(ភ្នំពេញ)៖ ក្រសួងវប្បធម៌ និងវិចិត្រសិល្បៈកម្ពុជា នៅថ្ងៃទី២៧ ខែតុលា ឆ្នាំ២០២៦ នេះ បានចេញសេចក្តីថ្លែងការណ៍បដិសេធយ៉ាងដាច់អហង្ការ ចំពោះអំណះអំណាងរបស់រដ្ឋមន្ត្រីក្រសួងវប្បធម៌ថៃ លោកស្រី Sabeeda Thaised កាលពីថ្ងៃទី២៥ ខែតុលា ឆ្នាំ២០២៦ ដែលបានចុះផ្សាយនៅក្នុងកាសែត Khaosod ពាក់ព័ន្ធនឹងអធិបតេយ្យភាពលើប្រាសាទខ្នារ និងប្រាសាទតាក្របី ហើយបដិសេធមិនព្រមប្រគល់វត្ថុបុរាណដែលភាគីថៃបានយកចេញដោយឯកតោភាគីត្រឡប់មកកម្ពុជាវិញ។

ការចេញសេចក្តីថ្លែងការណ៍ឆ្លើយតបយ៉ាងម៉ឺងម៉ាត់របស់កម្ពុជានេះ ធ្វើឡើងបន្ទាប់ពីរដ្ឋមន្ត្រីក្រសួងវប្បធម៌ថៃ បានអះអាងចំនួន ៣ ចំណុច ថា៖ ទី១. ប្រាសាទខ្នារ និងប្រាសាទតាក្របី ស្ថិតនៅក្នុងទឹកដីថៃ ទី២. ភាគីថៃបានចុះប្រាសាទទាំងនេះនៅក្នុងបញ្ជីបេតិកភណ្ឌជាតិ ព្រមទាំងបានចាត់វិធានការរដ្ឋបាលនានាដើម្បីគ្រប់គ្រង ថែរក្សា និងអភិរក្សតាមរយៈច្បាប់ជាតិផ្ទៃក្នុងរបស់ខ្លួន និងទី៣. ដោយផ្អែកលើមូលដ្ឋាននេះ ភាគីថៃបដិសេធមិនព្រមប្រគល់វត្ថុសិល្បៈដែលបានយកចេញជាឯកតោភាគីពីតំបន់ប្រាសាទខាងលើ ដោយយកលេសថា ការប្រមូលវត្ថុសិល្បៈចេញពីតំបន់ប្រាសាទនេះ គឺដើម្បីសិក្សា ថែរក្សា និងអភិរក្ស។

ក្រសួងវប្បធម៌ និងវិចិត្រសិល្បៈកម្ពុជា បានច្រានចោលទាំងស្រុងនូវការអះអាងខាងលើ ដោយចាត់ទុកថា គ្មានមូលដ្ឋានទាល់តែសោះ នៅក្នុងច្បាប់អន្តរជាតិ ព្រមទាំងបានគូសបញ្ជាក់ និងបំភ្លឺយ៉ាងច្បាស់លាស់នូវមូលដ្ឋានគតិយុត្តចំនួន ៥ ចំណុច៕

ខាងក្រោមនេះជាសេចក្តីថ្លែងការណ៍របស់ក្រសួងវប្បធម៌កម្ពុជា៖