(ភ្នំពេញ)៖ ក្រសួងបរិស្ថាន បានចេញសេចក្តីជូនដំណឹងស្តីពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា ដោយបង្ហាញពីកម្រិតគុណភាពខ្យល់ «ល្អណាស់» ទូទាំងប្រទេស។ ការប្រកាសនេះធ្វើឡើងបន្ទាប់ពីការតាមដាន និងវាយតម្លៃគុណភាពខ្យល់ក្នុងរយៈពេល ២៤ម៉ោងចុងក្រោយ។

យោងតាមសេចក្តីជូនដំណឹង គិតចាប់ពីម៉ោង ៧ព្រឹក ថ្ងៃទី២៨ ខែកក្កដា ឆ្នាំ២០២៦ ដល់ម៉ោង ៧ព្រឹក ថ្ងៃទី២៩ ខែកក្កដា ឆ្នាំ២០២៦ កំហាប់ភាគល្អិតនិចលគិតជាមធ្យមស្មើនឹង ៤.១៣ µg/m3 ដែលទាបជាងស្តង់ដារកំណត់ ៥០ µg/m3 យ៉ាងច្រើន។ លទ្ធផលនេះបានបង្ហាញថា សន្ទស្សន៍គុណភាពខ្យល់ (Air Quality Index) ស្ថិតក្នុងកម្រិត «ល្អណាស់» ដែលជាកម្រិតខ្ពស់បំផុតនៃគុណភាពខ្យល់បរិសុទ្ធ។

ខេត្ត-រាជធានីទាំងអស់នៅក្នុងប្រទេសកម្ពុជាសុទ្ធតែមានគុណភាពខ្យល់ល្អណាស់ ដែលរួមមាន ខេត្តបន្ទាយមានជ័យ ខេត្តបាត់ដំបង ខេត្តកណ្តាល ខេត្តព្រៃវែង រាជធានីភ្នំពេញ ខេត្តរតនគិរី ខេត្តសៀមរាប ខេត្តកោះកុង ខេត្តកំពង់ស្ពឺ ខេត្តកែប ខេត្តព្រះវិហារ ខេត្តកំពង់ធំ ខេត្តកំពត ខេត្តមណ្ឌលគីរី ខេត្តក្រចេះ ខេត្តព្រះសីហនុ ខេត្តកំពង់ឆ្នាំង ខេត្តពោធិ៍សាត់ ខេត្តប៉ៃលិន ខេត្តស្វាយរៀង និងខេត្តស្ទឹងត្រែង។

ស្ថានភាពនេះឆ្លុះបញ្ចាំងពីបរិយាកាសល្អប្រសើរសម្រាប់សុខភាពសាធារណៈ និងសកម្មភាពប្រចាំថ្ងៃរបស់ប្រជាពលរដ្ឋ។ ក្រសួងបរិស្ថានបន្តជំរុញឱ្យប្រជាពលរដ្ឋចូលរួមថែរក្សាបរិស្ថាន ដើម្បីរក្សាបាននូវគុណភាពខ្យល់ល្អនេះជាបន្តបន្ទាប់៕