(ភ្នំពេញ)៖ អគ្គនាយកដា្ឋនពន្ធដារ នៅថ្ងៃទី២១ ខែសីហា ឆ្នាំ២០២៦ បានចេញសេចក្តីជូនដំណឹងថា អគារទីស្នាក់ការកណ្តាលនៃអគ្គនាយកដ្ឋានពន្ធដារថ្មី នៅខណ្ឌជ្រោយចង្វារ នឹងត្រូវបានប្រើប្រាស់ជាទីតាំងសម្រាប់ការរៀបចំ កម្មវិធីសន្និសីទប្រធានសភានៃអន្តរសភាលើកទី២ ដែលនឹងប្រព្រឹត្តទៅចាប់ពីថ្ងៃទី២៦ ដល់ថ្ងៃទី២៨ ខែសីហា ឆ្នាំ២០២៦ ខាងមុខនេះ ដូច្នេះ ដើម្បីសម្រួលដល់ការផ្តល់សេវាជូនអ្នកជាប់ពន្ធ ក្នុងអំឡុងពេលរៀបចំកម្មវិធីសន្និសីទខាងលើអគ្គនាយកដ្ឋានពន្ធដារ ស្នើឱ្យអ្នកជាប់ពន្ធ និងបងប្អូនប្រជាពលរដ្ឋ អាចអញ្ជើញមកទទួលសេវា នៅទីតាំងអគារអគ្គនាយកដ្ឋានពន្ធដារចាស់ ដែលមានអាសយដ្ឋានស្ថិតនៅ អគារកែងមហាវិថីសហព័ន្ធរុស្ស៊ី និងម៉ៅសេទុងវិញ។

អគ្គនាយកដ្ឋានពន្ធដារនឹងបន្តបម្រើសេវាជូនអ្នកជាប់ពន្ធពេញលេញជាធម្មតាវិញ ចាប់ពីថ្ងៃទី៣១ ខែសីហា ឆ្នាំ២០២៦ នៅទីតាំងអគារទីស្នាក់ការកណ្តាលនៃអគ្គនាយកដ្ឋានពន្ធដារ ដែលមានអាសយដ្ឋាន ស្ថិតនៅ អគារលេខ ៣៣៣ វិថីពន្ធដារ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ៕