(ភ្នំពេញ)៖ លោកបណ្ឌិត យង់ ពៅ អ្នកតាមដានបញ្ហានយោបាយ និងសង្គម បានលើកឡើងថា នាថ្ងៃអង្គារ ទី៨ ខែកញ្ញា ឆ្នាំ២០២៦ បានស្នើរាជរដ្ឋាភិបាល គួរមានដំណើរការយន្តការត្រួតពិនិត្យនិក្ខេបបទវិទ្យាសាស្ត្រច្បាស់លាស់ មុននឹងផ្ដល់វិញ្ញាបនបត្រស្មើនឹងបណ្ឌិត ឬទទួលស្គាល់ថាបណ្ឌិត។

លោកបណ្ឌិត យង់ ពៅ បានប្រាប់បណ្តាញព័ត៌មាន Fresh News ថា «ខ្ញុំសង្កេតឃើញមួយរយៈនេះ ក្នុងបណ្ដាញសង្គមល្បីសញ្ញាបត្របណ្ឌិត ដើមពោធិ៍ និងបណ្ឌិតនាងគង្ហីង (នាងធរណី) ...! រាជរដ្ឋាភិបាលយើង គួរមានតែត្រូវដំណើរការយន្តការត្រួតពិនិត្យនិក្ខេបបទវិទ្យាសាស្ត្រច្បាស់លាស់ មុននឹងផ្ដល់វិញ្ញាបនបត្រស្មើនឹងបណ្ឌិត ឬទទួលស្គាល់ថាបណ្ឌិត»។

លោកបានបន្តថា «ជនទាំងឡាយដែលទទួលសញ្ញាបត្រកម្រិតបណ្ឌិត ជាជនដែលមានឧបនិស្ស័យជាគ្រូបង្រៀន (ឬសាស្ត្រាចារ្យ) អ្នកស្រាជ្រាវជាន់ខ្ពស់ អ្នកផ្តល់ធាតុចូលទស្សនៈសង្គមឬទស្សនវិជ្ជាដឹកនាំឬគោលនយោបាយ...។ ចុះបើបណ្ឌិតទទួលបានយ៉ាងងាយៗ នោះគោលនយោបាយដឹកនាំរដ្ឋយើងវាទៅជាយ៉ាងម៉េចទៅវិញ...? តើកិត្តិយសវិស័យសិក្សាធិការជាន់ខ្ពស់យើងទៅជាយ៉ាងម៉េចវិញ? តើអនាគតយុវជន នឹងទៅជាយ៉ាងម៉េចវិញ? តើយើងគួរបណ្ដែតបណ្ដោយបែបនេះទៀតដែរឬទេ?»។

បើតាមបណ្ឌិត យង់ ពៅ, ថៃ ពង្វក់ខ្មែរ រាប់តាំងពីទំនិញសញ្ញាបត្របណ្ឌិតឡើងទៅ រីឯអ្នកដែលបានងារបណ្ឌិតគ្មានការសិក្សា ឬ Academic ក៏ចូលរួមសំអុយវិស័យអប់រំជាន់ខ្ពស់កម្ពុជាតាមនោះដែរ៕