(បន្ទាយមានជ័យ)៖ គណ:បញ្ជាការឯកភាពរដ្ឋបាលខេត្ដបន្ទាយមានជ័យ ដឹកនាំដោយលោក ប្រាក់ ប៉ូលី អភិបាលរងខេត្ត និងលោក លៀម សុដា អភិបាលរងខេត្ត តំណាងលោក អ៊ុំ រាត្រី អភិបាល សម្របសម្រួលនីតិវិធីដោយលោក សំរិទ្ធ សុខុន និងលោក មុត សម្បត្តិ ព្រះរាជអាជ្ញារង នៃអយ្យការអមសាលាដំបូងខេត្ត តំណាងលោក កើត វណ្ណារ៉េត ព្រះរាជអាជ្ញា បានចុះត្រួតពិនិត្យជាក់ស្ដែងចំនួន២ទីតាំង (បិទសៀល១ទីតាំង) រកឃើញជនបរទេសសរុប ១៥៣នាក់ស្រី២៧នាក់ ៣សញ្ជាតិ។

*ទីតាំងទី១៖ ស្ថិតនៅភូមិអូរអំពិល ឃុំទួលពង្រ ស្រុកម៉ាឡៃ មានអ្នកគ្រប់គ្រងឈ្មោះ ថៃ ម៉េងលី ភេទប្រុស សញ្ជាតិខ្មែរ បានចូលរួមសហការជាមួយក្រុមការងារ ពិនិត្យឃើញថា ទីតាំងពុំមានជនបរទេស ពុំមានសម្ភារដែលជាសញ្ញាណ នៃការប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams)។

*ទីតាំងទី២៖ ស្ថិតនៅភូមិអូរអំពិល ឃុំទួលពង្រ ស្រុកម៉ាឡៃ មានអ្នកគ្រប់គ្រងឈ្មោះ ថៃម៉េងលី ភេទប្រុស សញ្ជាតិខ្មែរ បានចូលរួមសហការជាមួយក្រុមការងារ ពិនិត្យឃើញថា ទីតាំងពុំមានជនបរទេស ពុំមានសម្ភារៈដែលជាសញ្ញាណ នៃការប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams)។

*ទីតាំងទី៣ (បិទសៀល) សណ្ឋាគារ វួយ យៀន កម្ពស់៦ជាន់ ៨៤បន្ទប់ នៅភូមិផ្សារកណ្ដាល សង្កាត់ផ្សារកណ្ដាក រកឃើញជនបរទេសចំនួន៧១នាក់ ស្រី៣នាក់ ២សញ្ជាតិ ចិន៧០នាក់ស្រី២នាក់ និងវៀតណាម១នាក់ស្រី និងរកឃើញសម្ភារសង្ស័យមួយចំនួន សមត្ថកិច្ចជំនាញបន្ដនីតិវិធី ។

ចំណាត់ការបញ្ជូនជនបរទេសទាំងអស់ ទៅមណ្ឌលកងវ៉ាខេត្ត ដើម្បីបន្ដនីតិវិធី។ សមត្ថកិច្ចជំនាញ ដកហូតវត្ថុតាង បញ្ជូនទៅស្នងការដ្ឋាននគរបាលខេត្តបន្ដនីតិវិធី។ ស្រាវជ្រាវរកម្ចាស់ទីតាំង និងបិទទីតាំងជាបណ្ដោះអាសន្ន។

*ទីតាំងទី៤ (ម្ចាស់ សេង វាសនា) អគារ៤ជាន់ ២៤បន្ទប់ ស្ថិតនៅភូមិសាមគ្គីមានជ័យ សង្កាត់អូរជ្រៅ មានជនបរទេសស្នាក់នៅចំនួន៨២នាក់ ស្រី២៤នាក់ ១សញ្ជាតិ ជាជនជាតិឥណ្ឌូនេស៊ី មានឯកសារត្រឹមត្រូវ ទីតាំងពុំមានសម្ភារសង្ស័យអប់រំ៕