* ប្រធានាធិបតីបារាំង ម៉ាក្រុង ចង់ឲ្យមានការបង្រៀនភាសាបារាំងកាន់តែច្រើនថែមទៀតនៅក្នុងប្រទេសកម្ពុជា
* ប្រមុខដឹកនាំកម្ពុជា-បារាំង បង្កើតភាពជាដៃគូកម្រិតថ្មី ជាមួយនឹងការចុះហត្ថលេខាលើកិច្ចព្រមព្រៀងចំនួន២៩
* សម្តេចមហាបវរធិបតី ហ៊ុន ម៉ាណែត ថ្លែងអំណរគុណប្រទេសបារាំង និងលោក ម៉ាក្រុង ដែលបានខិតខំសម្របសម្រួលរកដំណោះស្រាយដោយសន្តិវិធី លើបញ្ហាព្រំដែនកម្ពុជា-ថៃ
* សម្តេចមហាបវរធិបតី ហ៊ុន ម៉ាណែត ប្រកាសពីមហិច្ឆតារបស់កម្ពុជា ក្នុងការក្លាយជា «ស្ពាន FinTech» ដើម្បីតភ្ជាប់ប្រព័ន្ធបច្ចេកវិទ្យាហិរញ្ញវត្ថុរវាងបណ្តាប្រទេសនិយាយភាសាបារាំង និងតំបន់អាស៊ាន
* ប្រធានាធិបតីបារាំង ម៉ាក្រុង និងលោកជំទាវទីមួយ ចូលក្រាបបង្គំគាល់ ព្រះមហាក្សត្រខ្មែរ នៅព្រះបរមរាជវាំង ក្នុងដំណើរទស្សនកិច្ចផ្លូវរដ្ឋជាប្រវត្តិសាស្ត្រនៅកម្ពុជា
* សម្តេចតេជោ ហ៊ុន សែន ទទួលស្វាគមន៍យ៉ាងកក់ក្តៅចំពោះ លោក អេម៉ានុយអែល ម៉ាក្រុង ប្រធានាធិបតីបារាំង នៅវិមានសាមគ្គីភាព មុនជំនួបប្រជុំកំពូល
* សម្តេចមហាបវរធិបតី ហ៊ុន ម៉ាណែត អញ្ជើញបើកផ្លូវការព្រឹត្តិការណ៍ហ្វ្រង់កូតិច២០២៦
* ព្រះមហាក្សត្រកម្ពុជា រៀបចំព្រះរាជពិធីលៀងសាយភោជន៍ជូនប្រធានាធិបតីបារាំង និងគណៈប្រតិភូ ក្នុងឱកាសអញ្ជើញមកបំពេញទស្សនកិច្ចផ្លូវរដ្ឋនិង ឱកាសកិច្ចប្រជុំកំពូលហ្វ្រង់កូហ្វូនីនៅកម្ពុជា
* ព្រះមហាក្សត្រ៖ «សេចក្តីស្អប់មិនអាចរំលាយដោយសេចក្តីស្អប់បានឡើយ», ស្នាមញញឹមខ្មែរ នឹងធ្វើជាសារសន្តិភាពទៅកាន់ពិភពលោក
* ព្រះមហាក្សត្រ អំពាវនាវឱ្យផ្តល់តួនាទីពេញលេញដល់យុវជនក្នុងការកសាងសន្តិភាព និងវាយតម្លៃខ្ពស់ចំពោះថាមពលវ័យក្មេងនៃទ្វីបអាហ្វ្រិក
* ព្រះមហាក្សត្រ រំឭកពីព្រះរាជបេសកកម្ម «ព្រះបរមរតនកោដ្ឋ» ក្នុងការបង្កើតហ្វ្រង់កូហ្វូនី និងចំខួប ៦០ឆ្នាំនៃសំឡេង លោក ហ្សាល ដឺហ្គោល អតីតប្រធានាធិបតីបារាំងនៅភ្នំពេញ
* អគ្គលេខាធិការអង្គការសហប្រជាជាតិ អះអាងថា ពិភពលោក បច្ចុប្បន្ន ចំណាយលើយោធាធំជាងជំនួយអភិវឌ្ឍន៍១៣ដង និងអំពាវនាវឱ្យប្រែក្លាយទំនុកចិត្តហ្វ្រង់កូហ្វូនីទៅជាសន្តិភាពពិតប្រាកដ
* សម្ដេចមហាបវរធិបតី ហ៊ុន ម៉ាណែត៖ កម្ពុជា មានបំណងប្រែក្លាយភ្នំពេញ ឲ្យទៅជាស្ពានភ្ជាប់រវាងអាស៉ី និងលំហហ្វ្រង់កូហ្វូនី
* សម្តេចមហាបវរធិបតី ហ៊ុន ម៉ាណែត ស្នើឱ្យមានសកម្មភាពគន្លឹះចំនួនបី គឺការបង្ការ ការត្រៀមខ្លួន និងការកសាងវិបុលភាព
* សម្តេចធិបតី ហ៊ុន ម៉ាណែត៖ កម្ពុជានិយាយពីសន្តិភាព ពីព្រោះកម្ពុជាធ្លាប់ឆ្លងកាត់សង្រ្គាម, កម្ពុជាដឹងច្បាស់ថាសង្រ្គាមបានបំផ្លិចបំផ្លាញអ្វីខ្លះ ហើយកម្ពុជាក៏ដឹងច្បាស់ថា សន្តិភាពនាំមកនូវលទ្ធភាពអ្វីខ្លះ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

