(ភ្នំពេញ)៖ ឧបនាយករដ្ឋមន្ត្រីប្រចាំការ វង្សី វិស្សុត រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុមការងារ​រាជរដ្ឋាភិបាលចុះមូលដ្ឋានខេត្តកំពង់ធំ បានស្នើសុំអាជ្ញាធរមានសមត្ថកិច្ច ត្រូវជួយវិស័យឯកជន មិនមែនទៅបង្កើតបញ្ហាឱ្យគេឈឺក្បាលទេ។

ឧបនាយករដ្ឋមន្ត្រីប្រចាំការ វង្សី វិស្សុត ថ្លែងបែបនេះធ្វើឡើង ក្នុងឱកាសលោកបានអញ្ជើញជាអធិបតីបើក និងដឹក​នាំ​សិក្ខាសាលាពិគ្រោះយោបល់ស្តីពី​ផែនការយុទ្ធសាស្ត្រអភិវឌ្ឍន៍កសិកម្មខេត្តកំពង់ធំ ឆ្នាំ២០២៦-២០៣០។

ឧបនាយករដ្ឋមន្ត្រីប្រចាំការ វង្សី វិស្សុត បានថ្លែងឲ្យដឹងថា «ជាអាជ្ញាធរសូមមេត្តាជួយដល់វិស័យឯកជន ជួយតួអង្គរទាំងអស់នេះ មិនមែនបង្កើតបញ្ហាឲ្យគេឈឺក្បាលនោះទេ ជួយក្នុងក្របខណ្ឌដែលកំពុងធ្វើ ការជួយដើម្បីឲ្យវិស័យឯកជនបញ្ចេញសមត្ថភាព មានឱកាសរកប្រាក់ចំណេញ ឬមានឱកាសក្នុងការប្រកបរបរការងារ»។

លោកឧបនាយករដ្ឋមន្ត្រីប្រចាំការ វង្សី វិស្សុត បានបញ្ជាក់ថា «ខ្ញុំសុំស្នើដលវាគ្មិនផ្ដោតលើអ្វីទាំងអស់នេះ ការគិតគូរជាខ្សែច្រវាក់តម្លៃ ព្រោះផែនការរបស់យើងកន្លងមកក្នុងវិស័យកសិកម្ម គឺការយកខ្សែច្រវាក់តម្លៃមកគិតទើបអាចដោះស្រាយបញ្ហាបាន»៕

សូមស្តាប់ការលើកឡើងរបស់ឧបនាយករដ្ឋមន្ត្រី វង្សី វិស្សុត៖