* រដ្ឋមន្ត្រីការពារជាតិអាមេរិក ប្រឈមមុខនឹងការជំរុញដំណើរការនីតិវិធីដកតំណែង ជុំវិញសង្រ្គាមអ៉ីរ៉ង់
* ភ្លៀងធ្លាក់ជួយឱ្យព្រែកជីកប៉ាណាម៉ា ដែលរងគ្រោះដោយបាតុភូត El Nino បង្កើនការធ្វើនាវាចរណ៍ឡើងវិញ
* តើ Alice Huang ជានរណា? លាតត្រដាងប្រវត្តិនារីអាថ៌កំបាំងដែលធ្វើឱ្យរង្គើកៅអី CEO ក្រុមហ៊ុន Nvidia
* ប្រធានាធិបតីរ្វ៉ាន់ដា លោក Paul Kagame និងជំទាវទី១ នឹងអញ្ជើញមកបំពេញទស្សនកិច្ចផ្លូវរដ្ឋនៅកម្ពុជា ពីថ្ងៃទី១២-១៣ វិច្ឆិកា មុនចូលរួមកិច្ចប្រជុំកំពូលហ្វ្រង់កូហ្វូនី លើកទី២០
* បារាំងរៀបចំ «ពន្លាជាតិបារាំង» រយៈពេល ៥ថ្ងៃ ក្នុងភូមិហ្វ្រង់កូហ្វូនី ដើម្បីអបអរកិច្ចប្រជុំកំពូល និងពង្រឹងចំណងមិត្តភាពកម្ពុជា-បារាំង
* កូរ៉េខាងជើង ធ្វើតេស្តបាញ់ប្រព័ន្ធអាវុធ torpedo ល្បឿនលឿនស៊េរីថ្មី
* លោក ត្រាំ មានគម្រោងផ្អាកការវាយប្រហារលើអ៉ីរ៉ង់ តាមការអំពាវនាវពីក្រុមប្រទេសក្នុងតំបន់ដែលចង់ឃើញសន្តិភាព
* វិភាគអន្តរជាតិ៖ ចំណុចខ្សោយនៃឧស្សាហកម្មដ្រូនយោធារបស់អ៊ុយក្រែន
* ពីការបំផ្លាញនយោបាយជាតិ ដល់ការរារាំងទស្សនកិច្ចលោក Macron នៅកម្ពុជា៖ តើអ្វីជាជំហរនយោបាយពិតប្រាកដរបស់ សម រង្ស៊ី?
* សម្តេចមហាបវរធិបតី ហ៊ុន ម៉ាណែត៖ ពេលចេញពីការងារយោធិនអាជីព និងយោធិនកាតព្វកិច្ច គឺអនុវត្តន៍ភារកិច្ចដូចគ្នា មិនមានការរើសអើងនោះឡើយ
* សម្តេចមហាបវរធិបតី ហ៊ុន ម៉ាណែត៖ យោធិនកាតព្វកិច្ចក្រៅពីការហ្វឹកហាត់ នឹងត្រូវហ្វឹកហ្វឺនយុទ្ធវិធី វិន័យ អត្តចរិត ដែលនឹងផ្លាសប្តូរជីវិតស៊ីវិលទៅជាជីវិតយោធាដែលមានវិន័យខ្ពស់
* សម្តេចមហាបវរធិបតី ហ៊ុន ម៉ាណែត ថ្លែងសង្កត់ធ្ងន់ថា កងទ័ពត្រូវតែមានវិន័យខ្ពស់ បើគ្មានវិន័យទេការប្រយុទ្ធនឹងមិនអាចទទួលបានជ័យជម្នះឡើយ
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពេលចេញពីការងារយោធិនអាជីព និងយោធិនកាតព្វកិច្ច គឺអនុវត្តន៍ភារកិច្ចដូចគ្នា មិនមានការរើសអើងនោះឡើយ។ សម្តេចមហាបវរធិបតី ហ៊ុន ម៉ាណែត ណែនាំដល់មេបញ្ជាការតាមអង្គភាពនានារបស់កងទ័ព ពេលទទួលយោធិនកាតព្វកិច្ចក្រោយហ្វឹកហ្វឺន ត្រូវអនុវត្តតួនាទីភារកិច្ចដូចទៅនឹងយោធិនអាជីព ដោយគ្មានការបែងចែកនោះឡើយ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការបំពេញកាតព្វកិច្ចយោធា ជាការទទួលបានលំនឹងការងាររយៈពេល២៤ខែ។ បន្ថែមពីលើក្រោយបញ្ចប់កាតព្វកិច្ច នឹងក្លាយជាយោធិនបម្រុង ហើយក៏អាចដាក់ពាក្យប្រលងចូលជាយោធិនអាជីព។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា កុំគិតថាការអនុវត្តន៍កាតព្វកិច្ចយោធាជាការចាយជីវិត តែត្រូវគិតថាជាការវិនិយោគ
* CoolApp ដំណើរការមុខងារផ្ទេរទិន្នន័យគណនីពីទូរសព្ទចាស់ទៅទូរសព្ទថ្មី ដោយងាយស្រួល មិនបាច់បារម្ភពីរឿងបាត់ឯកសារ (Transfer Data)