បណ្ឌិត ឥន សុផល៖ កម្ពុជាទទួលបានផលចំណេញជាច្រើនពីទស្សនកិច្ចរបស់ប្រធានាធិបតីបារាំងទាំង៣រូប

15-11-2026 16:19

(ភ្នំពេញ)៖ លោកបណ្ឌិត ឥន សុផល អ្នកជំនាញវិទ្យាសាស្រ្តនយោបាយ និងទំនាក់ទំនងអន្តរជាតិ បានបង្ហាញពីផលចំណេញ ដែលកម្ពុជា ទទួលបាននៅក្នុងឱកាសទទួល ប្រធានាធិបតីបារាំង ចំនួន៣រូប មកកាន់ប្រទេសកម្ពុជា នាអតីតកាល និងបច្ចុប្បន្នដូចតទៅ៖

១.លោក Charles de Gaulle ពីថ្ងៃទី៣០ ខែសីហា ដល់ថ្ងៃទី២ ខែកញ្ញា ឆ្នាំ១៩៦៦៖
-ផលប្រយោជន៍នយោបាយ៖ បារាំងផ្តល់ការគាំទ្រជាសាធារណៈដល់ជម្រើសនយោបាយអព្យាក្រឹតរបស់កម្ពុជា ដើម្បីទប់ស្តាត់ការរាលដាលនៃសង្គ្រាមវៀតណាមចូលមកកម្ពុជា។

-ផលប្រយោជន៍សេដ្ឋកិច្ច៖ ទស្សនកិច្ចពង្រឹងទំនាក់ទំនងដែលមានគម្រោងធំៗ គឺកិច្ចព្រមព្រៀងសហប្រតិបត្តិការសេដ្ឋកិច្ច និងហិរញ្ញវត្ថុ។ កិច្ចព្រមព្រៀងនោះបានកំណត់ឥណទាន និងជំនួយសរុប ១៦០ លានហ្វ្រង់បារាំង សម្រាប់រួមចំណែកដល់គម្រោងពង្រីកកំពង់ផែក្រុងព្រះសីហនុ សាងសង់ផ្លូវដែកភ្នំពេញ–ក្រុងព្រះសីហនុ និងគម្រោងទំនប់វារីអគ្គិសនីព្រែកត្នោត។

