(បរទេស)៖ គណៈកម្មាធិការវិន័យនៃសហព័ន្ធ FIFA បានចាប់ផ្តើមដាក់ទណ្ឌកម្មទៅលើក្រុមបាល់ទាត់ជម្រើសជាតិពពកស អាហ្សង់ទីន ដែលមានការប៉ះទង្គិចគ្នាខ្លាំងជាមួយអេស្ប៉ាញ កាលផ្តាច់ព្រ័ត្រ World Cup 2026 ដែលបានបញ្ចប់ទៅកាលពីថ្ងៃទី១៩ ខែកក្កដា។

តាមរយៈការចេញផ្សាយដោយគេហទំព័រកីឡា BBC បានឱ្យដឹងថា ក្រុមមកពីតំបន់អាមេរិកឡាទីនមួយនេះ មានពេលខ្លះជាក្រុមគំរូ និងលេងល្អលើលោក និងពេលខ្លះទៀត ជាក់ស្តែង World Cup 2026 វាទៅជាបង្ហាញអាកប្បកិរិយាមិនល្អទៅវិញ។

ខាងក្រោមនេះ ជាទណ្ឌកម្មនានាទៅលើអាហ្សង់ទីន ដោយសារលេងបែបកាចៗទល់នឹងអេស្ប៉ាញ ដែលដណ្តើមបានជើងឯកនោះរួមមាន៖

១៖ ខ្សែបម្រើ Leandro Paredes ត្រូវបានដកបញ្ឈរជើង ១០ប្រកួត
២៖ ខ្សែការពារ Nahuel Molina រងពិន័យ ៧ប្រកួត
៣៖ អាហ្សង់ទីន ត្រូវលេងបិទទ្វារកីឡដ្ឋាន ៥០% ចំពោះ ២ប្រកួតក្នុងដីបន្ទាប់
៤៖ សហព័ន្ធបាល់ទាត់អាហ្សង់ទីន AFA រងពិន័យ ៣២១,០០០ដុល្លារ ករណីហឹង្សារបស់កីឡាករ និងអ្នកគាំទ្រ
៥៖ AFA ត្រូវរងពិន័យ ១០,០០០ដុល្លារផ្សេងទៀត ដើម្បីគាំទ្រដល់គម្រោងអភិរឌ្ឍន៍
៦៖ ទាំង Paredes និង​ Molina ត្រូវពិន័យរួមគ្នាជាទឹកប្រាក់ចំនួន ៩០,០០០ដុល្លារថែមទៀត។

គួរបញ្ជាក់ផងថា ការពិន័យទៅលើក្រុមអាហ្សង់ទីន គឺផ្តោតសំខាន់តែទៅលើការប្រកួតមិត្តភាពអន្តរជាតិតែប៉ុណ្ណោះ គ្រាដែលអតីតជើងឯក World Cup ៣សម័យកាលមួយនេះបានឱ្យដឹងថា ពួកគេនឹងប្តឹងបកវិញ ហើយប្រសិនបើមិនជោគជ័យ នឹងបន្តប្តឹងទៅតុលាការកីឡា Court of Arbitration for Sport (CAS) ថែមទៀត៕