(ភ្នំពេញ)៖ ជោគជ័យថ្មីមួយទៀតនៅលើឆាកអន្តរជាតិ ដែលជាមោទនភាពដ៏ធំធេងសម្រាប់កម្ពុជា គឺយុវជន ផន មុតសុក្រឆពណ្ណ ហៅ Richie ទើបតែបានបញ្ចប់ការសិក្សាផ្នែកយោធាដោយជោគជ័យ ពីរាជបណ្ឌិតសភាយោធា Royal Military Academy Sandhurst ដ៏ល្បីល្បាញរបស់ចក្រភពអង់គ្លេស។

លោក ផន មុតសុក្រឆពណ្ណ គឺជានាយទាហានខ្មែរទី៣ ដែលបានបញ្ចប់ការសិក្សាពីសាលាយោធាដ៏ចំណាស់ និងមានកិត្យានុភាពបំផុតមួយនេះ ខណៈក្នុងចំណោមសិក្ខាកាមអន្តរជាតិជាង ៣០នាក់ មានតែ ២នាក់ប៉ុណ្ណោះដែលមកពីទ្វីបអាស៊ី។

តើដំណើរឆ្លងកាត់ការហ្វឹកហ្វឺនដ៏តឹងរ៉ឹងនៅចក្រភពអង់គ្លេសមានភាពលំបាកកម្រិតណា? ហើយលោកមានឆន្ទៈ និងការប្តេជ្ញាចិត្តយ៉ាងណាខ្លះក្នុងការនាំយកចំណេះជំនាញទាំងនេះ មកបម្រើវិស័យការពារជាតិនៅកម្ពុជា?

សូមទស្សនិកជនទស្សនាកិច្ចសម្ភាសន៍ពិសេសរវាង កញ្ញា រួម ឆាដា អ្នកសារព័ត៌មាន Fresh News ជាមួយនាយទាហាន ផន មុតសុក្រឆពណ្ណ ដូចតទៅ៖