* ប្រធានាធិបតីបារាំង ម៉ាក្រុង ចង់ឲ្យមានការបង្រៀនភាសាបារាំងកាន់តែច្រើនថែមទៀតនៅក្នុងប្រទេសកម្ពុជា
* ប្រមុខដឹកនាំកម្ពុជា-បារាំង បង្កើតភាពជាដៃគូកម្រិតថ្មី ជាមួយនឹងការចុះហត្ថលេខាលើកិច្ចព្រមព្រៀងចំនួន២៩
* សម្តេចមហាបវរធិបតី ហ៊ុន ម៉ាណែត ថ្លែងអំណរគុណប្រទេសបារាំង និងលោក ម៉ាក្រុង ដែលបានខិតខំសម្របសម្រួលរកដំណោះស្រាយដោយសន្តិវិធី លើបញ្ហាព្រំដែនកម្ពុជា-ថៃ
* សម្តេចមហាបវរធិបតី ហ៊ុន ម៉ាណែត ប្រកាសពីមហិច្ឆតារបស់កម្ពុជា ក្នុងការក្លាយជា «ស្ពាន FinTech» ដើម្បីតភ្ជាប់ប្រព័ន្ធបច្ចេកវិទ្យាហិរញ្ញវត្ថុរវាងបណ្តាប្រទេសនិយាយភាសាបារាំង និងតំបន់អាស៊ាន
* ប្រធានាធិបតីបារាំង ម៉ាក្រុង និងលោកជំទាវទីមួយ ចូលក្រាបបង្គំគាល់ ព្រះមហាក្សត្រខ្មែរ នៅព្រះបរមរាជវាំង ក្នុងដំណើរទស្សនកិច្ចផ្លូវរដ្ឋជាប្រវត្តិសាស្ត្រនៅកម្ពុជា
* សម្តេចតេជោ ហ៊ុន សែន ទទួលស្វាគមន៍យ៉ាងកក់ក្តៅចំពោះ លោក អេម៉ានុយអែល ម៉ាក្រុង ប្រធានាធិបតីបារាំង នៅវិមានសាមគ្គីភាព មុនជំនួបប្រជុំកំពូល
* សម្តេចមហាបវរធិបតី ហ៊ុន ម៉ាណែត អញ្ជើញបើកផ្លូវការព្រឹត្តិការណ៍ហ្វ្រង់កូតិច២០២៦
* ព្រះមហាក្សត្រកម្ពុជា រៀបចំព្រះរាជពិធីលៀងសាយភោជន៍ជូនប្រធានាធិបតីបារាំង និងគណៈប្រតិភូ ក្នុងឱកាសអញ្ជើញមកបំពេញទស្សនកិច្ចផ្លូវរដ្ឋនិង ឱកាសកិច្ចប្រជុំកំពូលហ្វ្រង់កូហ្វូនីនៅកម្ពុជា
* ព្រះមហាក្សត្រ៖ «សេចក្តីស្អប់មិនអាចរំលាយដោយសេចក្តីស្អប់បានឡើយ», ស្នាមញញឹមខ្មែរ នឹងធ្វើជាសារសន្តិភាពទៅកាន់ពិភពលោក
* ព្រះមហាក្សត្រ អំពាវនាវឱ្យផ្តល់តួនាទីពេញលេញដល់យុវជនក្នុងការកសាងសន្តិភាព និងវាយតម្លៃខ្ពស់ចំពោះថាមពលវ័យក្មេងនៃទ្វីបអាហ្វ្រិក
* ព្រះមហាក្សត្រ រំឭកពីព្រះរាជបេសកកម្ម «ព្រះបរមរតនកោដ្ឋ» ក្នុងការបង្កើតហ្វ្រង់កូហ្វូនី និងចំខួប ៦០ឆ្នាំនៃសំឡេង លោក ហ្សាល ដឺហ្គោល អតីតប្រធានាធិបតីបារាំងនៅភ្នំពេញ
* អគ្គលេខាធិការអង្គការសហប្រជាជាតិ អះអាងថា ពិភពលោក បច្ចុប្បន្ន ចំណាយលើយោធាធំជាងជំនួយអភិវឌ្ឍន៍១៣ដង និងអំពាវនាវឱ្យប្រែក្លាយទំនុកចិត្តហ្វ្រង់កូហ្វូនីទៅជាសន្តិភាពពិតប្រាកដ
* សម្ដេចមហាបវរធិបតី ហ៊ុន ម៉ាណែត៖ កម្ពុជា មានបំណងប្រែក្លាយភ្នំពេញ ឲ្យទៅជាស្ពានភ្ជាប់រវាងអាស៉ី និងលំហហ្វ្រង់កូហ្វូនី
* សម្តេចមហាបវរធិបតី ហ៊ុន ម៉ាណែត ស្នើឱ្យមានសកម្មភាពគន្លឹះចំនួនបី គឺការបង្ការ ការត្រៀមខ្លួន និងការកសាងវិបុលភាព
* សម្តេចធិបតី ហ៊ុន ម៉ាណែត៖ កម្ពុជានិយាយពីសន្តិភាព ពីព្រោះកម្ពុជាធ្លាប់ឆ្លងកាត់សង្រ្គាម, កម្ពុជាដឹងច្បាស់ថាសង្រ្គាមបានបំផ្លិចបំផ្លាញអ្វីខ្លះ ហើយកម្ពុជាក៏ដឹងច្បាស់ថា សន្តិភាពនាំមកនូវលទ្ធភាពអ្វីខ្លះ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

