មជ្ឈមណ្ឌលបេះដូង នៃមន្ទីរពេទ្យបង្អែកខេត្តសៀមរាប បាននិងកំពុងក្លាយជាទីពឹង និងផ្ដល់ជំនឿទុកចិត្តយ៉ាងខ្លាំងដល់អ្នកជំងឺ

* សម្តេចមហាបវរធិបតី ហ៊ុន ម៉ាណែត បានដឹកនាំគណៈប្រតិភូជាន់ខ្ពស់ចាកចេញពីកម្ពុជាហើយ ដើម្បីទស្សនកិច្ចផ្លូវការ និងបំពេញការងារនៅប្រទេសចំនួន៣

* ថ្ងៃភ្ជុំធំសម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូជាន់ខ្ពស់ ទស្សនកិច្ចផ្លូវការ និងបំពេញការងារនៅប្រទេសចំនួន៣

* ប្រធានាធិបតីអាមេរិក ដូណាល់ ត្រាំ រិះគន់ន័រវែស ក្រោយនៅតែមិនឈ្នះពានរង្វាន់ណូបែលសន្តិភាព

* សម្តេចធិបតី ហ៊ុន ម៉ាណែត ផ្ដល់ឱកាសមាសដល់លោក អ៊ុំ សំអាន បង្ហាញសមត្ថភាពជាអ្នកជំនាញព្រំដែនប្រកបដោយការទទួលខុសត្រូវ

* គ្រោះរញ្ជួយដីកម្រិត៧,៧រ៉ិចទ័រ វាយប្រហារប្រទេសប៉ាណាម៉ា បង្កការបំផ្លិចបំផ្លាញចំពោះអគារ និងហេដ្ឋារចនាសម្ព័ន្ធ

* វិមានក្រឹមឡាំង៖ លោក ពូទីន ប្រាប់លោក ត្រាំ តាមទូរស័ព្ទថា ការចរចាសន្តិភាពអ៊ុយក្រែន មិនទាន់អាចចាប់ផ្តើមឡើងវិញភ្លាមៗបានទេ ដោយសារទីក្រុងកៀវ

* អ្នកឧកញ៉ា គិត ម៉េង នឹងដឹកនាំគណៈប្រតិភូសភាពាណិជ្ជកម្មកម្ពុជា អញ្ជើញអមដំណើរសម្តេចធិបតី ហ៊ុន ម៉ាណែត បំពេញទស្សនកិច្ចនៅអាស៊ែបៃហ្សង់, តួកគីយ៉េ, កាហ្សាក់ស្ថាន និងចូលរួមកិច្ចប្រជុំកំពូល CICA លើកទី៧

* សម្តេចធិបតី ហ៊ុន ម៉ាណែត នឹងអញ្ជើញបំពេញទស្សនកិច្ចផ្លូវការ និងការងារនៅប្រទេសចំនួន៣ ព្រមទាំងចូលរួមកិច្ចប្រជុំកំពូល CICA

* ជំនួបមេដឹកនាំកំពូល៖ កម្ពុជា-វៀតណាម ឯកភាពបន្តជំរុញទំនាក់ទំនងទ្វេភាគីឱ្យឈានដល់កម្រិតថ្មីមួយទៀត

* សម្តេចធិបតី ហ៊ុន ម៉ាណែត អញ្ជើញចូលរួមពិធីជប់លៀងផ្លូវការជូន លោក ឡេ មិញហ៊ឹង នាយករដ្ឋមន្រ្តីវៀតណាម

* វិភាគអន្តរជាតិ៖ ដ្រូនបំពាក់ម៉ាស៊ីនយន្តហោះ៖ ពេជ្ឈឃាដថ្មីក្នុងសង្រ្គាមអ៊ុយក្រែន

* អាមេរិក ប្រកាសទណ្ឌកម្មលើតុលាការព្រហ្មទណ្ឌអន្តរជាតិ ICC ប៉ុន្មានម៉ោងក្រោយអតីតចៅក្រមស្ថាប័ននេះ ឈ្នះពានរង្វាន់ណូបែល

