រដ្ឋបាលខេត្តពោធិ៍សាត់ រៀបចំពិធីក្រុងពាលី និងសំណេះសំណាលជាមួយកីឡាករ មុនបើកការប្រណាំងទូក «ង» រយៈពេល២ថ្ងៃ ថ្ងៃទី៧-៨ ខែវិច្ឆិកា

* មុនជំនួបលោក ត្រាំ-លោក ស៊ី ជីនពីង សហរដ្ឋអាមេរិកជំរុញឱ្យចិនអនុវត្តតាមការសន្យាជុំវិញពាណិជ្ជកម្ម

* សម្តេចមហាបវរធិបតី៖ អត្ថន័យចម្រៀង «ម៉ែ! ពេលចប់សង្រ្គាមពុកមកវិញទេ?» បញ្ជាក់ច្បាស់ ហេតុអ្វីត្រូវអត់ធ្មត់ និងដោះស្រាយបញ្ហាតាមច្បាប់អន្តរជាតិ?

* គម្រោងវិនិយោគ ចំនួន៣៧ ក្នុងទំហំទុន ២៤៦លានដុល្លារ ត្រូវបានចុះបញ្ជីក្នុងខែតុលា

* សម្តេចមហាបវរធិបតី ហ៊ុន ម៉ាណែត មានប្រសាសន៍ថា កីឡាមិនមែនគ្រាន់តែជាសកម្មភាពប្រកួតប្រជែង ដើម្បីដណ្តើមមេដាយ ឬបំបែកកំណត់ត្រានោះទេ។ កីឡា គឺជាមធ្យោបាយដ៏សំខាន់ក្នុងការកសាងមនុស្សឱ្យមានសុខភាពល្អ កាយសម្បទារឹងមាំ, វិន័យ, ការទទួលខុសត្រូវ និងស្មារតីសហការជាក្រុម។ កីឡា ក៏ជាសាលារៀនសម្រាប់អប់រំមនុស្សឱ្យចេះគោរពច្បាប់ គោរពគូប្រកួត ទទួលស្គាល់លទ្ធផល និងក្រោកឈរឡើងវិញនៅពេលបរាជ័យ។

* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរៀបចំឱ្យមានការប្រកួតកីឡាជាតិ និងកីឡាជាតិជនពិការជាប្រចាំ ជាគំនិតផ្តួចផ្តើម ប្រកបដោយឆន្ទៈមោះមុត និងចក្ខុវិស័យវែងឆ្ងាយរបស់សម្តេចតេជោ ហ៊ុន សែន អតីតនាយករដ្ឋមន្រ្តី ក្នុងគោលបំណងផ្តល់ឱកាសដល់កីឡាករ កីឡាការិនីមកពីរាជធានី ខេត្តទាំង២៥ បញ្ចេញសមត្ថភាព ទេពកោសល្យ ព្រមទាំងដុសខាត់ស្មារតី ឆន្ទៈ និងសាមគ្គីភាព។

* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ព្រឹត្តិការណ៍នេះក៏ដើម្បី បង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលចំពោះតម្លៃដ៏វិសេសរបស់កីឡាករ កីឡាការិនី ជាពិសេសជំរុញការផ្លាស់ប្តូរឥរិយាបថសង្គមចំពោះជនមានពិការភាព សំដៅបង្កើតបរិយាកាសសង្គមកម្ពុជា ប្រកបដោយបរិយាប័ន្ន និងសុខដុម ដោយមិនទុកពលរដ្ឋណាម្នាក់ចោល។

* សម្តេចមហាបវរធិបតី ហ៊ុន ម៉ាណែត បានបង្ហាញក្តីសោមនស្សរីករាយ ដែលបានមកចូលរួមក្នុងពិធីបើកការប្រកួត កីឡាជាតិលើកទី៥ និងកីឡាជាតិជនពិការលើកទី៣ ក្រោមបុព្វបទ «កីឡាដើម្បីឯកភាពជាតិ»។

* វិមានក្រឹមឡាំង៖ ក្រុមមន្ត្រីការទូត-យោធារុស្ស៉ី នឹងចូលរួមក្នុងកិច្ចពិភាក្សាជាមួយសហរដ្ឋអាមេរិក និងអ៊ុយក្រែន

* សម្ដេចបវរធិបតី ហ៊ុន ម៉ាណែត អញ្ជើញជាអធិបតីបើកការប្រកួតកីឡាជាតិលើកទី៥ និងកីឡាជាតិជនពិការលើកទី៣

