(រដ្ឋធានី​ម៉ានីល)៖ នាថ្ងៃទី១៤ ខែសីហា ឆ្នាំ២០២៦ គណៈប្រតិភូនៃសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) ដឹកនាំដោយ ឧកញ៉ា តែ តាំងប៉ ប្រធាន FASMEC បានបញ្ចប់បេសកកម្មពាណិជ្ជកម្មពេញមួយថ្ងៃនៅរដ្ឋធានីម៉ានីល ប្រទេសហ្វីលីពីន។ បេសកកម្មនេះមានគោលបំណងសំខាន់ក្នុងការលើកកម្ពស់ និងពង្រឹងកិច្ចសហប្រតិបត្តិការធុរកិច្ចរវាងសហគ្រាសធុនតូច និងមធ្យម (SME) នៃប្រទេសទាំងពីរ ជាពិសេសលើវិស័យកសិកម្ម កសិ-កែច្នៃ ម្ហូបអាហារ និងផលិតផលសិប្បកម្ម-តម្បាញ។

សមាសភាពគណៈប្រតិភូ FASMEC ​១. ឧកញ៉ា តែ តាំងប៉ ប្រធាន FASMEC ២. ឧកញ៉ាបណ្ឌិត ស៊ិន ចន្ធី អនុប្រធាន FASMEC ៣. អ្នកឧកញ៉ាបណ្ឌិត សំ សុខនឿន អនុប្រធាន FASMEC ៤.លោក លី សេងហួត អនុប្រធាន

FASMEC ​សកម្មភាព និងជំនួបសំខាន់ៗក្នុងថ្ងៃបេសកកម្ម ​ជំនួបជាមួយសភាពាណិជ្ជកម្ម និងឧស្សាហកម្មហ្វីលីពីន Philippine Chamber of Commerce and Industry (PCCI)៖ គណៈប្រតិភូបានជួបភាក្សាការងារជាមួយ លោក Ferdinand “Perry” Ferrer ប្រធាន (PCCI) ដើម្បីស្វែងរកកិច្ចសហប្រតិបត្តិការធុរកិច្ច និងការរៀបចំការពិព័រណ៍ពាណិជ្ជកម្មអាស៊ាន។ ​ចុះអនុស្សរណៈនៃការយោគយល់ (MOU) ជាមួយ WOMEN’S BUSINESS COUNCIL PHILIPPINES (WomenBizPH) ដើម្បីកិច្ចសហប្រតិបត្តិការផ្លូវការ រវាងសហគ្រិនស្ត្រី និង SME នៃប្រទេសទាំងពីរ ព្រមទាំងបានចូលទស្សនាហាង OTOP ដែលដាក់លក់ផលិតផលសិប្បកម្មតំបន់របស់ហ្វីលីពីន។ ​កម្មវិធីជំនួបពាណិជ្ជកម្ម (Business Matching) ជាមួយ DTI-EMB៖ ដឹកនាំដោយ លោកស្រី Bianca Pearl R. Sykimte នាយិកាការិយាល័យពង្រីកការនាំចេញ(EMB) នៃក្រសួងពាណិជ្ជកម្ម និងឧស្សាហកម្មហ្វីលីពីន(DTI)។ ក្នុងនោះមានការជួបពិភាក្សាផ្ទាល់រវាងប្រតិភូ FASMEC និងក្រុមហ៊ុនហ្វីលីពីនជាច្រើនលើវិស័យកសិផល ម្ហូបអាហារ និងដឹកជញ្ជូន។ ​សកម្មភាពវប្បធម៌ និងបណ្តា។

ប្រតិភូបានអញ្ជើញទស្សនាពិព័រណ៍សិប្បកម្ម MaArte Fair នៅសណ្ឋាគារ The Peninsula Manila និងបានជួបពិភាក្សាជាមួយថ្នាក់ដឹកនាំស្ត្រីនៃ Zonta Club of Makati&Environs។ ​

ទិន្នន័យពាណិជ្ជកម្មសង្ខេប (កម្ពុជា-ហ្វីលីពីន) ​កម្ពុជា និងហ្វីលីពីន មានទំនាក់ទំនងការទូតជាមួយគ្នាតាំងពីឆ្នាំ ១៩៥៧។ ចាប់តាំងពីឆ្នាំ ២០២២ មក កម្ពុជាបាននាំចេញអង្ករជាង ៣,០០០ តោន ក្នុងមួយឆ្នាំទៅកាន់ហ្វីលីពីន។ រដ្ឋាភិបាលនៃប្រទេសទាំងពីរបានប្តេជ្ញាចិត្តពង្រីកទំហំពាណិជ្ជកម្មបន្ថែមទៀតលើវិស័យកសិកម្ម អាហារកែច្នៃ និងផលិតផលសិប្បកម្ម ដើម្បីពង្រឹងសេដ្ឋកិច្ចតំបន់អាស៊ាន៕