* ប្រធានាធិបតីបារាំង ម៉ាក្រុង ចង់ឲ្យមានការបង្រៀនភាសាបារាំងកាន់តែច្រើនថែមទៀតនៅក្នុងប្រទេសកម្ពុជា
* ប្រមុខដឹកនាំកម្ពុជា-បារាំង បង្កើតភាពជាដៃគូកម្រិតថ្មី ជាមួយនឹងការចុះហត្ថលេខាលើកិច្ចព្រមព្រៀងចំនួន២៩
* សម្តេចមហាបវរធិបតី ហ៊ុន ម៉ាណែត ថ្លែងអំណរគុណប្រទេសបារាំង និងលោក ម៉ាក្រុង ដែលបានខិតខំសម្របសម្រួលរកដំណោះស្រាយដោយសន្តិវិធី លើបញ្ហាព្រំដែនកម្ពុជា-ថៃ
* សម្តេចមហាបវរធិបតី ហ៊ុន ម៉ាណែត ប្រកាសពីមហិច្ឆតារបស់កម្ពុជា ក្នុងការក្លាយជា «ស្ពាន FinTech» ដើម្បីតភ្ជាប់ប្រព័ន្ធបច្ចេកវិទ្យាហិរញ្ញវត្ថុរវាងបណ្តាប្រទេសនិយាយភាសាបារាំង និងតំបន់អាស៊ាន
* ប្រធានាធិបតីបារាំង ម៉ាក្រុង និងលោកជំទាវទីមួយ ចូលក្រាបបង្គំគាល់ ព្រះមហាក្សត្រខ្មែរ នៅព្រះបរមរាជវាំង ក្នុងដំណើរទស្សនកិច្ចផ្លូវរដ្ឋជាប្រវត្តិសាស្ត្រនៅកម្ពុជា
* សម្តេចតេជោ ហ៊ុន សែន ទទួលស្វាគមន៍យ៉ាងកក់ក្តៅចំពោះ លោក អេម៉ានុយអែល ម៉ាក្រុង ប្រធានាធិបតីបារាំង នៅវិមានសាមគ្គីភាព មុនជំនួបប្រជុំកំពូល
* សម្តេចមហាបវរធិបតី ហ៊ុន ម៉ាណែត អញ្ជើញបើកផ្លូវការព្រឹត្តិការណ៍ហ្វ្រង់កូតិច២០២៦
* ព្រះមហាក្សត្រកម្ពុជា រៀបចំព្រះរាជពិធីលៀងសាយភោជន៍ជូនប្រធានាធិបតីបារាំង និងគណៈប្រតិភូ ក្នុងឱកាសអញ្ជើញមកបំពេញទស្សនកិច្ចផ្លូវរដ្ឋនិង ឱកាសកិច្ចប្រជុំកំពូលហ្វ្រង់កូហ្វូនីនៅកម្ពុជា
* ព្រះមហាក្សត្រ៖ «សេចក្តីស្អប់មិនអាចរំលាយដោយសេចក្តីស្អប់បានឡើយ», ស្នាមញញឹមខ្មែរ នឹងធ្វើជាសារសន្តិភាពទៅកាន់ពិភពលោក
* ព្រះមហាក្សត្រ អំពាវនាវឱ្យផ្តល់តួនាទីពេញលេញដល់យុវជនក្នុងការកសាងសន្តិភាព និងវាយតម្លៃខ្ពស់ចំពោះថាមពលវ័យក្មេងនៃទ្វីបអាហ្វ្រិក
* ព្រះមហាក្សត្រ រំឭកពីព្រះរាជបេសកកម្ម «ព្រះបរមរតនកោដ្ឋ» ក្នុងការបង្កើតហ្វ្រង់កូហ្វូនី និងចំខួប ៦០ឆ្នាំនៃសំឡេង លោក ហ្សាល ដឺហ្គោល អតីតប្រធានាធិបតីបារាំងនៅភ្នំពេញ
* អគ្គលេខាធិការអង្គការសហប្រជាជាតិ អះអាងថា ពិភពលោក បច្ចុប្បន្ន ចំណាយលើយោធាធំជាងជំនួយអភិវឌ្ឍន៍១៣ដង និងអំពាវនាវឱ្យប្រែក្លាយទំនុកចិត្តហ្វ្រង់កូហ្វូនីទៅជាសន្តិភាពពិតប្រាកដ
* សម្ដេចមហាបវរធិបតី ហ៊ុន ម៉ាណែត៖ កម្ពុជា មានបំណងប្រែក្លាយភ្នំពេញ ឲ្យទៅជាស្ពានភ្ជាប់រវាងអាស៉ី និងលំហហ្វ្រង់កូហ្វូនី
* សម្តេចមហាបវរធិបតី ហ៊ុន ម៉ាណែត ស្នើឱ្យមានសកម្មភាពគន្លឹះចំនួនបី គឺការបង្ការ ការត្រៀមខ្លួន និងការកសាងវិបុលភាព
* សម្តេចធិបតី ហ៊ុន ម៉ាណែត៖ កម្ពុជានិយាយពីសន្តិភាព ពីព្រោះកម្ពុជាធ្លាប់ឆ្លងកាត់សង្រ្គាម, កម្ពុជាដឹងច្បាស់ថាសង្រ្គាមបានបំផ្លិចបំផ្លាញអ្វីខ្លះ ហើយកម្ពុជាក៏ដឹងច្បាស់ថា សន្តិភាពនាំមកនូវលទ្ធភាពអ្វីខ្លះ
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

ប្រធានាធិបតីបារាំង អេម៉ានុយអែល ម៉ាក្រុង រំលឹកពីភាពស្និទ្ធស្នាល និងការជឿទុកចិត្តចំពោះសម្តេចតេជោ ចាប់តាំងពីជំនួបនៅប្រទេសបារាំង កាលពីឆ្នាំ២០២២

