(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ បានស្នើសុំឱ្យអ្នកប្រើប្រាស់បណ្តាញសង្គម ដែលផ្សព្វផ្សាយករណីការប្រើប្រាស់ពាក្យសម្តី និងអាកប្បកិរិយាមិនសមរម្យ នៅក្នុងរោងចក្រមួយកន្លែង បញ្ជាក់ថាតើករណីនេះកើតឡើងនៅរោងចក្រណា ដើម្បីមន្ត្រីជំនាញក្រសួងចុះពិនិត្យលើករណីនេះ?

ជាមួយគ្នានេះ ក្រសួងសូមបញ្ជាក់ដល់ម្ចាស់សហគ្រាស ក្រុមហ៊ុន រោងចក្រ និយោជក និងបុគ្គលិកគ្រប់ជាន់ថ្នាក់ សូមប្រើប្រាស់អាកប្បកិរិយា និងភាសាឱ្យបានសមរម្យ និងស្នើសុំឱ្យបងប្អូនកម្មករនិយោជិតទាក់ទងមកលេខ ១២៨៦ ក្នុងករណីមានការប្រើប្រាស់ពាក្យសម្តី និងអាកប្បកិរិយាមិនសមរម្យ ឬលក្ខខណ្ឌការងារមិនល្អ នៅកន្លែងការងាររបស់ខ្លួន៕