(បរទេស)៖ លោក Gianni Infantino បានកំពុងរងសម្ពាធខ្លាំង ដែលបង្ខំឲ្យចុះចេញពីតំណែងប្រធាន សហព័ន្ធបាល់ទាត់អន្តរជាតិ FIFA មុនការបោះឆ្នោត ក្នុងអាណត្តិទី៤ របស់លោកមកដល់។ នេះបើយោងតាមការចេញផ្សាយដោយ BBC។

វាមានរយៈពេលជាង ១០ឆ្នាំមកហើយ ដែលបុរសវ័យ ៥៦ឆ្នាំ Infantino ដឹកនាំ FIFA គិតចាប់តាំងពីខែមេសា ឆ្នាំ២០១៦ តពីលោក Sepp Blatter ដែលមានសញ្ជាតិស្វីសដូចគ្នា។

លោកបានបង្កើត និងដឹកនាំ FIFA បានយ៉ាងល្អ តាមរយៈធ្វើការងារជាច្រើន ទាំងក្នុងក្លិប កម្មវិធី Club World Cup និងជាពិសេសបង្កើនក្រុមពី ៣២កើនដល់ ៤៨ក្រុមនៅ World Cup ដោយប្រមូលបានលុយយ៉ាងច្រើនចូលសហព័ន្ធ។

ទោះជាយ៉ាងណា លោកត្រូវបានបណ្តាសហព័ន្ធជាសមាជិក ជាពិសេសអឺរ៉ុប UEFA និងបង្ខំឲ្យលាលែងពីតំណែងទៀតផង ក្រោយលោកសម្រេចព្យួរការពិន័យកាតក្រហមខ្សែប្រយុទ្ធអាមេរិក ក្រោយមិត្តជិតស្និទ្ធរបស់លោក គឺលោក ដូណាល់ ត្រាំ ខលស្នើតាមទូរសព្ទ។

លើសពីនេះទៀត ជុំវិញគម្រោងការលក់ភាគហ៊ុន World Cup ប្រមាណ ២០% ឲ្យវិនិយោគិនឯកជនកាន់កាប់តែម្តង បើទោះបីជាលោកបានសម្រេចលុបចោលវិញកាលពីថ្ងៃសៅរ៍ក៏ដោយ។

ក្នុងសេចក្ដីថ្លែងការណ៍ខ្លី UEFA បានរំលេចថា "តំណែងរបស់លោក Infantino បានកំពុងស្ថិតក្នុងការគំរាមកំហែង និងដល់ពេលហើយ ដើម្បីផ្លាស់ប្តូរប្រធាន FIFA ថ្មី។ ពួកយើងបានបាត់បង់ទំនុកចិត្តលើរូបគាត់ហើយ"។

FIFA នឹងប្រកាសពីបេក្ខភាពបោះឆ្នោត ដើម្បីប្រជែងតំណែងប្រធានថ្មី ត្រឹមថ្ងៃទី១៨ ខែវិច្ឆិកា ឆ្នាំ២០២៦ មុនការបោះឆ្នោតធ្វើឡើងនាខែមីនាឆ្នាំក្រោយ នៅពេលលោក Infantino ក៏មានផែនការឈរឈ្មោះ ក្នុងអាណត្តិទី៤ របស់លោកដែរ៕