(ភ្នំពេញ)៖ ដើម្បីឆ្លើយតបទៅនឹងកំណើនដ៏ឆាប់រហ័សនៃការប្រើប្រាស់រថយន្តអគ្គិសនី (EV) នៅក្នុងប្រទេសកម្ពុជា កម្មវិធី Fresh AI បានដាក់ចេញនូវមុខងារឆ្លាតវៃថ្មីមួយឈ្មោះថា «EV Zone» ដែលកំពុងទទួលបានការគាំទ្រយ៉ាងពេញទំហឹងពីសំណាក់អ្នកប្រើប្រាស់រថយន្តអគ្គិសនី។ មុខងារដ៏ទំនើបនេះ ត្រូវបានបង្កើតឡើងក្នុងគោលបំណងផ្ដល់ភាពងាយស្រួល និងទំនុកចិត្តខ្ពស់ដល់អ្នកបើកបររថយន្តអគ្គិសនី ក្នុងការស្វែងរកស្ថានីយសាកថ្មដែលនៅជិតបំផុត។

បច្ចុប្បន្ន មុខងារ EV Zone របស់ Fresh AI បានកើនទីតាំងសាករថយន្តអគ្គិសនីដល់ទៅ ៣៩៤ កន្លែងទូទាំងប្រទេសកម្ពុជា ដែលជាការរួមចំណែកដ៏សំខាន់ក្នុងការជំរុញការប្រើប្រាស់រថយន្តអគ្គិសនីនៅកម្ពុជា។ មុខងារ EV Zone គឺជាជំនួយការដ៏ឆ្លាតវៃមួយដែលបង្ហាញចំងាយគីឡូម៉ែត្រពីទីតាំងសាកឡាន EV ដែលនៅជិតអ្នកបំផុត។ មិនថាអ្នកកំពុងឈរនៅទីណាទេ មុខងារឆ្លាតវៃនេះអាចចាប់ទីតាំងសាកថ្មជុំវិញអ្នករហូតដល់ ១០០ គីឡូម៉ែត្រ ដែលធ្វើឱ្យការធ្វើដំណើររបស់អ្នកកាន់តែមានភាពរលូន និងគ្មានកង្វល់។

Fresh AI ក្នុងនាមជាជំនួយការដ៏វៃឆ្លាត នឹងបន្តផ្ដល់ព័ត៌មានអំពីទីតាំងសាកថាមពលនៅគ្រប់ទីកន្លែង និងគ្រប់ពេលវេលា ដើម្បីធានាថាអ្នកបើកបររថយន្តអគ្គិសនីទាំងអស់អាចធ្វើដំណើរដោយទំនុកចិត្ត និងភាពងាយស្រួលបំផុត។ ការអភិវឌ្ឍន៍នេះបង្ហាញពីការប្តេជ្ញាចិត្តរបស់ Fresh AI ក្នុងការគាំទ្រដល់ការអភិវឌ្ឍន៍ប្រកបដោយចីរភាព និងបច្ចេកវិទ្យាទំនើបនៅក្នុងប្រទេសកម្ពុជា។

Please Download:
https://freshai.com.kh/download