15-11-2026 19:32

(ភ្នំពេញ)៖ លោក អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង បានសម្តែងនូវក្តីរីករាយឥតឧបមាដែលបានជួប សម្តេចតេជោ ហ៊ុន សែន ប្រធានព្រឹទ្ធសភាកម្ពុជា សារជាថ្មីម្តងទៀត ដោយលោកបានរំលឹកឡើងវិញនូវមនោសញ្ចេតនាប្រកបដោយភាពស្និទ្ធស្នាល និងការជឿទុកចិត្តយ៉ាងខ្លាំងចំពោះសម្តេចតេជោ ចាប់តាំងពីជំនួបរវាងថ្នាក់ដឹកនាំទាំងពីរនៅឯប្រទេសបារាំង កាលពីឆ្នាំ២០២២ កន្លងទៅ។

នេះបើយោងតាមការបញ្ជាក់របស់ លោក ជា ធីរិទ្ធ អ្នកនាំពាក្យព្រឹទ្ធសភាកម្ពុជា បន្ទាប់ពីជំនួបពិភាក្សាការងារមួយទល់មួយរវាង សម្តេចតេជោ ហ៊ុន សែន និង លោក អេម៉ានុយអែល ម៉ាក្រុង នៅវិមានសាមគ្គីភាព នារសៀលថ្ងៃអាទិត្យ ទី១៥ ខែវិច្ឆិកា ឆ្នាំ២០២៦ នេះ ក្នុងឱកាសដែលប្រធានាធិបតីបារាំង អញ្ជើញបំពេញទស្សនកិច្ចផ្លូវរដ្ឋនៅកម្ពុជា និងចូលរួមកិច្ចប្រជុំកំពូលហ្វ្រង់កូហ្វូនី លើកទី២០។

ក្នុងជំនួបនោះ លោកប្រធានាធិបតី អេម៉ានុយអែល ម៉ាក្រុង បានរំលឹកថា កាលពីឆ្នាំ២០២២ នៅពេលដែលលោកបានជួបជាមួយសម្តេចតេជោនៅប្រទេសបារាំង លោកមានអារម្មណ៍ពោរពេញដោយមនោសញ្ចេតនាប្រកបដោយភាពស្និទ្ធស្នាល និងការជឿទុកចិត្តចំពោះសម្តេចតេជោ។ បន្ថែមពីលើនេះ លោកប្រធានាធិបតីបារាំង ក៏បានលើកឡើងទាក់ទងនឹងកិច្ចប្រជុំកំពូលហ្វ្រង់កូហ្វូនីដែលកម្ពុជាធ្វើជាម្ចាស់ផ្ទះក្នុងឆ្នាំនេះ ដោយលោកបានរំលេចថា អង្គការអន្តរជាតិមួយនេះ គឺមានការចូលរួមពី «ព្រះបរមរតនកោដ្ឋ» ដែលជាបិតាស្ថាបនិកនៃអង្គការហ្វ្រង់កូហ្វូនីផងដែរ។

ជាការស្វាគមន៍ សម្តេចតេជោ ហ៊ុន សែន បានចាត់ទុកដំណើរទស្សនកិច្ចផ្លូវរដ្ឋរបស់ លោក អេម៉ានុយអែល ម៉ាក្រុង នាពេលនេះ គឺជាព្រឹត្តិការណ៍ប្រវត្តិសាស្ត្រមួយសម្រាប់ទំនាក់ទំនងកម្ពុជា-បារាំង ជាពិសេសគឺ «៦០ឆ្នាំក្រោយ» នៃដំណើរទស្សនកិច្ចរបស់ ឧត្តមសេនីយ៍ ហ្សាល ដឺហ្គោល (Charles de Gaulle)។ សម្តេចតេជោ ក៏បានគូសបញ្ជាក់ផងដែរថា សកម្មភាពរបស់លោកប្រធានាធិបតីបារាំង ពេលមកដល់កម្ពុជា ដូចជាការទស្សនាអាកាសយានដ្ឋានអន្តរជាតិតេជោ និងការដើរទស្សនាកម្សាន្តនៅមាត់ទន្លេ និងតាមដងផ្លូវមុខព្រះបរមរាជវាំងនាពេលយប់ជាមួយលោកជំទាវស្ត្រីទី១ បានទទួលការចាប់អារម្មណ៍ និងធ្វើឱ្យប្រជាជនកម្ពុជាមានការរំភើបយ៉ាងខ្លាំង ដែលបង្ហាញពីការស្រឡាញ់ និងការជឿជាក់របស់ប្រជាជនខ្មែរចំពោះប្រទេសបារាំង និងលោកប្រធានាធិបតី។

អ្នកនាំពាក្យព្រឹទ្ធសភា បានឱ្យដឹងបន្ថែមថា នៅក្នុងជំនួបដ៏រលូន និងប្រកបដោយផ្លែផ្កានេះ សម្តេចតេជោ ហ៊ុន សែន និង លោក អេម៉ានុយអែល ម៉ាក្រុង បានផ្លាស់ប្តូរយោបល់គ្នាទៅវិញទៅមកជុំវិញការពង្រឹងកិច្ចសហប្រតិបត្តិការទ្វេភាគីលើវិស័យសំខាន់ៗ រួមមាន សេដ្ឋកិច្ច ពាណិជ្ជកម្ម សុខាភិបាល អប់រំ និងបច្ចេកវិទ្យា ព្រមទាំងបានពិភាក្សាចែករំលែកទស្សនៈលើបញ្ហាមួយចំនួន ដែលភាគីទាំងពីរកំពុងយកចិត្តទុកដាក់ផងដែរ៕