(ភ្នំពេញ)៖ ក្រសួងអប់រំ យុវជន និងកីឡា បានប្រកាសបើកកម្មវិធី ME-NISTER ដ៏ពិសេសសម្រាប់សិស្សានុសិស្សកម្រិតមធ្យមសិក្សា ដែលចង់បង្ហាញសមត្ថភាព គំនិតច្នៃប្រឌិត និងស្នាដៃប្រកបដោយភាពច្នៃប្រឌិត ក្នុងការប្រកួតប្រជែងជាក្រុម ដើម្បីស្វែងរកក្រុមឈ្នះឆ្នើមទាំង ២០ក្រុម ដើម្បីទទួលបានការឧបត្ថម្ភក្នុងការផលិតវត្ថុគម្រូ(Prototype) និងស្វែងរកក្រុមជ័យលាភីមួយក្រុម ដែលនឹងទទួលបានឱកាសទៅសិក្សា និងទស្សនកិច្ចផ្លាស់ប្តូរវប្បធម៌ (Culture Exchange) នៅប្រទេសសិង្ហបុរី រយៈពេល ៣ថ្ងៃ ២យប់ ដោយឥតគិតថ្លៃ។

ME-NISTER STEM Innovation Showcase 2026 គឺជាកម្មវិធីដែលរៀបចំឡើងដោយមជ្ឈមណ្ឌលអប់រំពីចម្ងាយ និងឌីជីថល (Center for Digital and Distance Education - CDDE) នៃក្រសួងអប់រំ យុវជន និងកីឡា ក្នុងគោលបំណងលើកកម្ពស់ការអប់រំ STEM ជំរុញការច្នៃប្រឌិត និងផ្តល់ឱកាសឱ្យសិស្សានុសិស្សអភិវឌ្ឍគំនិតឱ្យក្លាយជាដំណោះស្រាយជាក់ស្តែងដែលមានផលប៉ះពាល់វិជ្ជមានដល់សង្គម។

ដំណើរការកម្មវិធីរួមមាន (១) ចុះឈ្មោះជាក្រុម (៣នាក់ និងគ្រូដឹកនាំ ១រូប), (២) ជ្រើសរើសបញ្ហាជាក់ស្តែង និងស្នើដំណោះស្រាយតាម STEM (៣) រៀបចំ Poster និងវីដេអូណែនាំគម្រោង សម្រាប់ការជ្រើសរើសជុំដំបូងតាមរយៈតំណភ្ជាប់៖ https://docs.google.com/forms/d/e/1FAIpQLSeRiAwLTqzP24So_SF32DUdTlTNQ4DlwJsMueFasFKKvkh7iQ/viewform (៤) ក្រុមដែលជាប់ជម្រើស នឹងទទួលបានការឧបត្ថម្ភដើម្បីអភិវឌ្ឍ Prototype និងទទួលការបណ្តុះបណ្តាល (Coaching) (៥) ក្រុមកំពូលទាំង២០ (Elite 20) នឹងត្រូវតាំងបង្ហាញ Prototype និងធ្វើបទបង្ហាញ (Pitch) ផ្ទាល់ជូនថ្នាក់ដឹកនាំក្រសួងអប់រំ។

កាលបរិច្ឆេទសំខាន់ៗ៖ ពន្យារពេលចុះឈ្មោះចូលរួម រហូតដល់ថ្ងៃទី២៨ ខែកក្កដា ឆ្នាំ២០២៦ និងប្រកាសបញ្ជីក្រុមដែលត្រូវបានជ្រើសរើស៖ ថ្ងៃទី ៣០ ខែកក្កដា ឆ្នាំ២០២៦ ៕

តំណភ្ជាប់សំខាន់ៗ៖ តំណភ្ជាប់សម្រាប់ចុះឈ្មោះ៖
https://docs.google.com/forms/d/e1FAIpQLSeRiAwLTqzP24So_SF32DUdTlTNQ4DlwJsMueFasFKKvkh7iQ/viewform