(ស្វាយរៀង)៖ មន្ទីរពេទ្យខេត្តស្វាយរៀង បានជូនដំណឹងថា មន្ទីរពេទ្យខេត្តស្វាយរៀង បានសហការជាមួយក្រុមហ៊ុន ហ្សីបាល់ហា ឯ.ក រៀបចំឲ្យមានការ ផ្តល់សេវាថ្មីគឺសេវាលាងឈាម (Hemodialysis) ដែលចាប់ផ្តើមបើកដំណើរការជាផ្លូវការចាប់ពីថ្ងៃទី២០ ខែកក្កដា ឆ្នាំ២០២៦នេះតទៅ។

ចំពោះសេវាថ្មីនេះដែរ គឺដើម្បីផ្តល់ការព្យាបាលជូនអ្នកជំងឺ ដែលមានជំងឺខ្សោយ តម្រងនោមរ៉ាំរ៉ៃ និងអ្នកជំងឺដែលត្រូវការលាងឈាមតាមស្តង់ដារវេជ្ជសាស្ត្រ។ ការបើកដំណើរការសេវាថ្មីនេះ មានគោលបំណងលើកកម្ពស់គុណភាព សេវាថែទាំសុខភាព កាត់បន្ថយការធ្វើដំណើរទៅទទួលសេវានៅទីតាំង ដែលឆ្ងាយ និងការចំណាយផ្សេងៗ ព្រមទាំងជួយសម្រួលដល់អ្នកជំងឺក្នុងការទទួលបានការព្យាបាលប្រកបដោយ ប្រសិទ្ធភាព សុវត្ថិភាព និងទាន់ពេលវេលា។

ដូចនេះសូមអញ្ជើញបងប្អូនប្រជាពលរដ្ឋដែលមានតម្រូវការទទួលសេវាលាងឈាម ឬចង់សាកសួរនូវ ព័ត៌មានបន្ថែមអញ្ជើញមកកាន់មន្ទីរពេទ្យរៀងរាល់ម៉ោងធ្វើការ ឬទំនាក់ទំនងតាមរយៈលេខទូរស័ព្ទដែលជូនភ្ជាប់ នៅខាងក្រោម។

អាស្រ័យហេតុដូចបានគោរពជម្រាបជូនខាងលើ សូមបងប្អូនប្រជាពលរដ្ឋទាំងអស់មេត្តាជ្រាបជាព័ត៌មាន។

ព័ត៌មានបន្ថែមសូមទំនាក់ទំនងតាមរយៈលេខទូរសព្ទ៖016 690 790៕