(ព្រះសីហនុ)៖ នៅព្រឹកថ្ងៃទី៨ ខែតុលា ឆ្នាំ២០២៦ លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុហត្ថខេត្តព្រះសីហនុ បានដឹកនាំសហការី ព្រមទាំងក្រុមគ្រួសារកងរាជអាវុធហត្ថខេត្ត អញ្ជើញចូលរួមក្នុងពិធីបុណ្យកាន់បិណ្ឌវេនទី១២ ចំនួន៣វត្ត ក្នុងនោះរួមមាន៖ វត្តព្រះពុទ្ធសំរិទ្ធិគិរីថ្មាដា (ហៅវត្តថ្មដាក្រោម) វត្តវាលមាស និងវត្តព្រៃនប់ ស្ថិតក្នុងស្រុកព្រៃនប់។

គួរជម្រាបជូនថា ការអញ្ជើញចូលរួមក្នុងពិធីបុណ្យកាន់បិណ្ឌវេនទី១២នាពេលនេះ គឺដើម្បីឧទ្ទិសកុសលជូនដល់បុព្វការីជន ជីដូនជីតា ញាតិកាប្រាំពីរសន្តាន និងវិញ្ញាណក្ខន្ធ វីរៈកងទ័ពពលី លើសមរភូមិមុខ និងនាយទាហាន នាយទាហានរង នៃកងរាជអាវុធហត្ថខេត្តព្រះសីហនុ ដែលបានទទួលមរណភាពទៅកាន់លោកខាងមុខ។

ក្នុងឱកាសនោះ លោកឧត្តមសេនីយ៍ត្រី មេបញ្ជាការ បាននាំនូវចង្ហាន់ ទេយ្យទាន និងបច្ច័យចូលបុណ្យមួយចំនួន ប្រគេនដល់ព្រះចៅអធិការវត្ត ក្នុង១វត្តៗបានចូលបច្ច័យបុណ្យ ចំនួន ១,០៦០,០០០រៀល (មួយលានប្រាំមួយម៉ឺនរៀល) និងចូលរួមបច្ច័យបុណ្យបន្ថែមកសាងក្នុងវត្តវាលមាស ចំនួន ១,០០០,០០០រៀល សរុបបច្ច័យបុណ្យ ចំនួន ៤,១៨០,០០០រៀល (បួនលានមួយសែនប្រាំបីម៉ឺនរៀល)៕