នៅទសវត្សរ៍១៩៦០ កម្ពុជាជាគ្រាប់គុជនៅអាស៊ីអាគ្នេយ៍ គឺជាប្រទេសអ្នកមាន សូម្បីតែព្រលានយន្តហោះអន្តរជាតិសិង្ហបុរី ក៏វិស្វករខ្មែរទៅសាងសង់ឱ្យដែរ។ ប៉ុន្តែគួរឱ្យស្តាយនយោបាយអព្យាក្រឹតរបស់កម្ពុជា បានប្រែពណ៌ទៅជាស៊ីជម្ពូ រួចក៏លង់ខ្លួនទៅក្នុងសង្គ្រាមវៀតណាម រលាយគ្មានសល់។

២.លោក François Mitterrand ពីថ្ងៃទី១១ ដល់ថ្ងៃទី១២ ខែកុម្ភៈ ឆ្នាំ១៩៩៣៖

-ផលប្រយោជន៍នយោបាយ៖ គាំទ្រដំណើរការសន្តិភាពនៅពេលការអនុវត្តកំពុងប្រឈមនឹងឧបសគ្គ លោក មីតេរ៉ង់ មកកម្ពុជាក្រោយការចុះហត្ថលេខាលើកិច្ចព្រមព្រៀងសន្តិភាពទីក្រុងប៉ារីសឆ្នាំ១៩៩១ និងមុនការបោះឆ្នោតខែឧសភា ឆ្នាំ១៩៩៣។ លោកបានអំពាវនាវឱ្យខ្មែររួបរួមគ្នា បញ្ជាក់ការគាំទ្រដល់ដំណើរការសន្តិភាពរបស់ UNTAC និងលើកតួនាទីរបស់សម្តេច នរោត្តម សីហនុ ក្នុងការប្រមូលផ្តុំភាគីខ្មែរ និងបានចុះកិច្ចព្រមព្រៀងស្តារការបណ្តុះបណ្តាលវេជ្ជសាស្ត្ររបស់កម្ពុជា។

-ផលប្រយោជន៍ស្តារសេដ្ឋកិច្ច និងបេតិកភណ្ឌ៖ បន្តការងារមុនទស្សនកិច្ច និងពង្រឹងការគាំទ្រអន្តរជាតិ។លោក មីតេរ៉ង់ មកដល់ បារាំងបានផ្តល់ជំនួយសម្រាប់ប្រព័ន្ធចម្រោះទឹកនៅភ្នំពេញ ការស្តារមន្ទីរពេទ្យកាល់ម៉ែត និងជំនួយបន្ទាន់ដល់ផ្លូវដែកកម្ពុជា។

នៅខែតុលា ឆ្នាំ១៩៩៣ សន្និសីទអន្តររដ្ឋាភិបាលនៅតូក្យូបានបង្កើត គណៈកម្មាធិការសម្របសម្រួលអន្តរជាតិសម្រាប់អង្គរ ដោយមានបារាំង និងជប៉ុនជាសហប្រធាន និង UNESCO ជាលេខាធិការដ្ឋានអចិន្ត្រៃយ៍។

៣. លោក Emmanuel Macron ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៦៖

-ផលប្រយោជន៍នយោបាយ៖ កម្ពុជាមានលំហចរចាជាមួយបារាំង និងអាចបន្តប្រមូលដៃគូតាមរយៈហ្វ្រង់កូហ្វូនីដំណើរទស្សនកិច្ចគឺការបើកឱកាសឱ្យកម្ពុជាពិភាក្សាផ្ទាល់ជាមួយថ្នាក់ដឹកនាំបារាំងអំពីអាទិភាពទ្វេភាគីជាច្រើនវិស័យ។

