(ភ្នំពេញ)៖ ឧត្តមសេនីយ៍ឯក ជន ណារិន្ទ ស្នងការនគរបាលរាជធានីភ្នំពេញ នៅថ្ងៃទី២៣ ខែសីហា ឆ្នាំ២០២៦នេះ បានបញ្ជាឲ្យ ស្រាវជ្រាវលើករណី ជម្លោះក្នុងហាងផឹកស៊ី SAVAGE ក្នុងខណ្ឌចំការមន ដោយជនបង្ក អមដោយអង្គរក្ស បានយកដបវាយក្បាលជនរងគ្រោះ។

ករណីនេះបានកើតឡើង កាលពីយប់រំលងអាធ្រាត ឈានចូលថ្ងៃទី២៣ ខែសីហា ឆ្នាំ២០២៦ នៅក្នុងហាងឈ្មោះ SAVAGE ស្ថិតក្នុងសង្កាត់បឹងកេងកងទីឆ ខណ្ឌបឹងកេងកង រាជធានីភ្នំពេញ។

ដោយទទួលបានវីដេអូ និងរូបភាពរបស់ជនបង្កនោះ ឧត្តមសេនីយ៍ឯក ស្នងការរាជធានីភ្នំពេញ បានបង្ហោះរូបទាំងនោះ ជាមួយនឹងការបញ្ជាក់ខ្លឹមសារថា «ករណីនេះខ្ញុំបានបញ្ជាទៅលោកអធិការខណ្ឌបឹងកេងកង និងលោកស្នងការរង ប៊ុនសត្យា ស្រាវជ្រាវករណីនេះបន្ទាន់ហើយ»។
ករណីហិង្សាខាងលើ មិនទាន់មានការបញ្ជាក់ផ្លូវការណាមួយទេ ប៉ុន្តែបើតាមសាក្សីនៅកន្លែងកើតហេតុ បានអះអាងថាករណីហិង្សានេះ កើតឡើងដោយសារតែកាត់ដើរប៉ះគ្នានៅក្នុងហាង បន្ទាប់ពីជនបង្ក និងជនរងគ្រោះ បានផ្លាស់ប្ដូរតុ ទៅជួលកែវគ្នា ម្ដងម្កាល៕