* Fresh Exclusive: សម្ពាធការទូតពីភ្នំពេញដល់ម៉ានីល៖ ការមិនគោរពកិច្ចព្រមព្រៀង និងការគេចវេសរបស់ថៃ ត្រូវបានលាតត្រដាងលើឆាកអន្តរជាតិ
* ជួបសម្តេចមហាបវរធិបតី, ឯកអគ្គរដ្ឋទូតអាមេរិក បានបញ្ជាក់ថា អាមេរិក នៅតែបន្តជំរុញការអនុវត្តសេចក្តីថ្លែងការណ៍រួមទីក្រុងកូឡាឡាំពួលើបញ្ហាព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* លោក ដូណាល់ ត្រាំ ថាអាមេរិកកំពុងពង្រីកកិច្ចសហប្រតិបត្តិការផ្នែកការពារជាតិជាមួយហ្វីលីពីន
* ទោះបីជាពេលវេលាតែមួយថ្ងៃ តែសម្តេចធិបតី ហ៊ុន ម៉ាណែត បានចូលរួមកិច្ចប្រជុំកំពូលរហូតដល់៧ និងជំនួបទ្វេភាគីចំនួន២ ដោយគ្រប់នាទីសុទ្ធតែមានតម្លៃ
* សម្តេចធិបតី ហ៊ុន ម៉ាណែត ស្នើជាថ្មីដល់ភាគីថៃ ឱ្យសហការបន្តការងារវាស់វែង និងខណ្ឌសីមាព្រំដែនជាបន្ទាន់ ដើម្បីលុបបំបាត់ឫសគល់នៃជម្លោះ និងឈានទៅរកសន្តិភាពយូរអង្វែង
* សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញដល់ប្រទេសវិញហើយ ក្រោយបញ្ចប់ការងារនៅហ្វីលីពីន
* សម្តេចតេជោ ហ៊ុន សែន ផ្ញើសារទៅថៃ បើចង់ឱ្យកម្ពុជា ឈប់លើករឿងថៃឈ្លានពានលើវេទិកាអន្តរជាតិ ត្រូវគោរពកិច្ចព្រមព្រៀង និងចាប់ផ្តើមដំណើរការវាស់វែងដីព្រំដែន
* វិភាគអន្តរជាតិ៖ តើលោក ដូណាល់ ត្រាំ និងលោក គីម ជុងអ៊ុន អាចជួបគ្នាជាថ្មីនៅចិន?
* នៅចំពោះមុខសម្តេចតេជោ, អនុប្រធានព្រឹទ្ធសភាម៉ាឡេស៊ី ចង់បង្កើតឱ្យមានក្រុមមិត្តភាពនៃសមាជិកព្រឹទ្ធសភាប្រទេសទាំងពីរ ដើម្បីឱ្យមានចំណងមិត្តភាពនៃស្ថាប័ននីតិបញ្ញត្តិកាន់តែរឹងមាំ
* លោក ដូណាល់ ត្រាំ លើកឡើងពីកិច្ចព្រមព្រៀងសន្តិភាពទីក្រុងកូឡាឡាំពួរ សម្តែងក្តីសង្ឃឹមចំពោះនិរន្តរភាព
* សម្ដេចមហាបវរធិបតី ហ៊ុន ម៉ាណែត ចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក និងពិធីលៀងសាយភោជន៍ផ្លូវការនៅប្រទេសហ្វីលីពីន
* សម្តេចមហាបវរធិបតី ហ៊ុន ម៉ាណែត អញ្ជើញចូលរួមពិធីបិទកិច្ចប្រជុំកំពូលអាស៊ាននៅហ្វីលីពីន
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

អភិបាលរងខេត្តកំពង់ធំ អំពាវនាវប្រជាពលរដ្ឋទាំងអស់ ត្រូវចូលរួមថែរក្សាអនាម័យបរិស្ថានដោយផ្ដើមចេញពីយើងទាំងអស់គ្នា

05-11-2026 15:04

(កំពង់ធំ)៖ លោក ជា វ៉ាន់ចាន់ អភិបាលរងខេត្តកំពង់ធំ បានអំពាវនាវប្រជាពលរដ្ឋទាំងអស់ ត្រូវចូលរួមថែរក្សាអនាម័យបរិស្ថានដោយផ្ដើមចេញពីយើងទាំងអស់គ្នា។

