(ភ្នំពេញ)៖ លោក សារិន វណ្ណា ប្រធានមន្ទីរ​រៀបចំដែនដីរាជធានីភ្នំពេញ បានបញ្ជាក់ឱ្យដឹងថា កម្រៃសេវាសាធារណៈសម្រាប់អគារសហកម្មសិទ្ធិពីសង្គមចាស់មុនអនុក្រឹត្យ ៨៦អនក្រ បក ចុះថ្ងៃទី ១៩.១២.៩៧ ស្តីពីលិខិតអនុញ្ញាត្តឱ្យសាងសង់ មិនតម្រូវឱ្យបង់កម្រៃសេវា ១.២លានរៀលទេ សម្រាប់មួយយូនីត (ផ្ទះល្វែង) រាជរដ្ឋាភិបាលបានអនុគ្រោះឱ្យបង់កម្រៃសេវាត្រឹម ៥០០រៀល ក្នុង១ម៉ែត្រក្រឡាប៉ុណ្ណោះ។

តាមរយៈបណ្តាញសង្គមផ្លូវការរបស់ខ្លួន លោក សារិន វណ្ណា បានបញ្ជាក់ដូចនេះថា «សូមជម្រាបជូនដំណឹងដល់បងប្អូនប្រជាពលរដ្ឋរស់នៅខណ្ឌ ៧មករា ក៏ដូចជារាជធានីភ្នំពេញទាំងអស់ឱ្យបានជ្រាបថា កម្រៃសេវាសាធារណ:សម្រាប់អគារសហកម្មសិទ្ឋិពីសង្គមចាស់ មុនអនុក្រិត ៨៦អនក្រ បក ចុះថ្ងៃទី ១៩.១២.៩៧ (ស្តីពីលិខិតអនុញ្ញាត្តអោយសាងសង់) មិនតម្រូវឱ្យបង់កម្រៃសេវា ១.២លានរៀលទេ សម្រាប់មួយយូនីត (ផ្ទះល្វែង) ដោយរាជរដ្ឋាភិបាលបានអនុគ្រោះឱ្យបង់កម្រៃសេវាត្រឹម ៥០០រៀល ក្នុង ១ម៉ែត្រក្រឡាប៉ុណ្ណោះ»។

លោក សារិន វណ្ណា ក៏បានចូលរួមអបអរសាទរ ចំពោះរាជរដ្ឋាភិបាលអណត្តិទី៧ ដែលបានការអនុគ្រោះកម្រៃសេវាសាធារណៈដល់បងប្អូនប្រជាពលរដ្ឋ នៅរាជធានីភ្នំពេញ៕