សៀវភៅ «គន្លឹះអ្នកសារព័ត៌មានអាជីព»៖ សារព័ត៌មានមិនមែនត្រឹមតែចេះសរសេរ តែត្រូវចេះស្វែងរកការពិត សួរ គិត និងមានទំនួលខុសត្រូវ
19-08-2026 12:37
(ភ្នំពេញ)៖ «សារព័ត៌មាន គឺជាវិជ្ជាជីវៈដែលរៀនដោយការធ្វើ មិនមែនត្រឹមតែអាន»។ នេះជាគោលគំនិតសំខាន់មួយដែលត្រូវបានលើកឡើងក្នុងសៀវភៅ «គន្លឹះអ្នកសារព័ត៌មានអាជីព» (The Essentials of Professional Journalism) ដែលមានកម្រាស់៣៩០ទំព័រ និងជាស្នាដៃរបស់អ្នកកាសែតជើងចាស់មួយរូបគឺលោក សោម សត្តនា ហៅ ម៉ារ យ៉ារិទ្ធិ ដែលមានបទពិសោធន៍ក្នុងវិស៏យនេះជាង ៤០ឆ្នាំ។
សៀវភៅ «គន្លឹះអ្នកសារព័ត៌មានអាជីព» បានបង្ហាញថា ការក្លាយជាអ្នកសារព័ត៌មានអាជីព មិនមែនគ្រាន់តែចេះសរសេរព័ត៌មានឲ្យបានល្អនោះទេ ប៉ុន្តែត្រូវចេះ ស្វែងរកការពិត សួរសំណួរឲ្យបានត្រឹមត្រូវ គិត វិភាគ ស្រាវជ្រាវ និងអនុវត្តការងារដោយគោរពក្រមសីលធម៌វិជ្ជាជីវៈ។
ក្រៅពីមូលដ្ឋាននៃការសរសេរព័ត៌មាន សៀវភៅនេះបានបង្ហាញពី សារព័ត៌មានជាច្រើនទម្រង់ ដូចជា ព័ត៌មានក្តៅ, Feature Writing, វិចារណកថា, អត្ថបទទស្សនៈ, អត្ថបទវិភាគ, សារព័ត៌មានស៊ើបអង្កេត, សារព័ត៌មានទិន្នន័យ, សារព័ត៌មានរូបថត, សារព័ត៌មានឌីជីថល, TikTok Journalism និង Podcast Journalism ព្រមទាំងក្រមសីលធម៌សម្រាប់អ្នកសារព័ត៌មាន។
ជាពិសេស សៀវភៅបានសង្កត់ធ្ងន់ថា អ្នកអានមិនគួរប្រើសៀវភៅនេះសម្រាប់តែការអាន និងចងចាំទ្រឹស្តីនោះទេ ប៉ុន្តែត្រូវយកចំណេះដឹងទៅ គិត សួរ និងអនុវត្តក្នុងជីវិតពិត ព្រោះការរៀនសារព័ត៌មាន គឺត្រូវរៀនតាមរយៈការអនុវត្តជាក់ស្តែង។
ជាមួយគ្នានេះ សៀវភៅ «គន្លឹះអ្នកសារព័ត៌មានអាជីព» ក៏មានគោលបំណងមួយសំខាន់ គឺមិនត្រឹមតែបង្រៀនឲ្យអ្នកអាន ចេះសរសេរព័ត៌មាន ប៉ុណ្ណោះទេ ប៉ុន្តែជួយឲ្យពួកគេក្លាយជា អ្នកសារព័ត៌មានដែលមានគុណភាព និងមានទំនួលខុសត្រូវចំពោះសង្គម។
ក្នុងតម្លៃត្រឹម ២០ដុល្លារ អ្នកអានអាចទទួលបានចំណេះដឹង និងបទពិសោធន៍ជាង ៤០ឆ្នាំ ដែលអ្នកនិពន្ធបានចងក្រង និងរៀបរាប់ក្នុងសៀវភៅកម្រាស់ ៣៩០ទំព័រ ដើម្បីឲ្យអ្នកសិក្សាអាចស្វែងយល់ពីមូលដ្ឋាន និងជំនាញសារព័ត៌មានសំខាន់ៗនៅក្នុងសៀវភៅតែមួយក្បាល។
អ្នកដែលមានចំណាប់អារម្មណ៍អាចជាវសៀវភៅ «គន្លឹះអ្នកសារព័ត៌មានអាជីព» តាមរយៈលេខទូរស័ព្ទ ០១៧ ៨៨៨ ០០២ និង ០៧៨ ៦៦៩ ៨៨៩៕
