ថ្នាក់ដឹកនាំខេត្តរតនគិរី អញ្ជើញចុះពិនិត្យឈ្វេងយល់ក្រុមហ៊ុនរុករករ៉ែមាស MESCO GOLD នៅស្រុកអូរយ៉ាដាវ
15-08-2026 15:42
(រតនគិរី)៖ លោក ណាប់ ប៊ុនហេង ប្រធានក្រុមប្រឹក្សាខេត្ត និងលោក ញ៉ែម សំអឿន អភិបាលខេត្តរតនគីរី និលោកស្រី នៅរសៀលថ្ងៃទី១៤ ខែសីហា ឆ្នាំ២០២៦ បានដឹកនាំមន្រ្តីមន្ទីរជំនាញពាក់ព័ន្ធ និងអាជ្ញាធរស្រុកអូរយ៉ាដាវ ចុះពិនិត្យស្វែងយល់ក្រុមហ៊ុនរុករករ៉ែមាស MESCO GOLD ស្ថិតនៅភូមិពាក់ ឃុំយ៉ាទុង ស្រុកអូរយ៉ាដាវ ខេត្តរតនគិរី។
បើតាមការធ្វើបទបង្ហាញរបស់តំណាងក្រុមហ៊ុន បានឲ្យដឹងថា ទំហ៊ំផ្ទៃដីរុករករ៉ែមាស មាន ១២គីឡូម៉ែត្រការ៉េ។ បច្ចុប្បន្ន ដំណើរការផលិតកម្មរ៉ែមាសកំពុងជីករុករកលើផ្ទៃដី ១គីឡូម៉ែត្រការ៉េ មាន៣រណ្តៅ កំពុងដំណើរការ ហើយ រណ្តៅទី៣ ទទួល បានរ៉ែមាសច្រើនជាងគេ។ ក្នុងរយៈពេលជិត ១ឆ្នាំនេះក្រុមហ៊ុនផលិតមាសបានជាង ៣០គីឡូក្រាម។
ក្រុមហ៊ុនមានកម្មករ សរុប ១៣៤នាក់ មកពីឥណ្ឌា២២នាក់ ខ្មែរ ១១២នាក់ជាធម្យម ប្រាក់ខែរបស់កម្មករជាង៣០០ដុល្លារ ហើយ ទាបបំផុត ២៥០ទៅ២៧០ដុល្លារ។ កម្មករទាំងអស់មានប័ណ្ណ ប.ស.ស គ្រប់គ្នា។ ចំពោះ ការចម្រាញ់កន្លងមកគឺផ្តោតតែលើរ៉ែមាសទេ តែបើរុករកឃើញរ៉ែផ្សេងៗ ក្រុមហ៊ុននឹងសិក្សាបន្តទៀត។
ករណី រុករកឃើញ ក្រុមហ៊ុននឹងរាយការណ៍ទៅក្រសួងរ៉ែ និងថាមពល៕