* ម៉ាឡេស៊ី ប្រកាសកញ្ចប់ថវិកាជាតិឆ្នាំ២០២៧ ជាង ១១២ ពាន់លានដុល្លារ ដើម្បីសម្រាលបន្ទុកជីវភាព និងរុញច្រានបច្ចេកវិទ្យា

* គណៈកម្មាធិការជាតិកាតព្វកិច្ចយោធា ប្រកាសពីកាលបរិច្ឆេទដាក់ពាក្យសុំបំពេញកាតព្វកិច្ចយោធា នឹងបន្តចាប់ពីថ្ងៃទី១០ រហូតដល់ថ្ងៃទី១៧ ខែតុលា

* សម្តេចធិបតី ហ៊ុន ម៉ាណែត បញ្ជាក់ពីការធានាការពារបរិយាកាសវិនិយោគ និងប្រកាសធ្វើជាដៃគូជាមួយវិស័យឯកជននៅគ្រប់ដំណាក់កាល

* ឥឡូវនេះ CoolApp បានបន្តអភិវឌ្ឍន៍ខ្លួនជាកម្មវិធីផ្ញើសារផង (Chat & Call) និងជាបណ្តាញទំនាក់ទំនងសង្គម (Channel & Reel) ! CoolApp ជាបណ្តាញទំនាក់ទំនងសង្គមលើកដំបូងរបស់កម្ពុជា !

មជ្ឈមណ្ឌលបេះដូង នៃមន្ទីរពេទ្យបង្អែកខេត្តសៀមរាប បាននិងកំពុងក្លាយជាទីពឹង និងផ្ដល់ជំនឿទុកចិត្តយ៉ាងខ្លាំងដល់អ្នកជំងឺ

30-09-2026 21:39

(សៀមរាប)៖ មជ្ឈមណ្ឌលបេះដូង នៃមន្ទីរពេទ្យបង្អែកខេត្តសៀមរាប បាននិងកំពុងក្លាយជាទីពឹង និងផ្ដល់ជំនឿទុកចិត្តយ៉ាងខ្លាំងដល់អ្នកជំងឺ តាមរយៈការបំពាក់នូវគ្រឿងបរិក្ខារបច្ចេកទេសពេទ្យទំនើបៗ រួមជាមួយក្រុមគ្រូពេទ្យឯកទេសជំនាញច្បាស់លាស់ ដោយជួយសង្គ្រោះអាយុជីវិត និងកាត់បន្ថយពិការភាពជូនប្រជាពលរដ្ឋក្នុងខេត្ត និងបណ្ដាខេត្តជុំវិញ ដោយមិនចាំបាច់ធ្វើដំណើរទៅព្យាបាលដល់រាជធានីភ្នំពេញឡើយ។

លោកវេជ្ជបណ្ឌិត គីរី សំណាង វេជ្ជបណ្ឌិតឯកទេសជំងឺបេះដូង និងជាប្រធានផ្នែកនៃមជ្ឈមណ្ឌលបេះដូងខេត្តសៀមរាប បានឱ្យដឹងនៅថ្ងៃទី៣០ ខែកញ្ញានេះថា មន្ទីរពេទ្យនេះ គឺជាផ្នែកឯកទេសព្យាបាលជំងឺបេះដូងថ្នាក់ខេត្តដំបូងគេ ដែលមានហេដ្ឋារចនាសម្ព័ន្ធ និងឧបករណ៍សម្ភារៈបរិក្ខារទំនើបៗ ព្រមទាំងមានបំពាក់ម៉ាស៊ីនឆ្លុះសរសៃឈាមបេះដូងដ៏ទំនើប រួមជាមួយក្រុមគ្រូពេទ្យជំនាញប្រចាំការផងដែរ។

