* ប្រធានាធិបតីបារាំង ម៉ាក្រុង ចង់ឲ្យមានការបង្រៀនភាសាបារាំងកាន់តែច្រើនថែមទៀតនៅក្នុងប្រទេសកម្ពុជា
* ប្រមុខដឹកនាំកម្ពុជា-បារាំង បង្កើតភាពជាដៃគូកម្រិតថ្មី ជាមួយនឹងការចុះហត្ថលេខាលើកិច្ចព្រមព្រៀងចំនួន២៩
* សម្តេចមហាបវរធិបតី ហ៊ុន ម៉ាណែត ថ្លែងអំណរគុណប្រទេសបារាំង និងលោក ម៉ាក្រុង ដែលបានខិតខំសម្របសម្រួលរកដំណោះស្រាយដោយសន្តិវិធី លើបញ្ហាព្រំដែនកម្ពុជា-ថៃ
* សម្តេចមហាបវរធិបតី ហ៊ុន ម៉ាណែត ប្រកាសពីមហិច្ឆតារបស់កម្ពុជា ក្នុងការក្លាយជា «ស្ពាន FinTech» ដើម្បីតភ្ជាប់ប្រព័ន្ធបច្ចេកវិទ្យាហិរញ្ញវត្ថុរវាងបណ្តាប្រទេសនិយាយភាសាបារាំង និងតំបន់អាស៊ាន
* ប្រធានាធិបតីបារាំង ម៉ាក្រុង និងលោកជំទាវទីមួយ ចូលក្រាបបង្គំគាល់ ព្រះមហាក្សត្រខ្មែរ នៅព្រះបរមរាជវាំង ក្នុងដំណើរទស្សនកិច្ចផ្លូវរដ្ឋជាប្រវត្តិសាស្ត្រនៅកម្ពុជា
* សម្តេចតេជោ ហ៊ុន សែន ទទួលស្វាគមន៍យ៉ាងកក់ក្តៅចំពោះ លោក អេម៉ានុយអែល ម៉ាក្រុង ប្រធានាធិបតីបារាំង នៅវិមានសាមគ្គីភាព មុនជំនួបប្រជុំកំពូល
* សម្តេចមហាបវរធិបតី ហ៊ុន ម៉ាណែត អញ្ជើញបើកផ្លូវការព្រឹត្តិការណ៍ហ្វ្រង់កូតិច២០២៦
* ព្រះមហាក្សត្រកម្ពុជា រៀបចំព្រះរាជពិធីលៀងសាយភោជន៍ជូនប្រធានាធិបតីបារាំង និងគណៈប្រតិភូ ក្នុងឱកាសអញ្ជើញមកបំពេញទស្សនកិច្ចផ្លូវរដ្ឋនិង ឱកាសកិច្ចប្រជុំកំពូលហ្វ្រង់កូហ្វូនីនៅកម្ពុជា
* ព្រះមហាក្សត្រ៖ «សេចក្តីស្អប់មិនអាចរំលាយដោយសេចក្តីស្អប់បានឡើយ», ស្នាមញញឹមខ្មែរ នឹងធ្វើជាសារសន្តិភាពទៅកាន់ពិភពលោក
* ព្រះមហាក្សត្រ អំពាវនាវឱ្យផ្តល់តួនាទីពេញលេញដល់យុវជនក្នុងការកសាងសន្តិភាព និងវាយតម្លៃខ្ពស់ចំពោះថាមពលវ័យក្មេងនៃទ្វីបអាហ្វ្រិក
* ព្រះមហាក្សត្រ រំឭកពីព្រះរាជបេសកកម្ម «ព្រះបរមរតនកោដ្ឋ» ក្នុងការបង្កើតហ្វ្រង់កូហ្វូនី និងចំខួប ៦០ឆ្នាំនៃសំឡេង លោក ហ្សាល ដឺហ្គោល អតីតប្រធានាធិបតីបារាំងនៅភ្នំពេញ
* អគ្គលេខាធិការអង្គការសហប្រជាជាតិ អះអាងថា ពិភពលោក បច្ចុប្បន្ន ចំណាយលើយោធាធំជាងជំនួយអភិវឌ្ឍន៍១៣ដង និងអំពាវនាវឱ្យប្រែក្លាយទំនុកចិត្តហ្វ្រង់កូហ្វូនីទៅជាសន្តិភាពពិតប្រាកដ
* សម្ដេចមហាបវរធិបតី ហ៊ុន ម៉ាណែត៖ កម្ពុជា មានបំណងប្រែក្លាយភ្នំពេញ ឲ្យទៅជាស្ពានភ្ជាប់រវាងអាស៉ី និងលំហហ្វ្រង់កូហ្វូនី
* សម្តេចមហាបវរធិបតី ហ៊ុន ម៉ាណែត ស្នើឱ្យមានសកម្មភាពគន្លឹះចំនួនបី គឺការបង្ការ ការត្រៀមខ្លួន និងការកសាងវិបុលភាព
* សម្តេចធិបតី ហ៊ុន ម៉ាណែត៖ កម្ពុជានិយាយពីសន្តិភាព ពីព្រោះកម្ពុជាធ្លាប់ឆ្លងកាត់សង្រ្គាម, កម្ពុជាដឹងច្បាស់ថាសង្រ្គាមបានបំផ្លិចបំផ្លាញអ្វីខ្លះ ហើយកម្ពុជាក៏ដឹងច្បាស់ថា សន្តិភាពនាំមកនូវលទ្ធភាពអ្វីខ្លះ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

