(ភ្នំពេញ)៖ លោកបណ្ឌិត ញិល រដ្ឋា អ្នកជំនាញភូមិសាស្រ្តនយោបាយ និងសេដ្ឋកិច្ចអន្តរជាតិ បានលើកឡើងថា នៅក្នុងពិភពលោកមួយដែលស្ថាប័នពហុភាគីចុះទន់ខ្សោយ ហើយសង្គ្រាមប្រដាប់អាវុធផ្ទុះឡើងជាបន្តបន្ទាប់ ការពឹងផ្អែកលើ «ខែលការពារ» របស់មហាអំណាចខាងក្រៅ លែងជាកញ្ចប់ធានារ៉ាប់រងសន្តិសុខដ៏មានប្រសិទ្ធភាពទៀតហើយ។ ដូច្នេះការលេចឡើងនៃ កិច្ចព្រមព្រៀងការពារជាតិទីក្រុងមិចកា រវាងអារ៉ាប៊ីសាអូឌីត ទួរគី និងប៉ាគីស្ថាន នៅក្នុងបរិបទដែលសង្គ្រាមរវាងសម្ព័ន្ធមិត្តអាមេរិក-អ៊ីស្រាអែល និងអ៊ីរ៉ង់ កំពុងបន្តអូសបន្លាយយ៉ាងក្តៅគគុក មិនត្រឹមតែជាព្រឹត្តិការណ៍ទូតធម្មតានោះទេ ប៉ុន្តែវាជា «ការរំញ័រដីភូមិសាស្ត្រនយោបាយ» ដ៏សំខាន់បំផុតមួយនៃដើមសតវត្សរ៍ទី២១។ នេះបើតាមការការបញ្ជាក់របស់លោកបណ្ឌិត នៅក្នុងកិច្ចពិភាក្សា Fresh Talk នាថ្ងៃសៅរ៍សប្ដាហ៍កន្លងទៅ។

យ៉ាងណាមិញសម្រាប់លោកបណ្ឌិត កិច្ចព្រមព្រៀងការពារជាតិទីក្រុងមិចកា មិនមែនជាការបង្កើតសង្គ្រាមត្រជាក់ថ្មីនោះទេ ប៉ុន្តែវាជា «ការប្រកាសឯករាជ្យភាពផ្នែកសន្តិសុខ» របស់ពិភពឥស្លាមស៊ុននី។ ហើយវាជាសញ្ញាព្រមានយ៉ាងច្បាស់ទៅកាន់ពិភពលោកថា សណ្តាប់ធ្នាប់ពិភពលោកចាស់ដែលគ្រប់គ្រងដោយមហាអំណាចតែមួយបានបញ្ចប់ហើយ។

ជាបន្តដើម្បីជ្រាបកាន់តែច្បាស់សូមទស្សនិកជនទស្សនាកិច្ចពិភាក្សាបន្តដូចតទៅ៖