(ភ្នំពេញ)៖ បេប៊ីអោតឡេត (Baby Outlet) បានចេញសេចក្តីជូនដំណឹង ដោយប្រកាសថា មិនមានអ្វីពាក់ព័ន្ធជាមួយអ្នកស្រី សាម ម៉ីជូ នោះទេ ខណៈម្ចាស់ក្រុមហ៊ុនបេប៊ីអោតឡេត រួមមាន៖ លោក ឈិន រ៉ាឌី, លោក កែវ ឡង់ឌី, អ្នកស្រី កែវ កញ្ញាវាសនា, លោក ឈិន រ៉ាវ៉ាន់។

ការចេញសេចក្តីជូនដំណឹងបែបនេះ ដោយសារស្រ្តីឈ្មោះ សាម ម៉ីជូ ជាប់ពាក់ព័ន្ធជាមួយគ្រោះថ្នាក់ចរាចរណ៍បណ្តាលឲ្យបុរសម្នាក់ស្លាប់ និងត្រូវបានគេចែកចាយព្រោងព្រាតតាមបណ្តាញសង្គម ហើយខ្លះបានទាញភ្ជា​ប់ស្រ្តីរូបនេះជាម្ចាស់ហាង Baby Outlet រហូតធ្វើឲ្យមានប្រជាពលរដ្ឋជាច្រើនចាប់ផ្តើមពហិការ និងមិនគាំទ្រហាងមួយនេះ។

តាមរយៈសេចក្តីជូនដំណឹងខាងលើ បានបញ្ជាក់ថា ស្រ្តីឈ្មោះ សាម ម៉ីជូ មិនមានឈ្មោះជាម្ចាស់ក្រុមហ៊ុនបេប៊ីអោតឡេតនោះឡើយ៕