* ប្រធានាធិបតីបារាំង ម៉ាក្រុង ចង់ឲ្យមានការបង្រៀនភាសាបារាំងកាន់តែច្រើនថែមទៀតនៅក្នុងប្រទេសកម្ពុជា
* ប្រមុខដឹកនាំកម្ពុជា-បារាំង បង្កើតភាពជាដៃគូកម្រិតថ្មី ជាមួយនឹងការចុះហត្ថលេខាលើកិច្ចព្រមព្រៀងចំនួន២៩
* សម្តេចមហាបវរធិបតី ហ៊ុន ម៉ាណែត ថ្លែងអំណរគុណប្រទេសបារាំង និងលោក ម៉ាក្រុង ដែលបានខិតខំសម្របសម្រួលរកដំណោះស្រាយដោយសន្តិវិធី លើបញ្ហាព្រំដែនកម្ពុជា-ថៃ
* សម្តេចមហាបវរធិបតី ហ៊ុន ម៉ាណែត ប្រកាសពីមហិច្ឆតារបស់កម្ពុជា ក្នុងការក្លាយជា «ស្ពាន FinTech» ដើម្បីតភ្ជាប់ប្រព័ន្ធបច្ចេកវិទ្យាហិរញ្ញវត្ថុរវាងបណ្តាប្រទេសនិយាយភាសាបារាំង និងតំបន់អាស៊ាន
* ប្រធានាធិបតីបារាំង ម៉ាក្រុង និងលោកជំទាវទីមួយ ចូលក្រាបបង្គំគាល់ ព្រះមហាក្សត្រខ្មែរ នៅព្រះបរមរាជវាំង ក្នុងដំណើរទស្សនកិច្ចផ្លូវរដ្ឋជាប្រវត្តិសាស្ត្រនៅកម្ពុជា
* សម្តេចតេជោ ហ៊ុន សែន ទទួលស្វាគមន៍យ៉ាងកក់ក្តៅចំពោះ លោក អេម៉ានុយអែល ម៉ាក្រុង ប្រធានាធិបតីបារាំង នៅវិមានសាមគ្គីភាព មុនជំនួបប្រជុំកំពូល
* សម្តេចមហាបវរធិបតី ហ៊ុន ម៉ាណែត អញ្ជើញបើកផ្លូវការព្រឹត្តិការណ៍ហ្វ្រង់កូតិច២០២៦
* ព្រះមហាក្សត្រកម្ពុជា រៀបចំព្រះរាជពិធីលៀងសាយភោជន៍ជូនប្រធានាធិបតីបារាំង និងគណៈប្រតិភូ ក្នុងឱកាសអញ្ជើញមកបំពេញទស្សនកិច្ចផ្លូវរដ្ឋនិង ឱកាសកិច្ចប្រជុំកំពូលហ្វ្រង់កូហ្វូនីនៅកម្ពុជា
* ព្រះមហាក្សត្រ៖ «សេចក្តីស្អប់មិនអាចរំលាយដោយសេចក្តីស្អប់បានឡើយ», ស្នាមញញឹមខ្មែរ នឹងធ្វើជាសារសន្តិភាពទៅកាន់ពិភពលោក
* ព្រះមហាក្សត្រ អំពាវនាវឱ្យផ្តល់តួនាទីពេញលេញដល់យុវជនក្នុងការកសាងសន្តិភាព និងវាយតម្លៃខ្ពស់ចំពោះថាមពលវ័យក្មេងនៃទ្វីបអាហ្វ្រិក
* ព្រះមហាក្សត្រ រំឭកពីព្រះរាជបេសកកម្ម «ព្រះបរមរតនកោដ្ឋ» ក្នុងការបង្កើតហ្វ្រង់កូហ្វូនី និងចំខួប ៦០ឆ្នាំនៃសំឡេង លោក ហ្សាល ដឺហ្គោល អតីតប្រធានាធិបតីបារាំងនៅភ្នំពេញ
* អគ្គលេខាធិការអង្គការសហប្រជាជាតិ អះអាងថា ពិភពលោក បច្ចុប្បន្ន ចំណាយលើយោធាធំជាងជំនួយអភិវឌ្ឍន៍១៣ដង និងអំពាវនាវឱ្យប្រែក្លាយទំនុកចិត្តហ្វ្រង់កូហ្វូនីទៅជាសន្តិភាពពិតប្រាកដ
* សម្ដេចមហាបវរធិបតី ហ៊ុន ម៉ាណែត៖ កម្ពុជា មានបំណងប្រែក្លាយភ្នំពេញ ឲ្យទៅជាស្ពានភ្ជាប់រវាងអាស៉ី និងលំហហ្វ្រង់កូហ្វូនី
* សម្តេចមហាបវរធិបតី ហ៊ុន ម៉ាណែត ស្នើឱ្យមានសកម្មភាពគន្លឹះចំនួនបី គឺការបង្ការ ការត្រៀមខ្លួន និងការកសាងវិបុលភាព
* សម្តេចធិបតី ហ៊ុន ម៉ាណែត៖ កម្ពុជានិយាយពីសន្តិភាព ពីព្រោះកម្ពុជាធ្លាប់ឆ្លងកាត់សង្រ្គាម, កម្ពុជាដឹងច្បាស់ថាសង្រ្គាមបានបំផ្លិចបំផ្លាញអ្វីខ្លះ ហើយកម្ពុជាក៏ដឹងច្បាស់ថា សន្តិភាពនាំមកនូវលទ្ធភាពអ្វីខ្លះ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

