(បរទេស)៖ ថ្វីដ្បិតតែព្រឹត្តិការណ៍បាល់ទាត់ពិភពលោក FIFA World Cup 2026 លើកទី២៣ បានបញ្ចប់ជាស្ថាពរកាលពីថ្ងៃទី២០ ខែកក្កដាពិតមែន ក៏ប៉ុន្តែគិតមកទល់ពេលនេះមានកីឡាករតែ ៦នាក់ប៉ុណ្ណោះដែលរកបានគ្រាប់បញ្ចូលទីច្រើនជាងគេ ប្រចាំកម្មវិធីដែលលេងរៀងរាល់ ៤ឆ្នាំម្តងនេះ។ នេះបើយោងតាមផេក FIFA។

ខ្សែប្រយុទ្ធទាំង ៦នាក់នោះមានមកពីតែ ២តំបន់ដូចម្ចាស់ពាន World Cup ដែរ ពោលគឺតំបន់អឺរ៉ុប (UEFA) និងអាមេរិកឡាទីន (CONMEBOL)។

ជាការកត់សម្គាល់ផងដែរ Kylian Mbappe របស់ក្លិប Real Madrid នៃក្រុមមាន់គកបារាំង ស៊ុតបាន ២២គ្រាប់ នៅជុំចុងក្រោយ World Cup បន្ទាប់ពីបង្ហាញខ្លួនទើបបាន ៣លើកប៉ុណ្ណោះកាលឆ្នាំ២០១៨ ២០២២ និងឆ្នាំ២០២៦ ស្របពេល Harry Kane របស់អង់គ្លេសទើបលេងបាន ៣លើកដូចគ្នា និងមាន ១៤គ្រាប់។

ជាមួយគ្នានោះ ប្រធានក្រុមអាហ្សង់ទីន Lionel Messi ដែលបង្ហាញខ្លួននៅ World Cup បាន ៦សម័យច្រើនជាងគេនោះ ស៊ុតបាន ២១គ្រាប់ផងដែរ គិតចាប់តាំងពី World Cup 2006 នៅប្រទេសអាល្លឺម៉ង់មក៕