(កំពង់ចាម)៖ គណបក្សប្រជាជនកម្ពុជាខេត្តកំពង់ចាម នៅព្រឹកថ្ងៃទី១៥ ខែសីហា ឆ្នាំ២០២៦ បានរៀបចំពិធីប្រកាសបញ្ចូលសមាជិក សមាជិកាថ្មីចំនួន ៦០៥នាក់ មកពីសង្កាត់ទាំង៤ ក្នុងក្រុងកំពង់ចាម។

ពិធីនេះប្រព្រឹត្តទៅនៅស្នាក់ការគណបក្សប្រជាជនកម្ពុជាស្រុកកំពង់សៀម ក្រោមអធិបតីភាព លោក អ៊ុន ចាន់ថា ប្រធានគណបក្សប្រជាជនកម្ពុជាខេត្តកំពង់ចាម ដោយមានការចូលរួមពី លោក ជា សំណាង អនុប្រធានក្រុមការងារចុះមូលដ្ឋានក្រុងកំពង់ចាម និង លោក ខ្លូត ផន អនុប្រធានគណបក្សប្រជាជនកម្ពុជាខេត្តកំពង់ចាម ព្រមទាំងថ្នាក់ដឹកនាំ មន្ត្រីគណបក្ស និងអ្នកពាក់ព័ន្ធជាច្រើនរូបទៀត។

ក្នុងឱកាសនោះ សមាជិក សមាជិកាថ្មីទាំង ៦០៥នាក់ ត្រូវបានប្រកាសបញ្ចូលជាសមាជិករបស់គណបក្សប្រជាជនកម្ពុជា ដោយពិធីនេះក៏ជាឱកាសសម្រាប់ការពង្រឹង និងពង្រីកសមាជិកភាពរបស់គណបក្សនៅមូលដ្ឋានផងដែរ។

ការបញ្ចូលសមាជិក សមាជិកាថ្មីនេះ បានបង្ហាញពីការចូលរួមរបស់ប្រជាពលរដ្ឋក្នុងសកម្មភាពរបស់គណបក្ស និងការបន្តពង្រឹងកម្លាំងសមាជិកនៅតាមមូលដ្ឋាន ជាពិសេសនៅក្នុងសង្កាត់ទាំង៤ នៃក្រុងកំពង់ចាម។

ពិធីនេះបានប្រព្រឹត្តទៅក្នុងបរិយាកាសស្និទ្ធស្នាល និងមានសណ្តាប់ធ្នាប់ ដោយមានការចូលរួមពីសំណាក់ថ្នាក់ដឹកនាំ និងសមាជិក សមាជិកាគណបក្សយ៉ាងច្រើនកុះករ៕