កម្ពុជាក្លាយជាអ្នកផ្តល់ដំណោះស្រាយឌីជីថលក្នុងតំបន់ តាមរយៈប្រព័ន្ធ Verify.gov.kh ខណៈទីម័រខាងកើត និងហ្វីលីពីន យកទៅប្រើប្រាស់សម្រាប់ប្រព័ន្ធប័ណ្ណបើកបរ និងអត្តសញ្ញាណឌីជីថលជាតិ

15-11-2026 18:21

(ភ្នំពេញ)៖ កម្ពុជាបានបោះជំហានថ្មីមួយទៀតក្នុងវិស័យបច្ចេកវិទ្យា ដោយក្លាយជាប្រទេសអ្នកច្នៃប្រឌិត និងអ្នកផ្តល់ដំណោះស្រាយឌីជីថលក្នុងតំបន់ តាមរយៈវេទិកាផ្ទៀងផ្ទាត់ឯកសារផ្លូវការ «Verify.gov.kh» ដែលបច្ចុប្បន្នត្រូវបានប្រទេសទីម័រខាងកើត និងប្រទេសហ្វីលីពីន យកទៅអនុម័ត និងដាក់ពង្រាយការប្រើប្រាស់សម្រាប់ប្រព័ន្ធប័ណ្ណបើកបរ និងប្រព័ន្ធអត្តសញ្ញាណឌីជីថលជាតិរបស់ពួកគេ។

ការបង្ហាញពីមោទនភាពជាតិលើវិស័យឌីជីថលនេះ ត្រូវបានធ្វើឡើងដោយ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មាធិការរដ្ឋាភិបាលឌីជីថលកម្ពុជា ក្នុងសុន្ទរកថាគន្លឹះនៃវេទិកាថ្នាក់រដ្ឋមន្ត្រីស្ដីពី «រដ្ឋាភិបាលឌីជីថល» ក្រោមប្រធានបទ «ពន្លឿនការអភិវឌ្ឍហេដ្ឋារចនាសម្ព័ន្ធសាធារណៈប្រកបដោយភាពធន់ បរិយាប័ន្ន និងផ្ដោតលើប្រជាពលរដ្ឋ» ក្នុងព្រឹត្តិការណ៍ FrancoTech 2026 នាថ្ងៃទី១៥ ខែវិច្ឆិកា ឆ្នាំ២០២៦ នៅរាជធានីភ្នំពេញ។

