(ភ្នំពេញ)៖ Fresh AI សេរីថ្មីបានបោះជំហានទៅមុខមួយកម្រិតទៀត តាមរយៈការដាក់ឱ្យប្រើប្រាស់មុខងារថតរូបភាព ឬឯកសារ (Image & PDF) បំលែងទៅជាអក្សរ និងសង្ខេបអត្ថបទចេញពីរូបភាពយ៉ាងឆ្លាតវៃ។ ភាពលេចធ្លោនៃបច្ចេកវិទ្យានេះ គឺភាពបត់បែននៃការប្រើប្រាស់ ដែលអនុញ្ញាតឱ្យអ្នកប្រើប្រាស់បញ្ចូលទិន្នន័យបានច្រើនរូបភាព ទាំងការថតផ្ទាល់ ឬជ្រើសរើសរូបថតដែលមានស្រាប់។ ប្រព័ន្ធ AI នឹងចាប់យកអត្ថបទចេញពីឯកសារភ្លាមៗ ហើយបន្ទាប់មកនឹងបង្ហាញសំណួរដោយស្វ័យប្រវត្តិថា «តើចង់ឱ្យខ្ញុំសង្ខេបខ្លឹមសារខាងលើជូនអ្នកទេ?»។

នៅពេលអ្នកប្រើប្រាស់ចុចយល់ព្រម ប្រព័ន្ធនឹងវិភាគបរិបទអត្ថបទទាំងមូល រួចស្រង់យកតែចំណុចស្នូល ដូចជាកាលបរិច្ឆេទ កិច្ចការដែលត្រូវធ្វើ និងគោលបំណងសំខាន់ៗមកបង្ហាញ។ មុខងារដ៏មានសារៈសំខាន់នេះ មិនត្រឹមតែជួយសន្សំសំចៃពេលវេលាយ៉ាងច្រើនសម្រាប់បុគ្គលិកការិយាល័យ និងសិស្សនិស្សិតប៉ុណ្ណោះទេ ប៉ុន្តែវាក៏ជាជំនួយការដ៏ពូកែសម្រាប់សាធារណជនទូទៅដែលចង់ទទួលបានព័ត៌មានរហ័ស និងសុក្រឹតផងដែរ។

Please Download:
https://freshai.com.kh/download