(បរទេស)៖​ លោក Richard Masters នាយកប្រតិបត្តិនៃក្របខណ្ឌលីគកំពូលអង់គ្លេស Premier League នៅតែបន្តរិះគន់ប្រធាន FIFA បច្ចុប្បន្នលោក Gianni Infantino ជុំវិញគម្រោងការលក់ភាគហ៊ុន World Cup របស់លោក បើទោះបីជាលុបចោលវិញហើយក៏ដោយ។

លោក Masters បានថ្លែងបា្រប់ BBC Sport ក្រោយបិទបញ្ចប់សន្និសីទ PL បើករដូវកាលថ្មីនាចុងសប្តាហ៍នេះថា «វាជាករណីដែលបានកំពុងធ្វើឱ្យ FIFA មានបញ្ហា និងតម្លៃនៃកម្មវិធី World Cup ធ្លាក់ចុះទៀតផង ដោយសារតែលោក Infantino តែម្នាក់គត់»។

ទន្ទឺមគ្នានោះលោក Masters ក៏បានរំលឹក ក៏ដូចជាបន្តគាំទ្រសមាគមបាល់ទាត់អង់គ្លេស ពីការដកការគាំទ្រចំពោះលោក Infantino ពីការឈរឈ្មោះបោះឆ្នោតក្នុងអាណត្តិថ្មី និងស្នើឱ្យមានបេក្ខជនមកជំនួសទៀតផង។

គិតមកទល់ពេលនេះដែរ ពុំទាន់មានបេក្ខជនណាម្នាក់មានមហិច្ឆតាឈរឈ្មោះប្រជែងតំណែងប្រធាន FIFA ជាមួយបុរសសញ្ជាតិស្វីស វ័យ ៥៦ឆ្នាំនៅឡើយទេ ទម្រាំដល់ថ្ងៃបិទទទួលពាក្យនាថ្ងៃទី១៨ ខែវិច្ឆិកា ឆ្នាំ២០២៦ មុនកាលបរិច្ឆេទបោះឆ្នោតផ្លូវការ អំឡុងខែមីនា ឆ្នាំ២០២៧ ខាងមុខ៕