* «ភូមិហ្វ្រង់កូហ្វូនី» រយៈពេល៥ថ្ងៃ មានភ្ញៀវទេសចរជាង៦៦ម៉ឺននាក់ ចូលរួមទស្សនា
* Fresh Exclusive: សម្ពាធការទូតពីភ្នំពេញដល់ម៉ានីល៖ ការមិនគោរពកិច្ចព្រមព្រៀង និងការគេចវេសរបស់ថៃ ត្រូវបានលាតត្រដាងលើឆាកអន្តរជាតិ
* ជួបសម្តេចមហាបវរធិបតី, ឯកអគ្គរដ្ឋទូតអាមេរិក បានបញ្ជាក់ថា អាមេរិក នៅតែបន្តជំរុញការអនុវត្តសេចក្តីថ្លែងការណ៍រួមទីក្រុងកូឡាឡាំពួលើបញ្ហាព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* លោក ដូណាល់ ត្រាំ ថាអាមេរិកកំពុងពង្រីកកិច្ចសហប្រតិបត្តិការផ្នែកការពារជាតិជាមួយហ្វីលីពីន
* ទោះបីជាពេលវេលាតែមួយថ្ងៃ តែសម្តេចធិបតី ហ៊ុន ម៉ាណែត បានចូលរួមកិច្ចប្រជុំកំពូលរហូតដល់៧ និងជំនួបទ្វេភាគីចំនួន២ ដោយគ្រប់នាទីសុទ្ធតែមានតម្លៃ
* សម្តេចធិបតី ហ៊ុន ម៉ាណែត ស្នើជាថ្មីដល់ភាគីថៃ ឱ្យសហការបន្តការងារវាស់វែង និងខណ្ឌសីមាព្រំដែនជាបន្ទាន់ ដើម្បីលុបបំបាត់ឫសគល់នៃជម្លោះ និងឈានទៅរកសន្តិភាពយូរអង្វែង
* សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញដល់ប្រទេសវិញហើយ ក្រោយបញ្ចប់ការងារនៅហ្វីលីពីន
* សម្តេចតេជោ ហ៊ុន សែន ផ្ញើសារទៅថៃ បើចង់ឱ្យកម្ពុជា ឈប់លើករឿងថៃឈ្លានពានលើវេទិកាអន្តរជាតិ ត្រូវគោរពកិច្ចព្រមព្រៀង និងចាប់ផ្តើមដំណើរការវាស់វែងដីព្រំដែន
* វិភាគអន្តរជាតិ៖ តើលោក ដូណាល់ ត្រាំ និងលោក គីម ជុងអ៊ុន អាចជួបគ្នាជាថ្មីនៅចិន?
* នៅចំពោះមុខសម្តេចតេជោ, អនុប្រធានព្រឹទ្ធសភាម៉ាឡេស៊ី ចង់បង្កើតឱ្យមានក្រុមមិត្តភាពនៃសមាជិកព្រឹទ្ធសភាប្រទេសទាំងពីរ ដើម្បីឱ្យមានចំណងមិត្តភាពនៃស្ថាប័ននីតិបញ្ញត្តិកាន់តែរឹងមាំ
* លោក ដូណាល់ ត្រាំ លើកឡើងពីកិច្ចព្រមព្រៀងសន្តិភាពទីក្រុងកូឡាឡាំពួរ សម្តែងក្តីសង្ឃឹមចំពោះនិរន្តរភាព
* សម្ដេចមហាបវរធិបតី ហ៊ុន ម៉ាណែត ចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក និងពិធីលៀងសាយភោជន៍ផ្លូវការនៅប្រទេសហ្វីលីពីន
* សម្តេចមហាបវរធិបតី ហ៊ុន ម៉ាណែត អញ្ជើញចូលរួមពិធីបិទកិច្ចប្រជុំកំពូលអាស៊ាននៅហ្វីលីពីន
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

លោកបណ្ឌិត ប្រាំង ជលសា ជួបសំណេះសំណាលជាមួយមន្ត្រីបក្សមូលដ្ឋានស្រុកកណ្តៀង និងស្រុកក្រគរ ព្រមទាំងអំពាវនាវឱ្យសន្សំសំចៃទឹកទប់ទល់នឹងបាតុភូត El Niño

01-11-2026 19:15

(ពោធិ៍សាត់)៖ នាថ្ងៃទី៣១ ខែតុលា និងថ្ងៃទី០១ ខែវិច្ឆិកា ឆ្នាំ២០២៦ លោកបណ្ឌិត ប្រាំង ជលសា ប្រតិភូរាជរដ្ឋាភិបាល ទទួលបន្ទុកជាអគ្គនាយកអគ្គិសនីកម្ពុជា និងជាប្រធានក្រុមការងាររាជរដ្ឋាភិបាល ចុះជួយមូលដ្ឋានស្រុកក្រគរ និងស្រុកកណ្តៀង រួមជាមួយក្រុមការងារ បានអញ្ជើញជួបសំណេះសំណាលជាមួយមេក្រុមបក្ស និងមន្ត្រីបក្សមូលដ្ឋាន ក្នុងឃុំកណ្តៀង ឃុំស្វាយលួង ឃុំវាល ឃុំកោះជុំ និងឃុំអន្លង់វិល នៃស្រុកកណ្តៀង ព្រមទាំងឃុំឈើតុំ ឃុំស្វាយស ឃុំអន្លង់ត្នោត ឃុំស្នាអន្សា និងឃុំកំពង់លួង នៃស្រុកក្រគរ ខេត្តពោធិ៍សាត់។

