(ភ្នំពេញ)៖ ឧបាសិកា ឡាន់ វ៉ាត់ ត្រូវជាម្ដាយបង្កើតរបស់លោក ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បានទទួលមរណភាពហើយ កាលពីថ្ងៃសុក្រ ៧រោច ខែស្រាពណ៍ ឆ្នាំមមី អដ្ឋស័កព.ស.២៥៧០ ត្រូវនឹងថ្ងៃទី៤ ខែកញ្ញា ឆ្នាំ២០២៦ វេលាម៉ោង ៥:១៦នាទីល្ងាច ក្នុងជន្មាយុ ៨១ឆ្នាំ ដោយជរាពាធ។

ដំណឹងមរណភាពដ៏ក្រៀមក្រំនេះបាននាំមកនូវសេចក្តីសោកស្តាយយ៉ាងខ្លាំងដល់ក្រុមគ្រួសារ សាច់ញាតិ និងមិត្តភក្តិជិតឆ្ងាយ។ ឧបាសិកា ឡាន់ វ៉ាត់ ក្នុងមួយជីវិតរបស់លោកយាយតែងតែបានបំពេញនូវកាតព្វកិច្ចជាមាតាប្រកបដោយព្រហ្មវិហារធម៌ និងបានចិញ្ចឹមបីបាច់ថែរក្សាបុត្រធីតាឱ្យក្លាយជាពលរដ្ឋល្អក្នុងសង្គម។

បច្ចុប្បន្ន សពឧបាសិកា ឡាន់ វ៉ាត់ កំពុងតម្កល់ធ្វើបុណ្យទក្ខិណានុប្បទានតាមប្រពៃណីព្រះពុទ្ធសាសនា នៅគេហដ្ឋានស្ថិតក្នុងភូមិផ្សារត្រាច ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង។

ដំណឹងនេះ ចាត់ទុកជាសេចក្តីជូនដំណឹងដល់ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី នាងកញ្ញា និងសាច់ញាតិ ព្រមទាំងញាតិមិត្តជិតឆ្ងាយនៃសពទាំងអស់ មេត្តាជ្រាបជាព័ត៌មាន៕