(ភ្នំពេញ)៖ ក្រសួងប្រៃសណីយ៍ និងស្ថាប័នជំនាញ ចេញប្រកាសអំពីហានិភ័យនៃការចុចលើតំណភ្ជាប់ Telegram និងព្រមានអំពីការវាយលុក (Hack) ពីសំណាក់ជនអនាមិក ស្របពេលកម្មវិធី Telegram កំពុងធ្វើទុក្ខបុកម្នេញយ៉ាងខ្លាំងដល់អ្នកប្រើប្រាស់ នាពេលនេះប្រជាពលរដ្ឋខ្មែរយ៉ាងច្រើនបាននាំគ្នា ងាកមកប្រើប្រាស់កម្មវិធី CoolApp ប្រកបដោយថាមពលរបស់ខ្មែរ។

CoolApp មានមុខងារយ៉ាងច្រើនសម្រាប់ទំនាក់ទំនងគ្នា ជាពិសេសទូរសព្ទនិយាយគ្នាតាម CoolApp គ្មានភាពរអាក់រអួល សម្លេងថ្លាច្បាស់ ល្អជាងកម្មវិធីផ្សេងៗ ហើយមុខងារថ្មី Channel មានប៊ូតុងចុច Like & Comment ទៀតផង។

ក្រោយពីដំណើរការ Channel មួយរយៈពេលខ្លីនេះមានអ្នកបង្កើត Channnel កើនដល់ជិត១០០០ហើយ នឹងបន្តកើនជាលំដាប់។
CoolApp នឹងបន្តអភិវឌ្ឍន៍កម្មវិធីរបស់ខ្លួនរហូតដល់ចំណុចមួយ ដែលធ្វើយ៉ាងណាឲ្យបងប្អូនប្រជាពលរដ្ឋខ្មែរប្រើប្រាស់កាន់តែងាយស្រួល មិនចាញ់របស់បរទេស៕