* សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មានក្តីរន្ធត់ និងសម្តែងការសោកស្តាយជាទីបំផុត ក្រោយទទួលដំណឹងដ៏សែនក្រៀមក្រំ និងចាត់តំណាងចូលរួមរំលែកទុក្ខសិស្សសាលា ប៊ែលធី អន្ដរជាតិ ៥រូប ស្លាប់ក្នុងហេតុការណ៍រថយន្ដធ្លាក់ទឹក
* វិភាគអន្តរជាតិ៖ អ្នកក្លាហានឆ្លងមិនផុតដំណាក់ស្រីស្អាត?
* ប្រមុខការទូតកម្ពុជា ទទួលជួបអគ្គលេខាធិការអង្គការអន្តរជាតិហ្វ្រង់កូហ្វូនី ដើម្បីជជែកពីវឌ្ឍនភាពនៃការត្រៀមរៀបចំសន្និសីទថ្នាក់រដ្ឋមន្រ្តីហ្វ្រង់កូហ្វូនីលើកទី៤៨ និងកិច្ចប្រជុំកំពូលហ្វ្រង់កូហ្វូនីលើកទី២០
* ថៃ បង្ហាញការព្រួយបារម្ភខ្លាចកម្ពុជាលើកយកបញ្ហាព្រំដែន មកជជែកនៅក្នុងកិច្ចប្រជុំកំពូលហ្វ្រង់កូហ្វូនី
* Fresh Exclusive: កូរ៉េខាងជើងអភិវឌ្ឍ តូពីដូល្បឿនលឿន ត្រៀមដាក់ប្រើនៅឆ្នាំ២០២៧៖ តើអាវុធក្រោមទឹកថ្មីនេះ អាចកំញើញកងនាវាផ្ទុកយន្តហោះអាមេរិកបានដែរឬទេ?
* កូរ៉េខាងជើង រិះគន់ប្រមុខ UN ថាកាន់ជើងកូរ៉េខាងត្បូង ជុំវិញភាពតានតឹងថ្មីនៅព្រំដែន
* ព័ត៌មានលម្អិតអំពីសោនាដកម្ម គ្រោះថ្នាក់ចរាចរណ៍រថយន្ដដឹកសិស្សប៊ែលធីធ្លាក់ទឹកស្រះ នៅស្រុកខ្សាច់កណ្ដាល បណ្ដាលឲ្យស្លាប់៥នាក់ និងរងរបួសធ្ងន់ស្រាល២១នាក់, អ្នកបើករថយន្ដត្រូវសមត្ថកិច្ចចាប់ខ្លួនភ្លាមៗ
* ទូតកម្ពុជាប្រចាំជប៉ុន៖ ទំនាក់ទំនងកម្ពុជា-ជប៉ុន ឈានដល់កម្រិត «ភាពជាដៃគូយុទ្ធសាស្ត្រគ្រប់ជ្រុងជ្រោយ» ខណៈខួប ៧៣ឆ្នាំនៃទិវាឯករាជ្យជាតិ ជាមោទនភាព និងជាប្រភពនៃការបំផុសទឹកចិត្តជាតិ
* សម្តេចមហាបវរធិបតី ហ៊ុន ម៉ាណែត នាំកូនប្រុសទៅមើលកន្លែងកើតកាលពី ៤៩ឆ្នាំមុន នៅខេត្តត្បូងឃ្មុំ
* សម្តេចតេជោ ហ៊ុន សែន សម្តេចកិត្តិព្រឹទ្ធបណ្ឌិត រៀបចំពិធីបុណ្យទក្ខិណានុប្បទាន ឧទ្ទិសមហាកុសលជូនវិញ្ញាណក្ខន្ធជូនកុមារា ហ៊ុន កំសត់
* រដ្ឋមន្ត្រីការពារជាតិអាមេរិក ប្រឈមមុខនឹងការជំរុញដំណើរការនីតិវិធីដកតំណែង ជុំវិញសង្រ្គាមអ៉ីរ៉ង់
* ភ្លៀងធ្លាក់ជួយឱ្យព្រែកជីកប៉ាណាម៉ា ដែលរងគ្រោះដោយបាតុភូត El Nino បង្កើនការធ្វើនាវាចរណ៍ឡើងវិញ
* តើ Alice Huang ជានរណា? លាតត្រដាងប្រវត្តិនារីអាថ៌កំបាំងដែលធ្វើឱ្យរង្គើកៅអី CEO ក្រុមហ៊ុន Nvidia
* ប្រធានាធិបតីរ្វ៉ាន់ដា លោក Paul Kagame និងជំទាវទី១ នឹងអញ្ជើញមកបំពេញទស្សនកិច្ចផ្លូវរដ្ឋនៅកម្ពុជា ពីថ្ងៃទី១២-១៣ វិច្ឆិកា មុនចូលរួមកិច្ចប្រជុំកំពូលហ្វ្រង់កូហ្វូនី លើកទី២០
* បារាំងរៀបចំ «ពន្លាជាតិបារាំង» រយៈពេល ៥ថ្ងៃ ក្នុងភូមិហ្វ្រង់កូហ្វូនី ដើម្បីអបអរកិច្ចប្រជុំកំពូល និងពង្រឹងចំណងមិត្តភាពកម្ពុជា-បារាំង
* CoolApp ដំណើរការមុខងារផ្ទេរទិន្នន័យគណនីពីទូរសព្ទចាស់ទៅទូរសព្ទថ្មី ដោយងាយស្រួល មិនបាច់បារម្ភពីរឿងបាត់ឯកសារ (Transfer Data)