លោកស្រីបណ្ឌិត ជា សិរី៖ ការកសាងទំនុកចិត្ត គឺជាមូលដ្ឋានគ្រឹះមុនការនាំយកបច្ចេកវិទ្យា មកអភិវឌ្ឍវិស័យហិរញ្ញវត្ថុកម្ពុជា

15-11-2026 16:56

(ភ្នំពេញ)៖ លោកស្រីបណ្ឌិត ជា សិរី ទេសាភិបាលធនាគារជាតិនៃកម្ពុជា បានគូសបញ្ជាក់ថា ការកសាងទំនុកចិត្ត គឺជាមូលដ្ឋានគ្រឹះដ៏សំខាន់ មុននឹងនាំយកបច្ចេកវិទ្យាមកប្រើប្រាស់ក្នុងការអភិវឌ្ឍវិស័យហិរញ្ញវត្ថុរបស់កម្ពុជា។

លោកស្រីបណ្ឌិតបានបន្ថែមថា ការរីកចម្រើននៃប្រព័ន្ធហិរញ្ញវត្ថុ មិនគួរត្រូវបានវាស់វែងត្រឹមតែទំហំទឹកប្រាក់ ដែលចរាចរនោះទេ ប៉ុន្តែត្រូវផ្អែកលើចំនួនប្រជាពលរដ្ឋ ដែលអាចទទួលបានសេវាហិរញ្ញវត្ថុប្រកបដោយប្រសិទ្ធភាព។

ការលើកឡើងបែបនេះ របស់លោកស្រីបណ្ឌិត ជា សិរី ធ្វើឡើងក្នុងឱកាសលោកស្រីបណ្ឌិត ជា សិរី អញ្ជើញបើកជាផ្លូវការនៃវេទិកាហិរញ្ញវត្ថុអន្តរជាតិ Black Swan Summit Cambodia 2026 រៀបចំឡើងនៅព្រឹកថ្ងៃទី១៥ ខែវិច្ឆិកា ឆ្នាំ២០២៦ ដោយមានការចូលរួមពីថ្នាក់ដឹកនាំក្រសួង ស្ថាប័នរដ្ឋាភិបាល អ្នកជំនាញវិស័យហិរញ្ញវត្ថុ និងតំណាងក្រុមហ៊ុនបច្ចេកវិទ្យាហិរញ្ញវត្ថុជាតិ និងអន្តរជាតិ។

