(ភ្នំពេញ)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានផ្ញើសារលិខិតជូនពរ ជូនចំពោះ សម្តេចមហាមន្ត្រី គុយ សុផល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងជាអនុប្រធានកាកបាទក្រហមកម្ពុជា ក្នុងឱកាសនៃពិធីចម្រើនជន្មាយុ របស់សម្តេចមហាមន្ត្រី នាថ្ងៃទី១៥ ខែតុលា ឆ្នាំ២០២៦នេះ។

សារខិតជូនពរមានខ្លឹមសារថា៖ «សម្តេចមហាមន្ត្រី ជាទីគោរពរាប់អានដ៏ជ្រាលជ្រៅ សិ្ថតក្នុងបរិយាកាសដ៏សែនមនោរម្យ នៃពិធីចម្រើនជន្មាយុ នៅថ្ងៃទី១៥ ខែតុលា ឆ្នាំ២០២៦នេះ ក្នុងនាមខ្ញុំផ្ទាល់ និងសមាជិក សមាជិកានៃគណៈកម្មាធិការកណ្តាល ព្រមទាំង មន្ត្រី បុគ្គលិក អ្នកស្ម័គ្រចិត្ត និង យុវជននៃកាកបាទក្រហមកម្ពុជា សូមជូននូវសព្ទសាធុការពរជ័យ សិរីមង្គល វិបុលសុខ មហាប្រសើរគ្រប់ប្រការជូន សម្តេចមហាមន្ត្រី ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងជាអនុប្រធានកាកបាទក្រហមកម្ពុជា សូមមានសុខភាពល្អបរិបូរណ៍ កម្លាំងមាំមួន បញ្ញាញាណភ្លឺថ្លាឈ្លាសវៃ និងមានជន្មាយុយឺនយូរ ដើម្បីបម្រើបុព្វហេតុជាតិ មាតុភូមិកម្ពុជា ជារៀងដរាបតទៅ។

ក្នុងពិធីចម្រើនជន្មាយុវឌ្ឍនមង្គលដ៏វិសេសវិសាលនេះ ខ្ញុំសូមសម្តែងនូវការគោរពកោតសរសើរ ដោយស្មោះ ចំពោះ សម្តេចមហាមន្ត្រី ដែលបាននិងកំពុងខិតខំប្រឹងប្រែងយកអស់កម្លាំងកាយចិត្ត បា្រជ្ញាស្មារតី ប្រកបដោយឆន្ទៈមនសិការស្នេហាជាតិ សាសនា ព្រះមហាក្សត្រ បន្តដឹកនាំស្ថាប័នព្រះមហាក្សត្រ ដង្ហែព្រះរាជកិច្ចគ្រប់វិស័យដ៏ឧត្តុង្គឧត្តមនៃ ព្រះមហាក្សត្រ និងសម្តេចព្រះមហាក្សត្រី ព្រះវររាជ មាតាជា តិខ្មែរ ជាទីគោរពសក្ការៈ ដ៏ខ្ពង់ខ្ពស់បំផុត ដើម្បីឧត្តមប្រយោជន៍ជាតិ មាតុភូមិ និងប្រជារាស្ត្រ ជាកូន ចៅ ចៅទួត នៅទូទាំងប្រទេស។ ជាមួយគ្នានេះ សម្តេចមហាមន្ត្រី បានចែករំលែកពេលវេលាដ៏មានតម្លៃ និងមមាញឹកចូលរួមក្នុងបេសកកម្មរបស់កាកបាទក្រហមកម្ពុជា ដែលបំពេញតួនាទីជាជំនួយការជូនរាជរដ្ឋាភិបាលក្នុងវិស័យមនុស្សធម៌។

ក្នុងថ្ងៃដ៏សិរីសួស្តីជ័យមង្គលនេះ ខ្ញុំសូមបួងសួងដល់គុណបុណ្យព្រះរតនត្រ័យ តេជះព្រះបារមីនៃវត្ថុស័ក្ដិសិទ្ធិក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា សូមជួយអភិបាលប្រោះព្រំគ្រងរក្សា សម្តេចមហាមន្ត្រី និងលោកជំទាវ ព្រមទាំងបុត្រា បុត្រី ចៅ ៗ ជាទីស្រឡាញ់ សូមបានប្រកបដោយ ព្រះពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ»។

ខាងក្រោមនេះ ជាសារលិខិតរបស់សម្តេចកិត្តិព្រឹទ្ធបណ្ឌិតប្រធាន ជូនចំពោះសម្តេចមហាមន្ត្រី ជាទីគោរពដ៏ខ្ពង់ខ្ពស់៖