ថ្នាក់ដឹកនាំខេត្តសៀមរាប ជំរុញឱ្យពង្រឹងកិច្ចសហការប្រមូលព័ត៌មានតម្រូវការពលរដ្ឋសម្រាប់គម្រោងវិនិយោគ

09-10-2026 16:29

(សៀមរាប)៖ លោក សុខ ថុល អភិបាលរងខេត្តសៀមរាប បានជំរុញដល់មន្ទីរ អង្គភាពទូទាំងខេត្ត ត្រូវពង្រឹងកិច្ចសហការជាមួយមន្ត្រីជំនាញ និងអាជ្ញាធរមូលដ្ឋាន ដើម្បីប្រមូលព័ត៌មាន ទិន្នន័យ ពីតម្រូវការជាក់ស្តែងរបស់ប្រជាពលរដ្ឋ ដើម្បីធ្វើជាមូលដ្ឋានក្នុងការរៀបចំគម្រោងវិនិយោគ។

លោកបានបន្តថា ការរៀបចំផែនការ និងកម្មវិធីវិនិយោគ ត្រូវមានការគិតគូរដល់ការអភិវឌ្ឍប្រកបដោយបរិយាបន្ន និងយកចិត្តទុកដាក់ខ្ពស់ ចំពោះស្ត្រី កុមារ ជនមានពិការភាព និងមនុស្សចាស់ ព្រមទាំងប្រជាពលរដ្ឋងាយរងគ្រោះ ដើម្បីធានាថាផលប្រយោជន៍នៃការអភិវឌ្ឍ ត្រូវបានចែករំលែកប្រកបដោយសមធម៌ និងមិនទុកនរណាម្នាក់ចោលឡើយ។

ការជំរុញបែបនេះរបស់លោក សុខ ថុល បានធ្វើឡើងនៅក្នុងកិច្ចប្រជុំស្តីពីការពិនិត្យសេចក្តីព្រាងកម្មវិធីវិនិយោគបីឆ្នាំរំកិល (២០២៧-២០២៩) នាថ្ងៃទី០៩ ខែតុលា ឆ្នាំ២០២៦នេះ ដោយមានការចូលរួមពីថ្នាក់ដឹកនាំមន្ទីរ អង្គភាពជុំវិញខេត្ត មន្ត្រីជំនាញ និងអ្នកពាក់ព័ន្ធ ដើម្បីពិនិត្យ ពិភាក្សា និងផ្តល់ធាតុចូលលើសេចក្តីព្រាងកម្មវិធីវិនិយោគ សំដៅធានាឱ្យការរៀបចំផែនការអភិវឌ្ឍន៍របស់រដ្ឋបាលខេត្ត មានភាពច្បាស់លាស់ គ្រប់ជ្រុងជ្រោយ និងឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ។

លោក សុខ ថុល បានថ្លែងថា ការរៀបចំកម្មវិធីវិនិយោគបីឆ្នាំរំកិល គឺជាកិច្ចការដ៏មានសារៈសំខាន់ក្នុងការកំណត់ទិសដៅអភិវឌ្ឍន៍ និងការរៀបចំគម្រោងអាទិភាពរបស់រដ្ឋបាលខេត្ត ស្របតាមផែនការអភិវឌ្ឍន៍របស់ខេត្ត និងគោលនយោបាយរបស់រាជរដ្ឋាភិបាល ដើម្បីតម្រូវការអភិវឌ្ឍន៍នៅតាមមូលដ្ឋាន។ កម្មវិធីនេះ ក៏ជាមូលដ្ឋានសម្រាប់ការកៀរគរធនធាន ការសម្របសម្រួលការវិនិយោគ និងការអនុវត្តគម្រោងអភិវឌ្ឍន៍ ឱ្យមានប្រសិទ្ធភាព តម្លាភាព និងគណនេយ្យភាព។