រដ្ឋមន្ត្រី នេត្រ ភក្ត្រា៖ សៀវភៅ «ស្នាមញញឹមខ្មែរ» ជាផ្នែកមួយនៃការផ្សព្វផ្សាយអត្តសញ្ញាណ វប្បធម៌ និងគុណតម្លៃជាតិទៅកាន់ពិភពលោក

02-11-2026 19:47

(ភ្នំពេញ)៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានសម្តែងការកោតសរសើរចំពោះគំនិតផ្តួចផ្តើមក្នុងការរៀបចំ និងបោះពុម្ពផ្សាយសៀវភៅ «ស្នាមញញឹមខ្មែរ Le Sourire du peuple cambodgien» ដែលជាស្នាដៃរួមគ្នារវាងអ្នកនិពន្ធខ្មែរ និងបរទេស តាមរយៈកិច្ចសហការរបស់ក្រុមសារព័ត៌មានថ្មីៗ គ្រឹះស្ថានបោះពុម្ពផ្សាយស៊ីប៉ា (SIPAR) និង Wonder of Cambodia ដោយចាត់ទុកថា សៀវភៅនេះមានអត្ថន័យលើសពីការប្រមូលផ្តុំរូបភាព និងរឿងរ៉ាវអំពីកម្ពុជា។

ការលើកឡើងបែបនេះរបស់ លោក នេត្រ ភក្ត្រា បានធ្វើឡើងនៅក្នុងសន្និសីទសារព័ត៌មានអំពីការបោះពុម្ពផ្សាយសៀវភៅភាសាខ្មែរ និងភាសាបារាំង
«ស្នាមញញឹមខ្មែរ Le Sourire du peuple cambodgien» នៅទីស្ដីការក្រសួងព័ត៌មាន។ ដោយមានការចូលរួមពី លោក Pascal Medeville អ្នកបកប្រែ និងជាអ្នកស្រាវជ្រាវសង្គមចិន និងខ្មែរ និង ជាសហនិពន្ធសៀវភៅស្នាមញញឹមខ្មែរ , លោក គី សុខលីម សហស្ថាបនិកសារព័ត៌មានថ្មីៗមីឌៀគ្រុប និងជាសហអ្នក និពន្ធសៀវភៅស្នាមញញឹមខ្មែរ, លោក ហុក សុទ្ធិ នាយកអង្គការស៊ីប៉ា (SIPAR), លោក វន សំភាស់ ប្រធានអង្គការ អ័ក្សសិន អេខ្យូខេសិន និងអ្នកសារព័ត៌មានជាច្រើន។

លោករដ្ឋមន្ត្រីបានថ្លែងថា សៀវភៅ «ស្នាមញញឹមខ្មែរ» គឺជាការចូលរួមដ៏មានអត្ថន័យក្នុងការថែរក្សា លើកតម្កើង និងផ្សព្វផ្សាយអត្តសញ្ញាណ វប្បធម៌ និងគុណតម្លៃរបស់ប្រជាជាតិខ្មែរ ជាពិសេសនៅក្នុងពេលវេលាដែលកម្ពុជាកំពុងត្រៀមខ្លួនធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនីលើកទី២០ ខែវិច្ឆិកាខាងមុខនេះ។

លោកបានបញ្ជាក់ថា ការធ្វើជាម្ចាស់ផ្ទះនៃកិច្ចប្រជុំអន្តរជាតិនេះ គឺជាឱកាសដ៏មានតម្លៃសម្រាប់កម្ពុជា ក្នុងការបង្ហាញមុខមាត់ប្រទេស ទៅកាន់សហគមន៍ហ្វ្រង់កូហ្វូនី និងមិត្តភក្តិអន្តរជាតិ មិនត្រឹមតែតាមរយៈកិច្ចប្រជុំការទូតប៉ុណ្ណោះទេ ប៉ុន្តែថែមទាំងតាមរយៈវប្បធម៌ អក្សរសិល្ប៍ ប្រវត្តិសាស្ត្រ និងជីវភាពរស់នៅរបស់ប្រជាជនកម្ពុជាផងដែរ។

លោក នេត្រ ភក្ត្រា បានគូសបញ្ជាក់ថា នៅពេលពិភពលោកនិយាយអំពីកម្ពុជា មនុស្សជាច្រើនតែងនឹកឃើញដល់ប្រាសាទអង្គរវត្ត ដែលជានិមិត្តរូប និងជាមោទនភាពដ៏ធំធេងរបស់ជាតិ។ ប៉ុន្តែកម្ពុជាមានច្រើនជាងប្រាសាទអង្គរវត្តទៅទៀត ដោយមានប្រជាជនដែលមានភាពរាក់ទាក់ ប្រពៃណី និងទំនៀមទម្លាប់ដ៏សម្បូរបែប សិល្បៈ ភាសា អក្សរ ម្ហូបអាហារ ជំនឿ និងគុណតម្លៃសង្គមដែលបានបន្តពីជំនាន់មួយទៅជំនាន់មួយ។