លោកវេជ្ជបណ្ឌិត គីរី សំណាង បញ្ជាក់ថា សេវាកម្មលេចធ្លោសំខាន់ៗរបស់មន្ទីរពេទ្យ មានចំនួន២ រួមមាន ១- សេវាកម្មឆ្លុះសរសៃឈាមបេះដូង (Coronary Angiography) ដែលមានបន្ទប់ឆ្លុះសរសៃឈាមបេះដូងបំពាក់ដោយម៉ាស៊ីនទំនើប ដែលអាចធ្វើរោគវិនិច្ឆ័យជំងឺសរសៃឈាមបេះដូងបានយ៉ាងច្បាស់លាស់ ត្រឹមត្រូវ និងអាចព្យាបាលជំងឺស្ទះសរសៃឈាមបានទាន់ពេលវេលា តាមរយៈការប្រើប្រាស់គ្រាប់ស្វរ ឬបាឡុង ដែលជាវិធីសាស្ត្រទំនើបនិយមប្រើប្រាស់ក្នុងបណ្ដាប្រទេសរីកចម្រើន នៅលោកខាងលិច។

ចំណែក ទី២- ផ្នែកប្រពោធនកម្មបេះដូង (CCU)៖ ទទួលបន្ទុកថែទាំអ្នកជំងឺធ្ងន់ធ្ងរ ដោយបានបំពាក់ឧបករណ៍ទន្លាក់ទំនើបៗ ម៉ាស៊ីនតាមដានសញ្ញាជីវិត និងចង្វាក់បេះដូង ឧបករណ៍សង្គ្រោះបន្ទាន់ (Emergency Trolley) ម៉ាស៊ីនឆក់បេះដូង ម៉ាស៊ីនថតសួតចល័ត ម៉ាស៊ីនអេកូ ម៉ាស៊ីនជំនួយដង្ហើម (Ventilator) និងឧបករណ៍ទំនើបដទៃទៀត ដោយយកសុវត្ថិភាពអ្នកជំងឺជាចម្បង។
លើសពីនេះ ក៏មានសេវាពិនិត្យផ្សេងៗដូចជា ការចាប់ចង្វាក់បេះដូង ២៤ម៉ោង និងម៉ាស៊ីន Stress Test ផងដែរ។

លោកវេជ្ជបណ្ឌិត បន្ថែមថា ភាពរីកចម្រើនទាំងនេះ បានផ្ដល់លទ្ធផលគួរឱ្យមោទនភាព ដោយគិតចាប់តាំងពីថ្ងៃដាក់ឱ្យសម្ពោធប្រើប្រាស់មក មជ្ឈមណ្ឌលបានធ្វើការឆ្លុះសរសៃឈាមបេះដូងចំនួន ១០៧ករណី និងពិនិត្យអេកូបានចំនួន ៣ ៧២៧ករណី ជោគជ័យក្នុងការជួយសង្គ្រោះអាយុជីវិត និងកាត់បន្ថយអត្រាពិការភាពរបស់អ្នកជំងឺ។ ជោគជ័យដ៏ធំធេងនេះ មិនអាចកាត់ផ្ដាច់បានឡើយពីការយកចិត្តទុកដាក់ និងការគាំទ្រពីថ្នាក់ដឹកនាំ ព្រមទាំងជំនួយឧបត្ថម្ភពីដៃគូរអភិវឌ្ឍន៍។

ក្នុងនាមថ្នាក់ដឹកនាំមន្ទីរពេទ្យបង្អែកខេត្តសៀមរាប លោកក៏សូមអរគុណដល់ម្ចាស់ជំនួយ គឺសមាគមនីកាយនៃសាសនាចក្រនៃព្រះយេស៊ូគ្រិស្តនៃពួកបរិសុទ្ធថ្ងៃចុងក្រោយ ដែលបានផ្ដល់ជំនួយឧបត្ថម្ភដ៏មានតម្លៃ ដែលធ្វើឱ្យប្រជាពលរដ្ឋក្នុងខេត្តសៀមរាប និងខេត្តជុំវិញទទួលបានសេវាព្យាបាលបេះដូងយ៉ាងមានប្រសិទ្ធភាពនៅនឹងកន្លែងដោយមិនបាច់ចំណាយពេល និងថវិកាធ្វើដំណើរទៅរាជធានីភ្នំពេញ៕