(ភ្នំពេញ)៖ មហាឧបាសកពុទ្ធសាសនូបត្ថម្ភក៍ អៀង សុធារ៉ា ទីប្រឹក្សាគណៈសង្ឃនាយកគណៈមហានិកាយនៃព្រះរាជាណាចក្រកម្ពុជា បានប្រាប់ឲ្យមានការប្រុងប្រយ័ត្ន លើការនិយាយស្ដី ព្រោះថា ការនិយាយខ្លះបានលាភ និងការនិយាយខ្លះបានគ្រោះ។

មហាឧបាសក អៀង សុធារ៉ា បានបញ្ជាក់យ៉ាងដូច្នេះថា «និយាយពេលខ្លះ អ្នកនិយាយហើយ គឺបានលាបសក្ការៈ មានន័យថា បានលុយ បានប្រាក់រង្វាន់ បានចំណេញ និងអ្នកខ្លះ និយាយត្រឹមត្រូវហើយ តែខុសពេលវេលា និងខុសទីកន្លែង គឺបានលទ្ធផលផ្ទុយវិញ បាត់លាភ ខាតលុយ បាត់កិត្ដិយស»។

បន្ថែមពីនោះទៀត មហាឧបាសក អៀង សុធារ៉ា បានឲ្យដឹងថា ការនិយាយស្ដី ក្នុងមួយថ្ងៃៗ បើយើងនិយាយធម្មតា នៅក្នុងផ្ទះ ជាមធ្យមនិយាយប្រហែលជា៦ពាន់ពាក្យ ប៉ុន្តែបើនៅក្នុងអង្គសិក្ខាសាលាជាវាគ្មិន យើងនិយាយច្រើនជាងហ្នឹង។

មហាឧបាសក អៀង សុធារ៉ា បានលើកឡើងថា ចិត្តម្នាក់ៗដែលស្ដាប់ឮ តែងតែយកមកគិតរៀងៗខ្លួន សូម្បីតែយើងនិយាយត្រឹមត្រូវក៏ដោយ និយាយដោយមិនត្រឹមត្រូវក៏ដោយ ក៏ម្នាក់ៗអ្នកទទួលបាននូវការគិត និងមានប្រតិកម្មផ្សេងៗគ្នា៕

សូមស្តាប់ការលើកឡើងរបស់មហាឧបាសក អៀង សុធារ៉ា៖