លោកស្រីបណ្ឌិត ជា សិរី បានរំលេចពីដំណើរវិវត្តនៃវិស័យហិរញ្ញវត្ថុកម្ពុជា ដែលចាប់ផ្តើមពីការកសាងទំនុកចិត្តជាមុនសិន មុននឹងឈានទៅប្រើប្រាស់បច្ចេកវិទ្យាទំនើប។ ជាក់ស្តែង កម្ពុជាបានបង្កើតការិយាល័យឥណទានកម្ពុជា (CBC) ក្នុងឆ្នាំ២០១២ ដើម្បីជួយឱ្យប្រជាពលរដ្ឋ និងអាជីវករខ្នាតតូចអាចកសាងប្រវត្តិឥណទាន ដែលជាមូលដ្ឋានសម្រាប់គ្រឹះស្ថានហិរញ្ញវត្ថុក្នុងការវាយតម្លៃ និងផ្តល់ឥណទានប្រកបដោយទំនុកចិត្ត។

លោកស្រីបណ្ឌិតបានបញ្ជាក់ថា កម្ពុជាបានបន្តអភិវឌ្ឍប្រព័ន្ធទូទាត់បាគង (Bakong) ដែលជាហេដ្ឋារចនាសម្ព័ន្ធហិរញ្ញវត្ថុសំខាន់សម្រាប់តភ្ជាប់គ្រឹះស្ថានធនាគារ និងហិរញ្ញវត្ថុ ព្រមទាំងគ្រឹះស្ថានផ្តល់សេវាទូទាត់សងប្រាក់។ បច្ចុប្បន្នប្រព័ន្ធបាគងមានការតភ្ជាប់គណនីប្រមាណ៣៨លានគណនី ក្នុងប្រទេសដែលមានប្រជាជនប្រមាណ១៧លាននាក់។

លោកស្រីបណ្ឌិត ជា សិរី បានថ្លែងថា «ប្រព័ន្ធហិរញ្ញវត្ថុ គួរត្រូវបានវាយតម្លៃដោយផ្អែកលើចំនួនមនុស្ស ដែលអាចទទួលបានសេវាទាំងនោះប្រកបដោយប្រសិទ្ធភាព មិនមែនវាស់វែងតែលើទំហំទឹកប្រាក់ដែលត្រូវបានចរាចរនោះទេ»។

លោកស្រីបណ្ឌិតបន្តថា ទោះបីជាហេដ្ឋារចនាសម្ព័ន្ធទូទាត់របស់កម្ពុជាមានការរីកចម្រើនគួរឱ្យកត់សម្គាល់ក៏ដោយ ក៏ការជំរុញបរិយាបន្នហិរញ្ញវត្ថុ នៅតែជាការងារដែលត្រូវបន្តពង្រឹង ជាពិសេសសម្រាប់ស្ត្រី គ្រួសារនៅតាមតំបន់ជនបទ និងអ្នកប្រកបរបរក្នុងសេដ្ឋកិច្ចក្រៅប្រព័ន្ធ ដែលនៅតែត្រូវការឱកាសទទួលបានសេវាហិរញ្ញវត្ថុសមស្រប និងមានប្រសិទ្ធភាព។

ក្នុងន័យនេះ យុទ្ធសាស្ត្រជាតិស្តីពីបរិយាបន្នហិរញ្ញវត្ថុថ្មីរបស់កម្ពុជា សម្រាប់ឆ្នាំ២០២៦-២០៣០ បានដាក់ស្ត្រីជាអាទិភាព និងផ្តោតលើការវាស់វែងសមត្ថភាពរបស់ប្រជាពលរដ្ឋក្នុងការទប់ទល់នឹងវិបត្តិហិរញ្ញវត្ថុ ជាជាងផ្តោតតែលើចំនួនអ្នកមានគណនីធនាគារប្រើប្រាស់ប៉ុណ្ណោះ៕