ក្នុងឱកាសសំណេះសំណាលជាមួយមន្ត្រីបក្សក្នុងឃុំទាំង១០ នៃស្រុកកណ្តៀង និងស្រុកក្រគរ, លោកបណ្ឌិត ប្រាំង ជលសា បានសម្តែងនូវការសួរសុខទុក្ខ ពីសំណាក់លោក កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តពោធិ៍សាត់ និងថ្លែងអំណរគុណយ៉ាងជ្រាលជ្រៅចំពោះការខិតខំប្រឹងប្រែងរបស់មន្ត្រីបក្សមូលដ្ឋានទាំងអស់។ លោកបណ្ឌិតបានគូសបញ្ជាក់យ៉ាងច្បាស់ថា៖ ហេដ្ឋារចនាសម្ព័ន្ធនានា រួមមាន ផ្លូវ ទឹក ភ្លើង សាលារៀន មន្ទីរពេទ្យ និងវត្តអារាម… មិនមែនកើតមានដោយឯងៗនោះទេ គឺកើតចេញពីការខិតខំប្រឹងប្រែងរបស់គណបក្សប្រជាជនកម្ពុជា ដែលនាំមកនូវសន្តិភាព និងការអភិវឌ្ឍ។

លោកបណ្ឌិតបន្ថែមថា ឆ្នាំនេះខេត្តពោធិ៍សាត់លិចទឹកតិចតួចបំផុត ហើយនៅរដូវប្រាំងខាងមុខ ស្ទឹងពោធិ៍សាត់នឹងមានទឹកយ៉ាងហោចណាស់ពាក់កណ្តាលស្ទឹងជាប្រចាំ នេះគឺជា «កាដូពីគណបក្សទេវតា» តាមរយៈ ទំនប់វារីអគ្គិសនី ស្ទឹងពោធិ៍សាត់១ ដែលផ្តួចផ្តើមឡើងតាំងពីរាជរដ្ឋាភិបាល អាណត្តិទី៦ ក្រោមការដឹកនាំរបស់ សម្តេចតេជោ ហ៊ុន សែន និងបន្តអនុវត្តយ៉ាងសកម្មដោយ សម្តេចធិបតី ហ៊ុន ម៉ាណែត នាយករដ្ឋមន្ត្រី ក្នុងអាណត្តិទី៧នេះ។

លោកបន្តថា ទំនប់វារីអគ្គិសនី ស្ទឹងពោធិ៍សាត់១ ដែលគ្រោងចាប់ដំណើរការនាចុងឆ្នាំនេះ នឹងបង្កើនថាមពលអគ្គិសនីស្អាត និងស្ថិរភាពថាមពល ព្រមទាំងកាត់បន្ថយថ្លៃដើមអគ្គិសនី។ ជាមួយគ្នានោះផ្ទៃអាងនឹងរក្សាប្រភពទឹក សម្រាប់វិស័យកសិកម្មទាំងរដូវវស្សា និងរដូវប្រាំង ព្រមទាំងផ្គត់ផ្គង់ទឹកស្អាត ជួយកាត់បន្ថយទឹកជំនន់ក្នុងរដូវវស្សា និងទប់ស្កាត់គ្រោះរាំងស្ងួតនារដូវប្រាំង។

លោកបណ្ឌិតបានអំពាវនាវឱ្យមន្ត្រីបក្ស និងអាជ្ញាធរមូលដ្ឋាន ក្នុងឃុំកណ្តៀង ឃុំស្វាយលួង ឃុំវាល ឃុំកោះជុំ ឃុំអន្លង់វិល ស្រុកកណ្តៀង និងឃុំឈើតុំ ឃុំស្វាយស ឃុំអន្លង់ត្នោត ឃុំស្នាអន្សា ឃុំកំពង់លួង ស្រុកក្រគរ ត្រូវចុះផ្សព្វផ្សាយជូនប្រជាពលរដ្ឋ ឱ្យរក្សា និងសន្សំសំចៃទឹក ដើម្បីត្រៀមទប់ទល់នឹងបាតុភូត អែលនីញូ (El Niño) ដែលនឹងបង្កឱ្យមានកម្តៅក្តៅស្ងួត និងអូសបន្លាយពេលយូរ។ ត្រូវណែនាំកសិករ ឱ្យផ្អាកការធ្វើស្រែប្រាំងនៅតំបន់ណាដែលគ្មានប្រភពទឹកច្បាស់លាស់ ឬនៅឆ្ងាយពីប្រភពទឹក ដើម្បីចៀសវាងការខាតបង់។

ពាក់ព័ន្ធជម្លោះព្រំដែន កម្ពុជា-ថៃ លោកបណ្ឌិតលើកឡើងថា កម្ពុជាមិនត្រូវការសង្គ្រាមទេ តែបើសត្រូវមានមហិច្ឆិតាបន្តឈ្លានពាន យើងមិនអត់ឱនឱ្យជាដាច់ខាត។ រាជរដ្ឋាភិបាលក្រោមការដឹកនាំរបស់ សម្តេចធិបតី ហ៊ុន ម៉ាណែត កំពុងប្រើប្រាស់យន្តការច្បាប់អន្តរជាតិ និងយន្តការនានាដែលមានស្រាប់ ដើម្បីដោះស្រាយជម្លោះដោយសន្តិវិធី។

លោកបណ្ឌិតបានជំរុញឱ្យបេក្ខជនក្រុមប្រឹក្សាឃុំទាំងអស់ ត្រូវរួបរួមសាមគ្គីគ្នា និងខិតខំជួយយកអាសារប្រជាពលរដ្ឋ ដោយមានការគាំទ្រពីក្រុមការងារ ដើម្បីរួមគ្នាយកឈ្នះក្នុងការបោះឆ្នោតជ្រើសរើសក្រុមប្រឹក្សា ឃុំ-សង្កាត់ អាណត្តិទី៦ នាឆ្នាំ២០២៧ខាងមុខនេះ៕