(ភ្នំពេញ)៖ កម្មវិធីឆាតដំបូងគេរបស់កម្ពុជា CoolApp បានបន្តបញ្ចេញកំណែទម្រង់ជំនាន់ថ្មី Version 62.0 សម្រាប់ប្រព័ន្ធប្រតិបត្តិការ iOS ជាផ្លូវការនៅលើ App Store ហើយ ដោយបានធ្វើឱ្យសមត្ថភាពផ្ញើឯកសារធំៗ និងការរៀបចំទិន្នន័យក្នុង Channel កាន់តែមានប្រសិទ្ធភាពខ្ពស់ ដើម្បីផ្តល់បទពិសោធន៍ប្រើប្រាស់កាន់តែងាយស្រួល និងរហ័សទាន់ចិត្ត។

នៅក្នុងកំណែទម្រង់ iOS Version 62.0 នេះ រួមមានចំណុចលេចធ្លោសំខាន់ៗដូចជា បញ្ជូនឯកសារធំៗបានយ៉ាងរលូន មិនរលត់អេក្រង់ (Lock Screen) ដំណោះស្រាយថ្មីអនុញ្ញាតឱ្យការផ្ញើឯកសារទំហំធំ (រហូតដល់កម្រិត GB) ដំណើរការទៅមុខរហូតដោយមិនដាច់ពាក់កណ្តាលទីឡើយ។ ហើយ Version ថ្មីនេះក៏បានបន្ថែមចំណុចមួយចំនួនទៀតដូចជា​ File PDF Word Excel ឬ Powerpoint នឹងបង្ហាញ Logo សំគាល់ដូចរូបភាព !

លោកអ្នកដែលកំពុងប្រើប្រាស់ iPhone ឬ iPad អាចចូលទៅកាន់ App Store ដើម្បីធ្វើការអាប់ដេត CoolApp Cambodia ទៅកាន់ Version 62.0 បានដោយឥតគិតថ្លៃចាប់ពីថ្ងៃនេះតទៅ៕