រដ្ឋមន្ត្រី ជា វ៉ាន់ដេត៖ កម្ពុជាដាក់គោលដៅអភិវឌ្ឍអ្នកជំនាញឌីជីថលឱ្យបាន១០ម៉ឺននាក់ ក្នុងរយៈពេល ១០ឆ្នាំខាងមុខ

15-11-2026 18:28

(ភ្នំពេញ)៖ រាជរដ្ឋាភិបាលកម្ពុជា តាមរយៈក្រសួងប្រៃសណីយ៍ និងទូរគមនាគមន៍ បានដាក់ចេញនូវផែនទីបង្ហាញផ្លូវជំនាញឌីជីថល ដោយកំណត់គោលដៅអភិវឌ្ឍអ្នកជំនាញឌីជីថលឱ្យបានយ៉ាងហោចណាស់ ១០ម៉ឺននាក់ ក្នុងរយៈពេលមួយទសវត្សរ៍ខាងមុខ ដើម្បីឆ្លើយតបទៅនឹងតម្រូវការនៃការធ្វើបរិវត្តកម្មឌីជីថល និងការជំរុញកំណើនសេដ្ឋកិច្ចឌីជីថលជាតិ។

ការបង្ហាញពីទិសដៅយុទ្ធសាស្ត្រក្នុងការកសាងមូលធនមនុស្សឌីជីថលនេះ ត្រូវបានធ្វើឡើងដោយ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មាធិការរដ្ឋាភិបាលឌីជីថលកម្ពុជា ក្នុងសុន្ទរកថាគន្លឹះនៃវេទិកាថ្នាក់រដ្ឋមន្ត្រីស្ដីពី «រដ្ឋាភិបាលឌីជីថល» ក្រោមប្រធានបទ «ពន្លឿនការអភិវឌ្ឍហេដ្ឋារចនាសម្ព័ន្ធសាធារណៈប្រកបដោយភាពធន់ បរិយាប័ន្ន និងផ្ដោតលើប្រជាពលរដ្ឋ» ក្នុងព្រឹត្តិការណ៍ FrancoTech 2026 នាថ្ងៃទី១៥ ខែវិច្ឆិកា ឆ្នាំ២០២៦ នៅរាជធានីភ្នំពេញ។

លោករដ្ឋមន្ត្រី បានគូសបញ្ជាក់ថា បច្ចេកវិទ្យាមិនអាចជំរុញការផ្លាស់ប្តូរបានឡើយ ប្រសិនបើគ្មានធនធានមនុស្សដែលមានជំនាញច្បាស់លាស់។ ក្នុងន័យនេះ ក្រសួងប្រៃសណីយ៍និងទូរគមនាគមន៍ បាននិងកំពុងវិនិយោគយ៉ាងសកម្មលើការផ្តល់អាហារូបករណ៍ កម្មវិធីកម្ចីនិស្សិតគ្មានការប្រាក់ ការបង្កើតថ្នាក់រៀនឌីជីថល និងមជ្ឈមណ្ឌលបច្ចេកវិទ្យាសហគមន៍ ព្រមទាំងគាំទ្រសាកលវិទ្យាល័យនានាក្នុងការធ្វើទំនើបកម្មកម្មវិធីសិក្សាឌីជីថលផងដែរ។

លោក ជា វ៉ាន់ដេត បានសង្កត់ធ្ងន់បន្ថែមថា ការអភិវឌ្ឍតែអ្នកជំនាញឌីជីថលកម្រិតខ្ពស់តែមួយមុខនៅមិនទាន់គ្រប់គ្រាន់នោះទេ ប៉ុន្តែកម្ពុជាក៏ត្រូវបំពាក់បំប៉នជំនាញឌីជីថលជាមូលដ្ឋានដល់មន្ត្រីរាជការ គ្រូបង្រៀន សហគ្រិន និងប្រជាពលរដ្ឋទូទៅ ដើម្បីឱ្យពួកគេមានសមត្ថភាពចូលរួមពេញលេញក្នុងសេដ្ឋកិច្ចឌីជីថល។ លោកបានថ្លែងយ៉ាងដូច្នេះថា៖ «យើងជឿថា ការវិនិយោគលើមនុស្សគឺមានសារៈសំខាន់ដូចការវិនិយោគលើបច្ចេកវិទ្យាដែរ ព្រោះមនុស្សគឺជាកម្លាំងជំរុញនៅពីក្រោយការផ្លាស់ប្តូរឌីជីថលប្រកបដោយជោគជ័យ»។

គួរជម្រាបជូនថា ក្រៅពីការកសាងមូលធនមនុស្សឌីជីថល ក្រសួងប្រៃសណីយ៍និងទូរគមនាគមន៍ ក៏កំពុងអភិវឌ្ឍ «ឧទ្យានឌីជីថលទំហំ ១០០ ហិកតា» ដើម្បីប្រែក្លាយកម្ពុជាជាមជ្ឈមណ្ឌលឌីជីថលក្នុងតំបន់ សំដៅផ្សារភ្ជាប់ការអភិវឌ្ឍទេពកោសល្យរបស់យុវជន ទៅនឹងតម្រូវការជាក់ស្តែងរបស់ឧស្សាហកម្ម និងទីផ្សារការងារនាពេលអនាគត៕