ពេលនេះកម្ពុជា ក្លាយជាប្រធានហ្វ្រង់កូហ្វូនី យោងតាមមាត្រា៣ នៃធម្មនុញ្ញហ្វ្រង់កូហ្វូនី ប្រមុខរដ្ឋ ឬប្រមុខរដ្ឋាភិបាលនៃប្រទេសម្ចាស់ផ្ទះកាន់តួនាទីជា ប្រធានកិច្ចប្រជុំកំពូលហ្វ្រង់កូហ្វូនី រហូតដល់កិច្ចប្រជុំកំពូលបន្ទាប់ ដែលជាធម្មតាមានចន្លោះពីរឆ្នាំ។ អំណាចសំខាន់របស់ប្រធានកិច្ចប្រជុំកំពូលគឺការដឹកនាំការពិភាក្សា និងការកសាងការគាំទ្រពីសមាជិក ឱកាសពង្រីកកិច្ចសហប្រតិបត្តិការនយោបាយនិងសេដ្ឋកិច្ចទូលំទូលាយ។

-ផលប្រយោជន៍សេដ្ឋកិច្ច៖ លោក ម៉ាក្រុង បានបង្ហាញបំណងពង្រីកទីផ្សារសម្រាប់ធុរកិច្ចបារាំងនៅកម្ពុជា។ ចំណែកកម្ពុជា អាចប្រើចំណាប់អារម្មណ៍នោះដើម្បីចរចាឱ្យគម្រោងនាំមកនូវការងារជំនាញ ការផ្ទេរបច្ចេកវិទ្យា ឬការទិញពីអ្នកផ្គត់ផ្គង់ក្នុងស្រុក។

តាមទិន្នន័យរតនាគារបារាំង ពាណិជ្ជកម្មទំនិញរវាងប្រទេសទាំងពីរមានតម្លៃប្រមាណ ១.៧៥ ពាន់លានអឺរ៉ូក្នុងឆ្នាំ២០២៥ កើន ១៧.៥% ធៀបនឹងឆ្នាំ២០២៤។ តួលេខនេះជាមូលដ្ឋានសម្រាប់វាស់ការរីកចម្រើនក្រោយទស្សនកិច្ច។ បារាំងមានវត្តមានក្នុងវិស័យដឹកជញ្ជូន ថាមពល កសិកម្មនិងអាហារ ទេសចរណ៍ សុខាភិបាល និងហិរញ្ញវត្ថុ។ ដូច្នេះ គុណប្រយោជន៍សម្រាប់កម្ពុជាអាចកើតឡើងតាមរយៈការកែច្នៃផលិតផលក្នុងស្រុក ការកែលម្អស្តង់ដារគុណភាព ការបង្កើតការងារជំនាញ និងការភ្ជាប់សហគ្រាសខ្មែរជាមួយអ្នកទិញ ឬអ្នកផ្គត់ផ្គង់បច្ចេកវិទ្យាបារាំង។

-ហិរញ្ញប្បទានអភិវឌ្ឍន៍៖ មានមូលដ្ឋានស្រាប់សម្រាប់ជំរុញគម្រោងថ្មី យោងតាមក្រសួងការបរទេសបារាំងរាយការណ៍ថា ក្រុមទីភ្នាក់ងារបារាំងសម្រាប់ការអភិវឌ្ឍ AFD ដែលមានវត្តមាននៅកម្ពុជាតាំងពីឆ្នាំ១៩៩៣ បានសន្យាផ្តល់ហិរញ្ញប្បទានសរុបជាង ១.៣ ពាន់លានអឺរ៉ូ លើវិស័យដូចជា ទឹក អនាម័យ ថាមពល កសិកម្ម និងបណ្តុះបណ្តាលវិជ្ជាជីវៈ។

-ផលប្រយោជន៍បេតិកភណ្ឌ៖ មេបុណ្យខាងលិចបង្ហាញអត្ថប្រយោជន៍នៃការសហការរយៈពេលវែងគម្រោងជួសជុលប្រាសាទមេបុណ្យខាងលិចមានតម្លៃប្រមាណ ៦លានអឺរ៉ូ។ ការចូលរួមរបស់បារាំងចាប់ផ្តើមនៅឆ្នាំ២០១២ តាមសំណើរបស់អាជ្ញាធរកម្ពុជា និងក្នុងភាពជាដៃគូជាមួយអាជ្ញាធរជាតិអប្សរា៕