លោករដ្ឋមន្ត្រី បានគូសបញ្ជាក់ថា វេទិកា «Verify.gov.kh» គឺជាសមិទ្ធផលដ៏សំខាន់បំផុតមួយនៃការកសាងរដ្ឋាភិបាលឌីជីថលរបស់កម្ពុជា ដែលបានទទួលពានរង្វាន់សេវាសាធារណៈរបស់អង្គការសហប្រជាជាតិ (UN Public Service Award) ដ៏មានកិត្យានុភាពក្នុងឆ្នាំ២០២៦ នេះ។ គិតត្រឹមខែតុលា ឆ្នាំ២០២៦ វេទិកានេះត្រូវបានដាក់ឱ្យអនុវត្តដោយក្រសួង និងស្ថាប័នសាធារណៈចំនួន៣៨ ព្រមទាំងគ្រឹះស្ថានអប់រំចំនួន ៧៧ ដោយបានគាំទ្រដល់ការផ្ទៀងផ្ទាត់ឯកសារសរុបប្រមាណ ១២លានឯកសារ រួចមកហើយ។

លោក ជា វ៉ាន់ដេត បានពន្យល់ថា Verify.gov.kh បានបង្ហាញពីរបៀបដែលបច្ចេកវិទ្យាអាចសម្រួលនីតិវិធីរដ្ឋបាល កាត់បន្ថយពេលវេលាផ្ទៀងផ្ទាត់ ការពារការក្លែងបន្លំឯកសារ និងពង្រឹងទំនុកចិត្តសាធារណៈ ដោយលក្ខណៈពិសេសប្លែករបស់វា គឺឯកសារអាចត្រូវបានផ្ទៀងផ្ទាត់ដោយមិនតម្រូវឱ្យមានការចូលប្រើប្រាស់ជាបន្តបន្ទាប់ទៅកាន់មូលដ្ឋានទិន្នន័យរបស់ស្ថាប័នចេញផ្សាយនោះទេ។

ទន្ទឹមនឹងជោគជ័យក្នុងស្រុក តាមរយៈកិច្ចសហប្រតិបត្តិការទ្វេភាគី ប្រទេសទីម័រខាងកើត បានអនុម័តយកបច្ចេកវិទ្យា Verify.gov.kh របស់កម្ពុជានេះ សម្រាប់ប្រើប្រាស់ក្នុងប្រព័ន្ធប័ណ្ណបើកបររបស់ខ្លួន ខណៈដែល ប្រទេសហ្វីលីពីន ក៏បានដាក់ពង្រាយស្ថាបត្យកម្មដែលផ្អែកលើ Verify.gov.kh សម្រាប់ប្រព័ន្ធអត្តសញ្ញាណឌីជីថលជាតិរបស់ខ្លួនផងដែរ។ លោករដ្ឋមន្ត្រីបានសង្កត់ធ្ងន់លើអត្ថន័យនៃសមិទ្ធផលនេះថា៖ «បទពិសោធន៍ទាំងនេះបង្ហាញមេរៀនដ៏សំខាន់មួយ៖ ប្រទេសកំពុងអភិវឌ្ឍន៍អាចក្លាយជាមិនត្រឹមតែអ្នកប្រើប្រាស់បច្ចេកវិទ្យាឌីជីថលប៉ុណ្ណោះទេ ប៉ុន្តែក៏ជាអ្នកច្នៃប្រឌិត និងអ្នកផ្តល់ដំណោះស្រាយឌីជីថលផងដែរ» ។

លោករដ្ឋមន្រ្តី បានបង្ហាញពីចក្ខុវិស័យបន្តទៀតថា កម្ពុជានឹងអភិវឌ្ឍ Verify.gov.kh ឱ្យក្លាយទៅជាវេទិកាហេដ្ឋារចនាសម្ព័ន្ធសាធារណៈឌីជីថលពហុបំណង ដែលអាចគាំទ្រដល់អត្តសញ្ញាណឌីជីថល កាបូបឌីជីថល ការផ្លាស់ប្តូរទិន្នន័យប្រកបដោយសុវត្ថិភាព និងសេវាស្គាល់អតិថិជនតាមប្រព័ន្ធអេឡិចត្រូនិក (e-KYC) ស្របពេលដែលកម្ពុជាក៏បានដាក់ឱ្យប្រើប្រាស់កម្មវិធី «DG SuperApp» ដែលជាច្រកទ្វារបង្រួបបង្រួមទៅកាន់សេវារដ្ឋាភិបាលឌីជីថល និងបញ្ញាសិប្បនិម្មិតភាសាខ្មែរផងដែរ៕