* គ.ប.ឆ.ប. បង្ហាញលទ្ធផលនៃកិច្ចប្រជុំផ្តល់បច្ចុប្បន្នភាពលើការប្រយុទ្ធប្រឆាំងបទល្មើស Online Scams ជូនដល់អង្គទូតបរទេស និងតំណាងអង្គការអន្តរជាតិប្រចាំកម្ពុជា

* ប្រធានាធិបតី ដូណាល់ ត្រាំ ផ្លាស់ប្តូរប្រធានខុទ្ទកាល័យសេតវិមាន បន្ទាប់ពីបរាជ័យក្នុងការបោះឆ្នោតពាក់កណ្តាលអាណត្តិ

* ក្រសួងមុខងារសាធារណៈ៖ ការធ្វើបច្ចុប្បន្នភាពរចនាសម្ព័ន្ធ និងជំរឿនមន្រ្តីជាក់ស្តែង សម្រេចបាន២៦ក្រសួង-ស្ថាប័ន

* សហរដ្ឋអាមេរិក រាយការណ៍ករណីជំងឺកញ្ជ្រឹលច្រើនបំផុត គិតក្នុងរយៈពេល៣៥ឆ្នាំ

* មនុស្សជាង ៤០០ ០០០នាក់នៅអាល្លឺម៉ង់ ធ្វើការតវ៉ាទាមទារដំឡើងប្រាក់ឈ្នួល និងលក្ខខណ្ឌការងារប្រសើរជាងមុន

* CoolApp ដំណើរការមុខងារផ្ទេរទិន្នន័យគណនីពីទូរសព្ទចាស់ទៅទូរសព្ទថ្មី ដោយងាយស្រួល មិនបាច់បារម្ភពីរឿងបាត់ឯកសារ (Transfer Data)

រដ្ឋបាលខេត្តពោធិ៍សាត់ រៀបចំពិធីក្រុងពាលី និងសំណេះសំណាលជាមួយកីឡាករ មុនបើកការប្រណាំងទូក «ង» រយៈពេល២ថ្ងៃ ថ្ងៃទី៧-៨ ខែវិច្ឆិកា

07-11-2026 13:10

(ពោធិ៍សាត់)៖ ដើម្បីអបអរសាទរព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ប្រពៃណីជាតិខ្មែរ, រដ្ឋបាលខេត្តពោធិ៍សាត់ បានរៀបចំពិធីក្រុងពាលី សុំសេចក្តីសុខសេចក្តីចម្រើន ពិធីសំណេះសំណាលជាមួយក្រុមកីឡាករ ដែលត្រៀមចូលរួមក្នុងពិធីប្រណាំងទូក «ង» ថ្នាក់ខេត្ត ក្រោមអធិបតីភាពរបស់ លោក ម៉ក់ រ៉ា ប្រធានក្រុមប្រឹក្សាខេត្ត និងលោក ខូយ រីដា អភិបាលខេត្តពោធិ៍សាត់ ព្រមទាំងមានការអញ្ជើញចូលរួមពីសំណាក់ លោក លោកស្រី សមាជិកក្រុមប្រឹក្សាខេត្ត អភិបាលរងខេត្ត ថ្នាក់ដឹកនាំមន្ទីរ-អង្គភាពជុំវិញខេត្ត កងកម្លាំងប្រដាប់អាវុធទាំងបីប្រភេទ គណៈកម្មការគ្រប់គ្រងទូក និងក្រុមកីឡាករយ៉ាងច្រើនកុះករ។

នាព្រឹកថ្ងៃទី០៧ ខែវិច្ឆិកា ឆ្នាំ២០២៦ មុនពេលចាប់ផ្តើមការប្រកួត ថ្នាក់ដឹកនាំខេត្ត និងគណៈកម្មការរៀបចំបុណ្យ បានអញ្ជើញប្រារព្ធពិធីបួងសួង និងក្រុងពាលីតាមបែបសាសនា និងទំនៀមទម្លាប់ប្រពៃណីខ្មែរ នៅអាស្រមព្រះអង្គចៅសែន ចុងកោះសំពៅមាស ក្រុងពោធិ៍សាត់ និងនៅបូជនីយដ្ឋានទេពឧកញ៉ា ឃ្លាំង មឿង និងទេពជំទាវ ខាន់ ខៀវ ឃុំស្នាមព្រះ ស្រុកបាកាន ដើម្បីឧទ្ទិសបួងសួងសុំសេចក្តីសុខ សុំឱ្យអាកាសធាតុអំណោយផលល្អ និងសុំឱ្យដំណើរការប្រណាំងទូក «ង» ប្រព្រឹត្តទៅដោយរលូន សុវត្ថិភាព និងភាពសប្បាយរីករាយជូនដល់កីឡាករ និងមហាជនទូទៅ។

