៀលដែលជនរងគ្រោះ មិនបានបង់ឲ្យឈ្មោះ ឈៀង តុងហាន ហើយជនរងគ្រោះ បាននិយាយប្រាប់ឈ្មោះ ឈៀង តុងហាន ថាខ្លួនឈប់ដឹកឈើហើយ, ឈ្មោះនេះបាននិយាយថាស្អីនឹងមិនឈើ ហើយស្ត្រីរូបនេះបាននិយាយទៅវិញថា ឈើនេះដឹកយកមកធ្វើទូដាក់ខោអាវប្រើទេ ហើយជនរងគ្រោះបាននិយាយថា ឈ្មោះ ឈៀង តុងហាន ដឹកឈើដែរហេតុ អីបានមករករឿងតែនាងខ្ញុំ ហើយឈ្មោះនេះបាននិយាយថាវាយចុយម្រាយអីលូវហើយ។

ជនរងគ្រោះ បានទំលាក់ឈើចំនួន ៩កន្ទុយ នោះចុះហើយបានជិះម៉ូតូចេញទៅបាត់ទៅ បានប្រហែលកន្លះម៉ោង គាត់បានជិះម៉ូតូត្រឡប់មកវិញស្រាប់តែបាត់ឈើនោះអស់ ហើយជនរងគ្រោះ បានសួរអ្នកជិតខាងថា ឈើនោះបាត់ទៅណា ហើយអ្នកជិតខាងបាននិយាយថាឈ្មោះ ឈៀង តុងហាន បានហៅគ្នាមកយកឈើនោះទៅបាត់អស់ហើយ អ្នកយកឈើនោះជិះម៉ូតូម៉ាក់វ៉េវ ពណ៌ខ្មៅ យកទៅអស់ហើយ។

បច្ចុប្បន្នជនសង្ស័យខាងលើត្រូវបានឃាត់ខ្លួនទុកបណ្តោះអាសន្ននៅ ការិយាល័យជំនាញ ដើម្បីបំពេញសំណុំរឿង បញ្ជូនទៅអយ្យការសាលាដំបូងខេត្ត តាមនិតិវិធីច្បាប់៕