លោកអភិបាលរងខេត្ត បានបញ្ជាក់ថា ការរៀបចំកម្មវិធីវិនិយោគបីឆ្នាំរំកិល មិនមែនគ្រាន់តែជាការប្រមូលផ្តុំគម្រោងពីបណ្តាមន្ទីរ អង្គភាព និងរដ្ឋបាលថ្នាក់ក្រោមជាតិប៉ុណ្ណោះទេ ប៉ុន្តែត្រូវធ្វើការវិភាគ និងវាយតម្លៃឱ្យបានហ្មត់ចត់អំពីភាពចាំបាច់ ភាពអាទិភាព លទ្ធភាពអនុវត្ត និងផលប្រយោជន៍ដែលប្រជាពលរដ្ឋនឹងទទួលបានពីគម្រោងនីមួយៗ។ ជាពិសេស ត្រូវធានាថាគម្រោងដែលបានដាក់បញ្ចូលក្នុងកម្មវិធីវិនិយោគ ពិតជាឆ្លើយតបទៅនឹងបញ្ហាប្រឈមនិងតម្រូវការអភិវឌ្ឍន៍របស់ខេត្ត។

លោក សុខ ថុល ក៏បានណែនាំដល់មន្ទីរ អង្គភាពជំនាញពាក់ព័ន្ធ ត្រូវយកចិត្តទុកដាក់ពិនិត្យឡើងវិញនូវគម្រោងវិនិយោគ ត្រូវផ្តោតសំខាន់លើការកំណត់អាទិភាពឱ្យបានត្រឹមត្រូវ ចៀសវាងការដាក់បញ្ចូលគម្រោងដែលមានលក្ខណៈត្រួតស៊ីគ្នា ឬមិនស្របទៅនឹងតម្រូវការជាក់ស្តែង។ ទន្ទឹមនឹងនេះ ត្រូវពិនិត្យឱ្យបានច្បាស់លាស់អំពីប្រភពថវិកា ទំហំចំណាយរយៈពេលអនុវត្ត និងលទ្ធភាពកៀរគរធនធាន ដើម្បីធានាថាគម្រោង ដែលបានគ្រោងទុកអាចអនុវត្តបានប្រកបដោយប្រសិទ្ធភាព និងនិរន្តរភាព។

លោកអភិបាលរងខេត្ត បានជំរុញឱ្យមន្ទីរ អង្គភាព និងមន្ត្រីបច្ចេកទេសទាំងអស់ ត្រូវបង្កើនស្មារតីទទួលខុសត្រូវ និងចូលរួមផ្តល់មតិយោបល់ឱ្យបានផុលផុស ប្រកបដោយលក្ខណៈស្ថាបនា ដើម្បីកែលម្អសេចក្តីព្រាងកម្មវិធីវិនិយោគបីឆ្នាំរំកិល (២០២៧-២០២៩) ឱ្យមានខ្លឹមសារគ្រប់ជ្រុងជ្រោយ ស្របតាមស្ថានភាពជាក់ស្តែង និងអាចយកទៅអនុវត្តបាន។

លោកបន្ថែមថា ភាពជោគជ័យនៃការអភិវឌ្ឍខេត្ត មិនអាស្រ័យតែលើការរៀបចំផែនការបានល្អប៉ុណ្ណោះទេ ប៉ុន្តែអាស្រ័យលើការចូលរួមអនុវត្តប្រកបដោយការទទួលខុសត្រូវ កិច្ចសហការល្អ និងការប្រើប្រាស់ធនធានឱ្យចំគោលដៅ។

ជាមួយនេះដែរ លោក សុខ ថុល បញ្ជាក់ថា មន្ទីរ អង្គភាពពាក់ព័ន្ធ ត្រូវបន្តពង្រឹងការសម្របសម្រួល និងសហការគ្នាឱ្យបានជិតស្និទ្ធ ដើម្បីធានាថា កម្មវិធីវិនិយោគបីឆ្នាំរំកិលរបស់រដ្ឋបាលខេត្ត ក្លាយជាឧបករណ៍ដ៏មានប្រសិទ្ធភាព ក្នុងការជំរុញការអភិវឌ្ឍខេត្ត ឱ្យកាន់តែរីកចម្រើនប្រកបដោយចីរភាព ដើម្បីឆ្លើយតបទៅនឹងតម្រូវការរបស់ប្រជាពលរដ្ឋ៕