បន្ទាប់ពីពិធីក្រុងពាលីរួចរាល់ ថ្នាក់ដឹកនាំខេត្តបានអញ្ជើញជួបសំណេះសំណាលដោយផ្ទាល់ ជាមួយគណៈកម្មការទូក និងក្រុមកីឡាករចំណុះទូក «ង» ទាំងអស់ ដោយ លោក ខូយ រីដា អភិបាលនៃគណៈអភិបាលខេត្តពោធិ៍សាត់ បានថ្លែងនូវការកោតសរសើរចំពោះស្មារតីសាមគ្គីភាព និងការខិតខំប្រឹងប្រែងហ្វឹកហាត់របស់កីឡាករគ្រប់រូប ព្រមទាំងបានផ្តាំផ្ញើឱ្យប្រកាន់ខ្ជាប់នូវវិន័យ សីលធម៌ គោរពបទបញ្ជាបច្ចេកទេស និងរក្សាស្មារតីកីឡា ឈ្នះដោយកិត្តិយស ចាញ់ដោយអស់ចិត្ត។

សូមជម្រាបជូនថា ពិធីប្រណាំងទូក «ង» ខេត្តពោធិ៍សាត់ នឹងចាប់ផ្តើមបើកឆាកប្រកួតជាផ្លូវការ ចាប់ពីរសៀលថ្ងៃទី០៧ ខែវិច្ឆិកានេះតទៅ ដោយមានរយៈពេល ០២ថ្ងៃពេញ គឺថ្ងៃទី០៧ និងថ្ងៃទី០៨ ខែវិច្ឆិកា ឆ្នាំ២០២៦ នៅតាមដងស្ទឹងពោធិ៍សាត់ ដែលមានទូក «ង» ចូលរួមប្រកួតប្រជែងសរុបចំនួន ៣០ទូក (ស្មើនឹង១៥គូ) រួមមាន៖

*គូទី០១: សស.យ.ក ពោធិ៍សាត់មានជ័យបារមីឃ្លាំងមឿង VS យុវជនអន្លង់ល្វាសែនជ័យបារមីបុត្រីផ្សោត
*គូទី០២: ពោធិ៍សុវណ្ណរង្សីបារមីកុមារពេជ្រ VS បារមីកែវវិជ័យសិរីពោធិ៍សាត់
*គូទី០៣: វាលសាឡឹមមានជ័យបារមីវត្តកញ្ចរខាងត្បូង VS នទីមង្គលកម្ពុជរតនៈមានជ័យ
*គូទី០៤: តេជៈសែនជ័យបារមីព្រះអង្គចៅសែន VS កម្លាំងសាមគ្គីនារីមានជ័យ
*គូទី០៥: ក្រវាញសែនជ័យបារមីតាដំរីស VS មហាហង្សសែនជ័យ
*គូទី០៦: បញ្ញវន្តក្មេងវត្ត សាមគ្គីសែនជ័យ VS ក្រគរមានជ័យបារមីតាមឿង
*គូទី០៧: ឧស្សាហកម្មថាមពលវារីសាមគ្គីសុខសែនជ័យ VS តាតាំងមានជ័យបារមីវត្តសង្កែវារ
*គូទី០៨: កណ្តៀងសុខសិរីមានជ័យ VS វិទ្យាល័យពោធិ៍សាត់សែនមានជ័យ
*គូទី០៩: សង្គមសែនជ័យបារមីគង្គា VS ដែនដីមានជ័យបារមីចៅសែន
*គូទី១០: អប់រំខេមរាសែនជ័យ VS ពោធិ៍វង្សសុខុមាលសែនជ័យសិរីឧត្តម
*គូទី១១: នទីសេដ្ឋាបុប្ផាស្បៃវែងសែនតេជះ VS ទ្រីភាពសែនជ័យបារមីលោកតាគ្រី
*គូទី១២: កោះកែវសែនជ័យបារមីវត្តបាកាន VS ទំព័រសុវណ្ណសែនជ័យបារមីលោកតាត្រី
*គូទី១៣: តេជោសែនជ័យបារមីលកសចាស់ VS តេជៈបារមីរស្មីសាមគ្គីមុន្នីឧត្តម
*គូទី១៤: ពោធិ៍សាត់សែនជ័យបារមីចៅសែន VS តេជះសែនជ័យបារមីនាគស
*គូទី១៥: តេជះតាលោសែនជ័យបារមីថ្មអណ្តែត VS វិស្ណុសែនជ័យបារមីឃ្លាំងមឿង៕