(សៀមរាប)៖ នៅថ្ងៃអាទិត្យ ទី០២ ខែសីហា ឆ្នាំ២០២៦ នេះ ក្រុមការងារនៃ ក្រុមមេធាវី ពិស្សុត & សហការី បានចូលរួមកម្មវិធីរត់ម៉ារ៉ាតុងអន្តរជាតិអង្គរលើកទី១១ នៅជុំវិញប្រាសាទអង្គរវត្ត ដែលត្រូវបានរៀបចំឡើងនៅលើទឹកដីប្រវត្តិសាស្ត្រនៃខេត្តសៀមរាប ក្រោមកិច្ចសហប្រតិបត្តិការរវាងគណៈកម្មាធិការជាតិអូឡាំពិកកម្ពុជា ជាមួយកិច្ចសហប្រតិបត្តិការមេគង្គ-ឡានឆាង និងព្រឹត្តិការណ៍តាលីម៉ារ៉ាតុង ហើយមានការចូលរួមគាំទ្រពីស្ថានទូតចិនប្រចាំនៅកម្ពុជា។

ការចូលរួមនាឱកាសនេះបង្ហាញពីស្មារតីសាមគ្គីភាព កម្លាំងកាយចិត្តមាំមួន និងភាពស្និទ្ធស្នាលរវាងថ្នាក់ដឹកនាំ មេធាវី និងបុគ្គលិកទាំងអស់នៃក្រុមមេធាវី ពិស្សុត & សហការី ព្រមទាំងជួយលើកស្ទួយវិស័យទេសចរណ៍កម្ពុជា។
ក្រុមមេធាវី ពិស្សុត & សហការី សូមថ្លែងអំណរគុណយ៉ាងជ្រាលជ្រៅដល់គណៈកម្មការរៀបចំកម្មវិធី និងអ្នកគាំទ្រទាំងអស់ ហើយសូមប្តេជ្ញាចិត្តបន្តចូលរួមក្នុងសកម្មភាពសង្គម និងកីឡាផ្សេងៗទៀតនាពេលអនាគត។

“ប្រជាពលរដ្ឋមួយរូបលេងកីឡាមួយប្រភេទ”