(ភ្នំពេញ)៖ នៅក្រោយពេលដែល កិច្ចព្រមព្រៀងការពារជាតិ «មិចកា» លេចចេញជារូបរាងឡើង បានធ្វើឲ្យ កិច្ចព្រមព្រៀងអាប្រាហាម (Abraham Accords) ដែលធ្លាប់ជាមេដែកស្រូបទាញអារ៉ាប៊ីសាអូឌីត ឱ្យធ្វើធម្មតានីយកម្មទំនាក់ទំនងជាមួយអ៊ីស្រាអែល ត្រូវជួបការកកស្ទះ។ នេះបើតាមការបញ្ជាក់ពីលោកបណ្ឌិត ញិល រដ្ឋា អ្នកជំនាញភូមិសាស្រ្តនយោបាយ និងសេដ្ឋកិច្ចអន្តរជាតិ។

ជាមួយគ្នានេះ លោកបណ្ឌិត ញិល រដ្ឋា ក៏បានបញ្ជាក់ថា តាមរយៈកិច្ចព្រមព្រៀងការពារជាតិ «មិចកា» «Mecca Joint Defence Agreement» បានលេចចេញឡើងរវាង «អារ៉ាប៊ីសាអូឌីត តួកគី និងប៉ាគិស្ទាន» បានធ្វើឲ្យអ៊ីស្រាអែល លែងមានឧត្តមភាពយោធាដាច់គេក្នុងតំបន់ទៀតហើយ ព្រោះឥឡូវនេះ អ៊ីស្រាអែលត្រូវប្រឈមមុខនឹងប្លុកការពារជាតិដែលមានទាំងសេដ្ឋកិច្ច បច្ចេកវិទ្យា និងអាវុធនុយក្លេអ៊ែរ។

ដោយគេឃើញថា អារ៉ាប៊ីសាអូឌីត មានប្រភពដើមទុនដ៏មហិមា និងការគ្រប់គ្រងលើប្រភពប្រេងឥន្ធនៈសកល ដើម្បីទ្រទ្រង់កញ្ចប់ថវិកាការពារជាតិរួម។ តួគី មានបច្ចេកវិទ្យាយោធាទំនើប ប្រព័ន្ធការពារអាកាស និងបច្ចេកវិទ្យាដ្រូន (Drones) ដែលមានបទពិសោធន៍ជាក់ស្តែងលើសមរភូមិ។ និងគីស្ថាន មានកម្លាំងទ័ពជើងគោកដ៏រឹងមាំ និងសំខាន់បំផុតគឺ «ខែលទប់ទល់នុយក្លេអ៊ែរ» (Nuclear Deterrence) តែមួយគត់នៅក្នុងពិភពឥស្លាម។ នេះបើតាមការបញ្ជាក់បន្ថែមពីលោកបណ្ឌិត ញិល រដ្ឋា។

ជាបន្តដើម្បីជ្រាបកាន់តែច្បាស់សូមទស្សនិកជនទស្សនាកិច្ចពិភាក្សាបន្តដូចតទៅ៖