អ្នកជម្រះបញ្ជីឱ្យគ្រឹះស្ថានផ្តល់សេវាទូទាត់សង ប្រាក់ ធានស៊ូ អ៊ិនធើណេសិនណល ថេកណឡជី ម.ក (CoolCash) អំពាវនាវដល់អ្នកផ្ញើប្រាក់ និងម្ចាស់បំណុលទាំងអស់ ប្រញាប់មកបំពេញព័ត៌មាន ដើម្បីទាមទារសំណង !
23-09-2026 15:35
(ភ្នំពេញ)៖ ក្រុមហ៊ុន ម៉ូរីសុនកាក់ អិមខេអេ អឌីត-អឹខោនធីង ឯ.ក ដែលត្រូវបានតែងតាំងជាអ្នកជម្រះបញ្ជី ឱ្យគ្រឹះស្ថានផ្តល់សេវាទូទាត់សង ប្រាក់ ធានស៊ូ អ៊ិនធើណេសិនណល ថេកណឡជី ម.ក (CoolCash Cambodia) ដោយធនាគារជាតិនៃកម្ពុជា បានចេញសេចក្តីជូនដំណឹង ដល់អ្នកផ្ញើប្រាក់ និងម្ចាស់បំណុលទាំងអស់ របស់គ្រឹះស្ថានផ្តល់សេវាទូទាត់សងប្រាក់ ធានស៊ូ អ៊ិនធើណេសិនណល ថេកណឡជី ម.ក សូមមេត្តាបញ្ចូនឈ្មោះ អាសយដ្ឋាន និងព័ត៌មានលម្អិត ស្ដីអំពី សិទ្ធិឥណទេយ្យឬ ការតវ៉ា និង ឈ្មោះអាសយដ្ឋានមេធាវីរបស់ខ្លួន (ប្រសិនបើមាន) ឱ្យទៅអ្នកជម្រះបញ្ជីរបស់គ្រឹះស្ថានផ្តល់សេវាទូទាត់សងប្រាក់ ធានស៊ូ អ៊ិនធើណេសិនណល ថេកណឡជី ម.ក។
ក្នុងករណីជាក់ស្តែងអ្នកផ្ញើប្រាក់ និងម្ចាស់បំណុលត្រូវអញ្ជើញមកដោយផ្ទាល់ ឬតាមរយៈមេធាវី ដើម្បីបង្ហាញភស្តុតាង ឬការទាមទារនៅក្នុងចន្លោះពេល ៣០ថ្ងៃ ផ្តើមគិតចាប់ពីថ្ងៃទី២៨ ខែកញ្ញា ឆ្នាំ២០២៦តទៅ នៅទីស្នាក់ការរបស់គ្រឹះស្ថានផ្តល់សេវាទូទាត់សងប្រាក់ ប្រាក់ ធានស៊ូ អ៊ិនធើណេសិនណល ថេកណឡជី ម.ក នៅអគារលេខ៤៨-៥០ (ជាន់ទី៧) ផ្លូវ៣១០ ភូមិ២ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ ។
ក្នុងករណីផុតកំណត់ខាងលើ អ្នកផ្ញើប្រាក់ ឬម្ចាស់បំណុលពុំអាចទាមទារចំណែកនៃសំណងណាមួយបានឡើយ ការចុះឈ្មោះពាក់ព័ន្ធទៅនឹងការជម្រះបញ្ជីរបស់សាម៉ី និងត្រូវទទួលរយៈពេល ៣០ថ្ងៃផ្តើមគិតចាប់ពី ថ្ងៃទី២៨ ខែកញ្ញា ឆ្នាំ២០២៦ នេះតទៅ។
សម្រាប់ពត៌មានបន្ថែម សូមទាក់ទងក្រុមការងារជម្រះបញ្ជីតាមរយៈទូរសព្ទលេខ ០២៣ ២១៨ ៩៩៣ និង ០៦៩ ៥៦៦ ៨៦៦៕