លោក ជា វ៉ាន់ចាន់ បានថ្លែងក្នុងពិធីសម្អាតបរិស្ថាន ដែលរៀបចំឡើងដោយរដ្ឋបាលខេត្ត នៅលើសួនច្បារដងស្ទឹងសែន ថ្ងៃទី៥ ខែវិច្ឆិកា ឆ្នាំ២០២៦ ដើម្បីត្រៀមរៀបចំអបអរសាទរពិធីបុណ្យអុំទូក បណ្ដែតប្រទីប និងបាញ់កាំជ្រួចនៅថ្ងៃទី ៧-៨ ខាងមុខនេះ។

លោកបន្តថា ពិធីនេះត្រូវបានប្រារព្ធធ្វើក្នុងគោលបំណង ដើម្បីលើកកម្ពស់ការយល់ដឹង និងការស្រឡាញ់បរិស្ថាន ជាពិសេសជំរុញចលនាប្រជាពលរដ្ឋ កងកម្លាំងគ្រប់ប្រភេទ មន្ត្រីរាជការគ្រប់លំដាប់ថ្នាក់ សិស្ស និស្សិត ចូលរួមក្នុងកិច្ចគាំពារបរិស្ថាន ការអភិរក្សជីវៈចម្រុះ ស្របតាមយុទ្ធសាស្ត្រចក្រាវិស័យបរិស្ថានដែលបានដាក់ចេញជាបន្តបន្ទាប់ ដោយផ្ដោតសំខាន់ទៅលើមុំយុទ្ធសាស្ត្រចំនួន៣គឺ ភាពស្អាត ភាពបៃតង និងចីរភាព។ ជាពិសេស ការងារនេះបានបំផុសមហាជននៅគ្រប់មជ្ឈដ្ឋាន និងគ្រប់ភាគីពាក់ព័ន្ធទាំងអស់ បន្តផ្លាស់ប្ដូរទស្សនៈពីការគិតអវិជ្ជមាន ទៅវិជ្ជមាន ពីទ្រឹស្ដី ទៅការអនុវត្តជាក់ស្ដែង ចូលរួមសម្អាតថែរក្សាអនាម័យ បរិស្ថាន និងជាសារអប់រំមួយសម្រាប់សាធារណជនគ្រប់ទិសទីឱ្យបានយល់ដឹងផងដែរ។

លោកជំរុញប្រជាពលរដ្ឋ និងសិស្សានុសិស្សនៅតាមគ្រឹះស្ថានសិក្សាទាំងអស់ សូមកាត់បន្ថយការប្រើប្រាស់វត្ថុប្រើប្រាស់ដែលផលិតដោយប្លាស្ទិក ដូចជា៖ ដបទឹកសុទ្ធ ថង់ប្លាស្ទិក ជាដើម និងការទុកដាក់សំណល់ទាំងនោះឱ្យបានត្រឹមត្រូវ ក្រោយពីបានប្រើប្រាស់រួច ប្រកបដោយស្មារតីទទួលខុសត្រូវខ្ពស់។

លោកបានបញ្ជាក់ថា ការសម្រេចបានបរិស្ថានស្អាត អនាម័យស្អាត និងភាពបៃតង បានរួមចំណែកយ៉ាងសំខាន់ក្នុងជីវភាពរស់នៅរបស់ប្រជាពលរដ្ឋនៅគ្រប់ទីកន្លែងទាំងអស់ ពិសេសគឺពួកគាត់ទទួលបាននូវផាសុកភាពល្អ។

លោកបញ្ជាក់ថា គោលបំណង និងសារសំខាន់ៗនៃការអំពាវនាវ៖

១. ការទុកដាក់សំរាមឱ្យបានត្រឹមត្រូវ
២. ការរក្សាអនាម័យនៅតាមស្តង់ និងអាជីវកម្ម
៣. កាត់បន្ថយការប្រើប្រាស់ប្លាស្ទិក លើកទឹកចិត្តឱ្យប្រើប្រាស់សម្ភារដែលងាយបំបែកធាតុ ឬសម្ភារធម្មជាតិ ដើម្បីកាត់បន្ថយការបំពុលបរិស្ថាន។
៤. ការពារសោភ័ណភាព និងបរិស្ថានស្ទឹងសែន៕