លោកបន្តថា អង្គរវត្តជាមោទនភាពនៃអតីតកាលដ៏រុងរឿងរបស់កម្ពុជា ប៉ុន្តែប្រជាជនខ្មែរគឺជាអ្នកបន្តថែរក្សា បង្កើត និងកសាងអនាគតរបស់ប្រទេសជាតិ។ ដូច្នេះ កម្ពុជាចង់ឱ្យពិភពលោកស្គាល់ប្រទេសខ្លួន មិនត្រឹមតែតាមរយៈស្នាដៃដែលបុព្វបុរសបានបន្សល់ទុកប៉ុណ្ណោះទេ ប៉ុន្តែថែមទាំងតាមរយៈស្នាដៃដែលប្រជាជនខ្មែរកំពុងបង្កើតនាពេលបច្ចុប្បន្ន និងក្តីប្រាថ្នាសម្រាប់អនាគតផងដែរ។

ចំពោះអត្ថន័យនៃចំណងជើងសៀវភៅ លោករដ្ឋមន្ត្រីបានបង្ហាញទស្សនៈថា «ស្នាមញញឹមខ្មែរ» មានអត្ថន័យលើសពីការបង្ហាញភាពរីករាយ ពោលគឺជានិមិត្តរូបនៃភាពកក់ក្តៅ ការរាក់ទាក់ សេចក្តីថ្លៃថ្នូរ និងស្មារតីនៃការរស់នៅជាមួយគ្នា។ ស្នាមញញឹមនេះក៏ជាសារនៃមិត្តភាព ក្តីសង្ឃឹម និងសន្តិភាព ដែលប្រជាជនកម្ពុជាចង់ចែករំលែកទៅកាន់ពិភពលោក។

ជាមួយគ្នានេះ លោកបានចាត់ទុកការបោះពុម្ពសៀវភៅជាភាសាខ្មែរ និងភាសាបារាំងថា ជាការបង្កើតស្ពានវប្បធម៌ដ៏សំខាន់។ ភាសាខ្មែរជាភាសានៃអត្តសញ្ញាណជាតិ និងជាមធ្យោបាយរក្សាមរតកចំណេះដឹងរបស់ប្រជាជាតិ ខណៈភាសាបារាំងជាស្ពានសម្រាប់នាំយករឿងរ៉ាវអំពីកម្ពុជាទៅកាន់អ្នកអានក្នុងសហគមន៍ហ្វ្រង់កូហ្វូនី។
លោកបានបន្ថែមថា ភាពចម្រុះនៃភាសាមិនមែនជាឧបសគ្គដល់ការយល់គ្នានោះទេ ប៉ុន្តែជាឱកាសសម្រាប់ការផ្លាស់ប្តូរវប្បធម៌ ការរៀនសូត្រ និងការពង្រឹងចំណងមិត្តភាពរវាងប្រជាជន និងប្រជាជន។

លោក នេត្រ ភក្ត្រា ក៏បានលើកឡើងពីសារៈសំខាន់នៃការទូតវប្បធម៌ និងអំណាចទាក់ទាញតាមរយៈវប្បធម៌ (Soft Power) ដោយបញ្ជាក់ថា សៀវភៅអាចនាំរឿងរ៉ាវរបស់ប្រទេសមួយទៅដល់ទីកន្លែងដែលមនុស្សមិនអាចទៅដល់ដោយផ្ទាល់ ហើយបទពិសោធន៍របស់មនុស្ស ម្នាក់អាចធ្វើឱ្យអ្នកអានរាប់ពាន់នាក់ចាប់អារម្មណ៍ចង់ស្វែងយល់ពីប្រទេសនោះ។

ទោះជាយ៉ាងណា លោករដ្ឋមន្ត្រី បានសង្កត់ធ្ងន់ថា Soft Power មិនមែនកើតចេញពីការផ្សព្វផ្សាយឱ្យបានទូលំទូលាយតែមួយមុខនោះទេ ប៉ុន្តែត្រូវផ្អែកលើគុណភាពនៃស្នាដៃ ភាពជឿជាក់នៃព័ត៌មាន ភាពទាក់ទាញនៃវប្បធម៌ និងជាពិសេសបទពិសោធន៍ពិតប្រាកដដែលមនុស្សទទួលបាន។ ជាពិសេស សម្រាប់កិច្ចប្រជុំកំពូលហ្វ្រង់កូហ្វូនីលើកទី២០ កម្ពុជាបានលើកយកទិសស្លោក «ស្នាមញញឹមកម្ពុជា គឺជាស្នាមញញឹមហ្វ្រង់កូហ្វូនី» ដែលបង្ហាញពីស្មារតីមិត្តភាព ការបើកចំហ និងការចែករំលែកតម្លៃរួមជាមួយសហគមន៍អន្តរជាតិ៕