បេក្ខជនប្រឡងបាក់ឌុបម្នាក់ នៅមណ្ឌលប្រឡងវិទ្យាល័យមិត្តភាពកម្ពុជាជប៉ុន កំពតក្រុងលិច លួចយកទូរសព្ទចូលក្នុងបន្ទប់ប្រឡង
11-08-2026 15:59
(ភ្នំពេញ)៖ ក្រសួងអប់រំ យុវជន និងកីឡា បានបញ្ជាក់ឱ្យដឹងថា នៅថ្ងៃទី១១ ខែសីហា ឆ្នាំ២០២៦នេះ នៅវេលាម៉ោងទី២នៃដំណើរការសំណេរពេលរសៀល នៅមណ្ឌលប្រឡងវិទ្យាល័យ មិត្តភាពកម្ពុជាជប៉ុន កំពតក្រុងលិច ខេត្តកំពត មានករណីចាប់បានបេក្ខជនចំនួន ១រូប នាំចូលទៅក្នុងបន្ទប់ប្រឡងនូវទូរសព្ទវៃឆ្លាត។
បេក្ខជនត្រូវបានកត់ត្រាក្នុងកំណត់ហេតុពិសេស ហើយឧបករណ៍អេឡិកត្រូនិក ដែលបេក្ខជនបាននាំចូលក្នុងបន្ទប់ប្រឡងត្រូវបានរឹបអូសទុក។ ក្រសួងអប់រំ យុវជន និងកីឡា នឹងចាត់វិធានការណ៍ចំពោះករណីនេះតាមគោលការណ៍ជាធរមាន៕
